🅸🅽🅺 AND 🄰 🅂 🄷 🄴 🅂
|04|
R-18
ရေချိုးခန်း၏ မှန်အကွဲမှာ ဆံပင်ကို စစ်ဆေးပြီးမှ Gyuvin သည် တိုက်ခန်းကနေ ထွက်ရသည်။ ချစ်ရပါသော Shim Ricky က တစ်ချက်လွှတ်အမိန့် ထုတ်ထားသည်လေ။ --- သူ ဆေးဆိုးပေးထားတာကို အလကားအဖြစ်မခံဖို့ ၊ ဆံပင်အနက်ရောင်ကနေ အဖြူတစ်ရစ် ထွက်လာတာနှင့် သူ့ကို ပြောဖို့။
နှစ်ပတ်ခန့် ကြာခဲ့ပြီ။
Gyuvin သူနှင့် မတွေ့ရ။
သတင်းလိုက်ရင်း တစ်ခုခု ဖြစ်နေမလားတော့ စိတ်မချမဖြစ်မိ။ သူသည် NIS ၏ ထိပ်တန်း Agent လက်၅ချောင်းစာ ရေတွက်ရင်ပင် Top-4 ချိတ်သည့် သူ။ Gyuvin နှင့်ဆို သူ့ဘာသာ မင်းသမီးလေး ဖြစ်နေတာကို အသာထား --- သူက အမျိုးသားလေကြောင်းလိုင်း၏ လေယာဥ်ပြန်ပေးဆွဲခံရမှု ဖြစ်ရပ်မှာပင် ကျူးလွန်သူများကို တစ်ဦးတည်း ဖမ်းနိုင်ခဲ့ပြီး ခရီးသည်အားလုံး ဘေးကင်းစွာ လေဆိပ်ဆင်းနိုင်အောင် စွမ်းဆောင်နိုင်ခဲ့သည့် သူ။
ဒါကြောင့် သူ့ကို စိတ်မချဖြစ်စရာ မရှိ။
သို့သော်လည်း စိတ်ပူသည်။
သူ Russia ကို လိုက်မည်လို့ စသိရကတည်းက ကျေးဇူးရှင် ညွှန်ကြားရေးမှူးကို ပေါက်ကွဲမိသည့်အတိုင်း အခုထက်ထိပင် Gyuvin အတွက် စိတ်ပူရသည့် ရက်က နေ့တိုင်း။ ရတက်မအေးစွာ အဆင်ပြေရဲ့လား စာပို့မိရင် ပြန်ရတတ်သည့် သူ့ reply သည်ကား အေး နှင့် အင်း နှစ်မျိုးသာ။
Gyuvin က လျှို့ဝှက် Agent အဖြစ် လှုပ်ရှားရတာ များသလို သူကဖြင့် နေရောင်အောက်မှာ တောက်ပရသည့် စစ်ဆင်ရေးတွေကိုသာ ကိုင်တွယ်ရလေ့ရှိသည်။ သားဖြစ်သူကို လူမသိသူမသိ သေသွားမလား ပူပန်သည့် ဖခင်ဖြစ်သူ၏ ပုံဖော်ထုဆစ်မှုတစ်ရပ်လို့ ဆိုရမလား မပြောတတ်။ Shim Jongil ရဲ့ ဦးစားပေးမှုသည် သားအရင်းထက် မွေးစားသား Kim Gyuvin ထံမှာ ဖြစ်တည်သည် --- ဒီအတင်းအဖျင်းသည်လည်း အရင်းစစ်ရင် အမြစ်မြေက ဆိုသလို Gyuvin ၏ 007 Zombie code ကို ကြားရတိုင်း နားဘဝင်မခွေ့သည့် နိုင်ငံရေးရာ စွက်ဖက်သူတွေ လွှင့်သည့် သတင်းအတုအယောင်။
ဘယ်ဥက ပေါက်မှန်း မသိရသည့် ဒီကောင်က NIS ရဲ့ ထိပ်ဆုံးမှာ ထူးချွန်ထက်မြက်နေခြင်းကို သူတို့ မရှုစိမ့်နိုင်ကြ။ ဒါကြောင့်လည်း Gyuvin ကို အဆင့် သတ်မှတ်ပေးတာမျိုး သူတို့ မလုပ်။ Gyuvin ကလည်း ချစ်ရသူနှင့် ချစ်ရသူချစ်သော အရာတွေကို ကာကွယ်နိုင်ရင် ကျန်တာ မလိုအပ်သည်မို့ တစ်ဦးတည်း ရမည့် ဆုလာဘ်ကို မမြင်။ သူတို့ အောင့်သက်သက် ပေးအပ်သည့် ဆုတံဆိပ်တွေကို အခန်းထဲ ချိတ်ထားဖို့ထက် ချစ်ရပါသော Shim Ricky ပေးဖူးသည့် လက်ရေးစာကိုသာ ဘောင်သွင်းပြီး ဦးချချင်သည့် Gyuvin ။
YOU ARE READING
𝙄𝙣𝙠 𝙖𝙣𝙙 𝘼𝙨𝙝𝙚𝙨
Fanfiction[Burmese] 𝗚𝗬𝗨𝗩𝗜𝗡 x 𝓡𝓲𝓬𝓴𝔂 "Dear xx, I'd let the world burn for you." "My xx, I will save you because you are my world." This story is a present for the one that got away. @TSOD Gyuvin birthday project. Warning ⚠️ NSFW explicit sexual cont...
