طبعنننن اكثر شيي ينرفزني ويوترني ويضوجني
من اشوف واحد صافن بوجهي حرفيًا اتخبل اضل حتى مااعرف احجي لو واحد يحجي وياي ويباوع لوجهي اني اضل ادير بعيوني
نوب هاي عندي خالي ولد عماتي امي وبنات عمتي
دأمن يصفنون عليه صفنه معدله بحيث يخلوني اتخبل وربي احس حتى اعرگ مدري شبيه
مرا چنا بلمشايه واني نايمه ماعرف شصار بيه بوقتها
فزيت بسبب برودت المبرده بااارده بشكل نوب ࢪجلي موتتني تصل من البرد وليقهر جسمي عرگان واني ابد مااعرگ بس ماعرف شبيه بوقتها ميته برد وعرگانه بنفس الوقت
فَـ گعدت على حيلي لگيت لساعه بَـ 1 بليل چنا نايمين بجامع صغير ومتروس زوار مالك محط رجل
ضليت گاعده مااگدر اگوم بسپب البروده اذت رجلي وبسبب المشي مال النهار واني نايمه بَـ 11بليل
محسيت غير زايرة جانت ايرانيه تجر بلبطانيه مالتي مجانت تعرف انو هاي بطانيتي من باوعت عليها خجلت واعتذرت طبعن بلاشارة لان اني ماعرف
ايراني
هيه بگد امي واني ام گلب الحنين شلتها وانطيتها الها ماقبلت بس اني اصريت تاخذها رغم جنت ميته برد
اخذت مخداتي وگمت ادور على مكان انام بي (ملاحضه مخداتي ثنين عبالك مخده مالت طفل انفاس بگد كف ايدي) هيه گبل نامت على فراشي ستحيت اگلها وخري ضليت واكفه ماكو مكان انام بي
جان تصيحلي تأشر على لمخدات تريدهن!
عبالها اريد ارجعهن استحيت اگلها اريدهن انطيتهن الها وبقيت بطرگ روحي حتى مكان ماكو شفت مكان صاير بلزاويه جريت عباتي وتمدت
جان اكو بنيه گاعده عرفتها ايرانيه من لابسه حجاب الوان باوعتلي وبتسمت ابتسمتلها اني
ضلت كلشوي تباوعلي وتضل صافنه عليه بوقتها جنت هستوني گاعده من النوم وكفشتي گابه لستار وتعبانه ومريضه وهاي تصفن بوجهي توترت كلش
جريت عباتي وتغطيت بيها حتى وجهي
اشو هاي ضلت كلشوي تباوعلي وتبتسم؟!! لحضه اني مغطيه وجهي؟
معقوله جاي تشوفني من ورا العبايه جنت منتبها عليها متابعه تيك توك وكل الفيديوات عراقيه عرفتها تعرف تحجي عراقي گلتلها
-شگد الساعه بلا زحمه عليج؟
جان تباوعلي بفرحه ولبتسامه شگت حلگها
-الساعه وحده ونص
ابتسمتلها وگمت گلت اغسل وحضر نفسي بين ماتگعد امي وابوي رجعت سألتها
-زين اكو صحيات هنا؟
اشو هاي عوزها شوي تطير من الفرح
-اي اي، اكو تجين هنا قريبات
-تمام بس اطلع بدون عباتي لو اكو زلم تشوفنه
-لحضه اشوفلج وارجع
راحت تركض هيه لابسه جبة وهيه شوي بگدي باوعت من الباب ورجعت
-لبسي عباتج زوار برة يشوفونه نطلع على الشارع
رحت علمود اخذ المعجون الاسنان وصابونتي الخاصه "دوف"
اجيت لجنطه تصيح الغوث من الغراض
ضاعت الصابونه فلشت الجنطه عليه تفلش ماكو يمكن خمس مرات فلشت ورجعتهن كلش طولت استحيت منها هيه واگفتلي بباب الحسينيه ومنتضرتني وابتسامتها مافارقت وجها وتباوعلي بتمعن عبالك تعرفني من سنين بالف ياعلي لگيت الصابونه
علما گمت لگيت حجابي ماكو! يبووو دورت حضي طاح مالگيته ستحيت منها گلتلها
-حبي اخرتج روحي اني اسأل على الصحيات واروح
-لالا ماعندي شي منتضرتج
واخيرا لگيت حجابي هستوني داطلع وگلتلي
-لحضه ولجنطه؟ تعوفيها هيج
-جا وين اوديها ماعليها
-لا اكيد تروح غراضج، اگلج هيه بيها فلوسج شي؟
-لا مابيها شي بس ملابسي
-بس تروح
-لا عادي هنا اخليها
-گعدي امج وخليها يمها
صراحه من گد ما لحت بلموضوع نرفزتني
-حبي ماعليها لا تخافين
هزت راسها ورحت وياها وهيه طول الطريق كلشوي وباوعت عليه وابتسمت
رحت علمود اغسل جنت اريد اعلگ عباتي ماقبلت گالت اني الزمها الج انطيتها الها وضلين افرش اسناني وهيه صافنه ومركزه ويايه من گد ما وترتني تركت اسناني ماغسلتهن زين عن المعجون
وجهي بس اسمه غسلته خو من توضيت وربي حتى تثبيت گوة ثبتت
-انتِ عراقيه؟
سألتني وابتسامتها من لاذن للاذن
-ايي عراقيه وانتِ؟
-ايرانيه
هزيت راسي واني مبتسمه بوجها فشلتني گد ماهيه مبتسمه واني مبوزه
انتبهت عليها ماسوت شي
-شنو انتِ ماغسلتي؟ حابه انتضرج؟
-لا عمري اني ماعندي شي اجيت علمودج
-شكرا حياتي تعبتج
ونبي حسيتها شوي دگوم تگمز من الفرحه طلعنه واحنه بطريقنه للحسينيه جان دگلي
-شنو رأيج نروح نتمشه ويا لزوار؟
-شنو، ليش؟
-اريد اخابر خالتي بقت ورانه وخلص رصيدي اريد اروح اشتري رصيد
-اسفه عمࢪي بس اكيد هسه امي گعدت وهاذا وقت طلعتنا
وفعلن من دخلت لگيت امي وجها اصفر وتلافت اول ماطبيت اجت تركض عليه
فرات: يمه لج وين جنتي
-گعد من. زمان وگلت احضر نفسي لبين ما دگعدون ليش يوميه ااخركم
-متت من لخوف من گعدت وما لگيتج گلت وين راحت
البنيه جان واكفه وتباوعلن بكلللل حببب عبالك مدري شنو شايفه كملت امي وطلعنه لگيتها واكفه بلباب اشرتلها باي وهيه كذالك
وبعد ماالتقيت بيها
اوفف شگد مرت عليه مواقف بلمشايه تخبل والي تخوف
بباي
