Kabanata 36: Puso sa Gitna ng Kawalan
Sa gitna ng muling pagbabalik sa normal, hindi pa rin matakasan ni Hyunjin ang tanong na paulit-ulit na gumugulo sa kanyang isipan. Sino sa apat ang talagang may espesyal na lugar sa kanyang puso?
Nagpasya siyang lumayo muna at mag-isang mag-isip. Pumunta siya sa isang tahimik na beach resort, dala ang pag-asang makahanap ng kasagutan. Ngunit hindi niya inasahan na susunod sa kanya ang apat na bad boys.
“Hyunjin, hindi mo kami pwedeng takasan,” bungad ni Axel, nakangiti ngunit seryoso.
“Akala mo ba hayaan ka naming mag-isa?” dagdag ni Raze.
“Kasama kami kahit saan ka magpunta,” sabi ni Ethan habang inilalabas ang dala niyang snacks.
At si Tyler, tahimik lamang na ngumiti ngunit sapat na ang presensya niya upang iparamdam kay Hyunjin na hindi siya nag-iisa.
