Kabanata 22: Ang Tawag ni Tyler
Kinagabihan, habang nagpapahinga si Hyunjin sa dorm, biglang tumawag si Tyler.
“Hyunjin! Pwede ba tayong magkita?” tanong ni Tyler, halatang nag-aalala.
Nag-alala rin si Hyunjin kaya’t agad siyang pumunta sa park kung saan sila madalas mag-hang out. Pagdating niya roon, nakita niyang tahimik na nakaupo si Tyler sa isang bench, hawak ang isang lumang litrato.
“Ano bang problema?” tanong ni Hyunjin, naupo sa tabi nito.
Tahimik na inabot ni Tyler ang litrato. Doon niya nakita ang isang grupo ng mga bata—kasama sina Tyler, Axel, Raze, Ethan, at isang batang hindi pamilyar sa kanya.
“Siya si Leo,” simula ni Tyler. “Kaibigan namin dati. Pero dahil sa isang aksidente, siya ang nasaktan noong nagkaroon ng gulo kay Vince.”
Natahimik si Hyunjin. Ngayon lang niya naunawaan kung gaano kabigat ang pinagdadaanan ng grupo.
“Kaya pala ganoon na lang ang galit ni Vince,” bulong niya.
“Hindi lang iyon,” dagdag ni Tyler. “Madalas ko pa rin kasing iniisip na kasalanan namin. Kaya kahit anong mangyari, sinisikap naming protektahan ang isa’t isa.”
