اتجه من البيت للوكاله طلع له سياره كان منبهر فيها ومو مصدق ان الي قاعد يسويه واقع اجتمعت فرحتين بذات اليوم ركب السياره وركب معه تركي وذيب : عالبركه يابن مشعل"
"الله يبارك فيك وعقبالك انت والعضيد"
ذيب: ان شاء الله"
تخابث تركي وهو يضحك : ان شاء الله على الخطوبه ولا السياره ؟"
هز ذيب راسه يضحك : متزوجين كلنا نبي الرزق الطيب"
تركي: معد به حد قدك الثراء يطردك طرد ياجبر"
كانت ايسر وافضل واريح من سيارته المعطوبه الي كانت بلا مكيف ومراتب ودركسون حديد ومكسره من جميع الجهات ارتاح صدره بعدما تم اكثر شيء طلبه من الله وتمناه
ذيب : منك المال ومنها العيال والله يعطيك خير هالمزيونه ويكفيك شرها وتزف عروسك عليها"
"الله يبارك فيك يارب محلا دعواتك يا ولد ليه حارمنا منها !" ضحكو جميع ثم عم الصمت بينهم
تردد لفكر جبر موضوع وظيفته ثم لف وجهه له : وش قلت ؟"
فهمه ذيب : للحين على القرار"
جبر: ذيب استوعب وامسك روحك"
نطق ذيب ببرود مستنكر اعتراض جبر: ماسويت الجريمه عشان اتعاقب والقى هالرد والانفعال "
حك جبر شعره وهو متردد ثم نطق من تقفلت البيبان بوجهه : و بنت منذر بتخليها هناك"
"باطلع اكسب معاشي واعيش امي"
تدخل تركي ورمى الورقه الرابحه : ماتخاف عليها شداد بتخليها تحت رحمته ؟ تراك زوجها لاتخلي مسؤوليتك وتنسحب ماهو من شيم الرجال هالافعال" نجح انه يخليه يفكر فيها سكت ثواني بتفكير في حرب بين عقله وقلبه
تركي: ابوها مخليها على الغيوم بتخليهم يذلونها ؟"
ذيب: ماهي مذلوله وانت وجبر موجودين"
جبر: لا محنا موجودين كلنا ورانا حريمنا هذي زوجتك قوم بها واحفظها بين عيونك تبقى انت الوحيد الي تلتفت له من بينا اذا صابتها مصيبه"
بعثر شعره بقهر وهو يلف لجبر وتركي الي حيروه فوق حيرته والهبوه بين نارين : وش اسوي قولي وش تبغاني اسوي وش اعمل وش افعل من صرفه؟ انا حاير من عقلي ومن قلبي الي ماسكتو حتى نومي ما انوله مع العربان تشرق الشمس وعيني ما ذاقت هنى النوم"
"بسيطه خذها معك خذ لك شقه وسكنها قربك"
جبر : انت ربي مغنيك ومعك حلال لو بعته ذوقك النعيم بس انت مشقي حالك وتلف وتدور في تفكيرك"
"مابي عليها كلمه تنقال في وضعي وحالتي مابيها تخجل مني ابيها تعترف فيني اني زوجها"
"الحب يعذب القلب يا ذيب لهالدرجه وش فقد الاعصاب هذا ؟"
ذيب : لا ابدا الموضوع غير ، فكرت بحيرتي بين اهلي ووظيفتي .. جبر لا ادق لحيك"
سكتو بصمت من نظرات ذيب الي عصب تحمحم تركي وهو يقلب بجواله بعدما عصبه سحب نفسه وحط اللوم بجبر
برر جبر وهو يرفع اكتافه : لاغدت تسألنا عنك وش نحكي لها ذيب نساك يقول خليك معنا مابتوقفين رزقه عشان يجلس معك"
"جبر لاتقول ذيب لا غديت مكسور فك"
"لاوالله حقك علي"
"مابيصير عليها خلاف صديقتها هي حرمك الباب بالباب واختِ موجوده مابتقصر وكلها ايام واجيها الاجازات"
