"جا لك عريس ورجال شهم وطيب من ظهر قوم شديدين ونعم الرجال"
وقفت وبرفض قاطع رفعت صوتها : انا مارح اوافق"
"يقولك الرجال شاريك ويبغاك ولو شراك بمية ألف ومتعني لسواد عيونك"
"لو جاب لي الدنيا كلها في كفه ما ابيه"
هز شداد راسه ومن طلعت جازي التفت لابوها وأشر له : زواجها الاسبوع الجاي كانها حبت ولا تدفن راسها بالارض"
"يا يبه تكفى الا جازي لاتقهرني فيها"
"رايحه لبيت رجالها ما بتقهرك وبتجي تحب راسي تحمد الله على رجلها" لما مارد طلال كمل شداد
"الرجال دافع راس ماله فيها بتصد عنه حرام الا تاخذه هذا رماح عز الرجال وأاتمنه على بنتك ولا تأمنها عند واحد منت خابر فعوله"
قابلت امها الي ابتسامتها مرسومه على وجهها تماسكت وجلست بينهم لما سحبتها امها للخيمه عند حياه وعماتها
ام جبر : عز الله ان المناسبات تهل علينا مثل رذاذ المطر"
مزنه : لاتعطونها للغريب وولد عمها اولى فيها"
حياه: خليها تشوف نصيبها معه ذيب سربوت دشير يطرد ورا زوجته مهو طاق لها بال"
زاد قهر جازي وهي تقوم بدون ولا كلمه متجاهله صوت امها الي تنده عليها وقفت بعقدة حاجب على وجهها
سهى: بتقطعين نصيبك وذيب مادرا عنك خذيه الرجال كفو وطيب وشجاع وش بقى من صفه حلوه ما انذكرت فيه ؟"
"انه اعرج يمشي بيده عصاه المفروض ان جدي وجدتي هم الي يمشون عليها مو هو"
"لاتعيبين خلقة الله واتقي ربك لاتستهزئين في الرجال !"
"الفلوس مو كل شيء ما ابيه ولا ابي صفاته ابي السلامه منه تكفين يمه قولي لجدي ما ابي الزواج ما ابي"
"كم صار عمرك يالله خلاص نبي نفرح بك"
"بقتل نفسي ولا اخذه يمه اعرج اعرج الجن يشرد منه ما ابيه كم مره قلت لكم انا ما ابي الزواج وش عليكم مني؟"
"شوفيه يمكن يعجبك ما استخرتي حتى ورفضتي"
"مابه حسنه وحده على مدح جدي ولو مسموح له كان تزوجه هو يحبه يحبه والحب اعمى غض النظر عن اكبر مشكله فيه وجابه يشله لي يعرضني عليه يمه انا مو بضاعه انا انسان لي رغبات ومن حقي اعترض على حياتي الي انتم مختارينها ترا انا الي بعيش معه العمر كله"
"ان ماحصل تفاهم الطلاق حل مناسب اتكلي على الله وشوفيه بعدما تستخيرين جدك بيمد يده عليك يالله بلا بكاء وصلي لك استخاره ويجي مره ثانيه تشوفينه"
"ايوه وبعدين اصير مطلقه ويتزوج هو بالسهولة من اخلاقه وفلوسه وانا ببقى محد يطق بابها لان المره الي يختار زوجها الطلاق هي مرّه فيها العيب"
"مابيحصل شي من الي انتِ خايفه منه حتى نظره ماشفتيها منه يمكن ترتاحين له ترا جدك بيجبرك بالرضا ولا بالغصب دامه علمك بيزوجكم غصبا عليك يالله لايضحكون عليك البنات تزوجو الصغيرات وماسوو سواتك"
