الساعه ٢:٤٦ الظهر ، نجد العذيه
راحو لين السياره وكانو كلهم ساكتين وترف
تحاول تمسح دموعها عشان محد من البنات تلاحظ
وصلو للسياره وشافوهم كلهم هناك
جت رنا لترف ومسكت كتفها وهي خايفه عليها
رنا:ترف وينك اختفيتي خفت عليك
ترف:ضعت بس ولقيت سلطان وخليته يرجعني
حاولت ترف ماتبين غصه صوتها
ميار:خوفتينا عليك الحمدلله انك بخير
حور:الحمدلله دامها رجعت يلا ركبنا السياره
ركبو السياره وحطت ترف راسها على قزاز الدريشه
زعلانه ماقدرت تستانس بالمكان الا يجي احد يخرب عليها ولا
شرت شي حتى
عاين سلطان المرايه ولاحظها حاطه راسها
على الدريشه وتنهد
عارف انها زعلانه لأنها ماتهنت بالمكان
طول الطريق البنات يسولفون وترف ترد
عليهم مره و مرات تسكت
الساعه ٣:٠١
منيرة:يعطيك العافيه ياسلطان ماقصرت
سلطان:الله يعافيك ياعمه
مريم:يلا نزلنا يابنات
نزلو ودخلو البيت وراح سلطان للأبل
"غرفه البنات"
لين:يابنات قلت لكم منزمان اني عندي بعد نظر بس محد صدقني
ساره:ليه شعندس؟
لين:ترف ماشرت شي بالمكان وانا شريت هديه لترف
عطت لين ترف كوب لونه وردي
ترف:واي لين ليه كلفتي على نفسس
لين:كلي لس اصلًا
ضمتها ترف وهي مبسوطه على الهديه
دانه:واو اول مره اصدق ان لين عندها بعد نظر هههههه
لين:قلت لكم بس محد صدقني
حور:ياليل الحين بتشوف نفسها علينا اسكتو لحد يمدحها
لين:مقهووره اسكتي
