حتى تشرق الشمس

Part 2

- انا كنت بحب امى اوى بحبها لدرجه انى مكنتش بقدر استغنى عنها فى اى حاجه ف حياتى هى كانت بالنسبالى الاب والام والاخت والبيت والصاحبه كانت قايمه بكل الادوار من صغرى لحد ما كبرت واشتغلت كانت دايما ف ضهرى وعمرها ما حرمتنى من حاجه حتى اما اتجوزت كنت عايش معاها بس لما ماتت حسيت ان كل حاجه راحت منى مقدرتش على فراقها مقدرتش اسيطر على حزنى عليها وانا اصلا هحزن على مين بعدها مكانش ليا غيرها طول عمرها كانت عايشة معايا حتى لما اتجوزت بس بع الجواز ظهرت مشاكل كتير بينها وبين هاجر مراتي بس المشكل دي مكانتش موجوده قبل الجواز زي مابنقول كده "البعيد عن العين قريب من القلب" هاجر كانت بتحب امي وبتعاملها كويس قبل الجواز او ممكن كانت بتتصنع كده فى الاول كانت عارفة انها هتقعد معانا وكانت راضيةجدا وده سبب من الاسباب اللي خلاني اتعلق بهاجر وكنت عاوز أعمل حاجات كتير وبأسرع وقت عشان اتجوزها وتكون عايشة معايا كنت فاكر دايما انها حواء اللي اتخلقت من ضلعي مكنتش أعرف انها اللي هتسمم حياتى وهتحرمنى من الجنه زي ما حواء عملت ف أدم أتجوزتها بعد سنتين خطوبة وبعد ما أبوها ما مضاني ع كل اللي حيلتى ومضيت بكل نفس راضية مكنتش شايف الا هاجر "مراية الحب عامية" مضيت على القايمة وهى مكانتش جايبة اي حاجة ومضيت على مؤخر كبير وكتبتلها بيت أمى بإسمها من غير ما أبص على الورق حتى ولا أعترض على أي شىء محدش كان مصدق إني هوافق وكل م حد يسألني أزاي وافقت كنت اقولهم "حبى ليها أكبر من اي حاجه وبكرة الفلوس دي كلها تبقا لولادنا وأنا عمرى ما هتخلى عنها" وكأنه الهدوء الذي سبق العاصفة بعد شهرين من الجواز لقيت نفسي بعيش مع واحدة تانية خالص غير هاجر اللي حبيتها

- شوفلك حل ياخالد فى الست والدتك شوفلها مكان تاني تعيش فية يأما تطلقني

كانت المرة الاولى التي استمع منها ذلك الكلام ولم أفهمه بالمرة

- في اية ياحبيبتي اية الكلام الغريب ده

- في ان انا مش هعيش طول العمر اخدمك واخدم الست والدتك اللي مش عاجبها اي حاجة

- طب بس هى عملت اية

- طول اليوم تشخط وتنطر فيا ومش عاجبها اي حاجه بعملها

- ممكن تكونى انتي فهمتي غلط دي ماما ياهاجر وانتي بتحبيها وهى بتعتبرك بنتها وانا مقدر انك في حاجات كتير متعرفيش تعمليها ممكن تكون عاوزه تعلمك وانتي فاهمه غلط

- قصدك اية اني زوجة فاشلة

- ياحبيبتي انتي مش فاشلة انتي متولدتيش زوجة كلنا بنتعلم ف أي مرحلة جديده ف حياتنا

- أنا اعرف اكون ست بيت شاطرة من غير ما حد يتحكم فيا انا سيبالك البيت ولما تعرف قيمتي انت وامك ابقا تعالالي

كنت في حالة من الذهول ما هذا الذي يحدث هل هذه التى احببتها هل هذة هاجر الفتاة المتعلمة التى كنت أخطو لها كالطفل وكانت تفهمني دون ان اتكلم ملا هذة اللهجة انا لا افهم