اظنني الان نائم ولكن ما هذا القصر والملابس انني في نفس الحلم مرة اخرى ها هى رأيتها سأحادثها ولكن لماذا تركض انها تركض ناحيتي ما هذا من هؤلاء الرجال يركضون ورائها سحبت يدي لكي اركض معها لماذا لا اقدر على الكلام اعر بروحى تخرج مني اريد ان استيقظ هيا يا خالد استيقظ استيقظ
استيقظت للمرة الثانية اتصبب عرقا اشعر وكأنني كنت اركض حقا الساعة الان الخامسة سيحل المساء سأذهب الى هناك
نهضت ودخلت المطبخ اضع اي شيء في فمي من اجل الحصول على الطاقة فقط وهاجر ورائي في كل مكان لا تكف عن الحديث لم اعيرها اهتمام دخلت الحمام كي استحم فائحة العرق تفوح مني ثم خرجت لارتداء ملابسي احاول الا اسمع ذلك الصوت اللعين ثم خرجت اخيرا من المنزل تلك المرة اشعر ان الطريق كان طويلا ولكن عندما وصلت قد نسيت صعوبة الطريق ها هى هنا جالسة مكانها تنظر من الفتحة الكبيرة بالمنزل بفستانها الرقيق وشعرها الطويل والشموع الكثيرة حولها
- تصدقي بدأت أكره الكهربا وحبيت الشموع اوي
تلك المرة ابتسمت لي
- ايه ده انتي بتضحكي بجد مش سايبك الا لما تقوليلي حكايتك
- ستستكمل لي حكاية والدتك اولا
- اللهم صلي ع النبي ده ايه الصوت الجميل ده لا ده انا كده اكمل واكمل بس لا انتي بتختفي لما الشمس تطلع لازم اعرف حكايتك الاول ده انا انهاردة كمان حلمت بيكي كنتي بتجري وكان في ناس بتجري وراكي
اشتعلت الشموع بشدة وتغيرت ملامحها
- هو في ايه كل ما اجيبلك سيرة الحلم بتقلبي كده لية خلاص انا هحكي مش لازم انتي تتكلمي
بعد ما خلصت كلام مع هاجر يومها مقدرتش اكمل حكاية امي بس تاني يوم صحيت على صوت تليفوني كان حمايا
- الو ياحج
- ايوة ياخالد يابني انا عارف ان ده مش وقته ابدا بس عاوز ابلغك حاجة هاجر طالبة الطلاق وطلبت مني ابلغك انك تسيبلها البيت انا اسف يابني بس انا مش فاهم اللي بينكوا اتكلم معاها ياحبيبي واستحملها
- تسمحلي اقولك ياحج ان بنتك مشافتش رباية هو مش كان اللي تاعبها امي واهي ماتت عاوزة تطلق ليه دلوقتي عشان انا حزين عليها حتى حزني مش محترماه وبدل مانت تكلم بنتك تعقلها وتعرفها غلطها وازاي تقف جنب جوزها جايلي انا تشيلني مسئوليتك في دلع بنتك
قفلت السكة في وشه انا مش قادر اتحمل اكتر من كده كنت شايل عقود تنازل وكنت مستنى انها تغلط ف حق امي تاني خلعت التيشيرت وسحبت حزامي وخرجت من الاوضة
-هااااااااجر هاااااااجر
- ايه صوتك العالي ده بتزعق كده ليه مفكر نفسك في الشارع
أنت تقرأ
حتى تشرق الشمس
Mistério / Suspenseعندما تصارع خالد اصوات الماضي ويعاني من اليأس من فقدان أعز الاشخاص لدية يدخل في حالة من الاكتئاب ويذهب الى بيت مهجور حيث يحاول الانتحار ولكنه يسرد بكل ماضيه المليء بالمفاجآت ويكتشف مفاجئات أخرى عن البيت المهجور
