حتى تشرق الشمس

Part 5

- تعرفي اني حلمت بيكي

ضحكت واردفت

- بس مكنتش متخيل ان ملامحك هفضل حافظها كده شوفتك بنفس هيئتك كنا في قصر كبير اوي كان جميل بس انا كنت لابس لبس حد معرفوش

تغيرت ملامحها فجأة للذهول وكل شموع القصر ازدادت اشتعالا فدق قلبي مسرعا لا أعرف لماذا شعرت بالخوف فقط لأنني اعتدت على ملامحها هادئة

- بسم الله الرحمن الرحيم في ايه هو انا قولت حاجة غلط

- الم تكمل لي حكايتك

شعرت بالمفاجأة فوقفت فجأه

- ايه ده انتي بتتكلمي بجد بتتكلمي عندك تعبيرات زينا وصوت اهو

جلست مرة اخرى انظر اليها وعلى وجهى ابتسامه كبيرة

- انتي مش اللهم أحفظنا صح

لم تجيبني وعادت الى حالة الصمت السابقة مرة اخرى تنظر الي فقط

- ماشي هكملك الحكاية

أخذت تنهيدة وعاودتني الذكريات مرة أخرى

- بعد ما حسيت إني ظلمتها حبيت اني اعوضها احساسي من ناحيتها معرفش هعوضها ازاي بس ده كا شعوري اني عاوز اسعدها فرحان بيها وبحبهلا اصل احساس صعب اوي لما تحس ان الحاجة اللي ملكك مش ليك مكنتش عاوز احس الاحساس ده ابدا كنت كارهه فحاولت اغير معاملتي ليها للاحسن وافكر ازاي تبقا مبسوطة خروج وسفر وحفلات مكنتش مشيلها هم اي حاجة وبعدين فكرت اني لما افاتحها ف مووع الخلفة اكيد هتفرح اي واحدة بيبقا نفسها تكون أم كلمتها في الموضوع وفاجئتني برد فعلها

- خلفة اية اللي انت عاوزها ياخالد انا مش هخلف دلوقتي

- ليه ياحبيبتي بس

- كدة انا مش جاهزة دلوقتي للموضوع ده

- بقالنا ست شهور مع بعض ولسة بتقولي مش جاهزة ده حقي اني اكون اب ونكون اسرة امال انتي اتجوزتيني لية

- اتجوزك عشان انت كنت دايما بتطاردني وورايا في كل حته مكانش قدامي غيرك كان اية المانع يعني اني اتجوزك

- يعني انتي اصلا مش بتحبيني وازاي تعيشي مع واحد مش بتحبية كل المدة دي ده انا عرفتك سنة وخطبتك سنتين كل المدة دي مكنتيش قادرة ترفضي

- لا مكنتش قادرة عشان دايما كنت بتغلبني بعمايلك انت واحد مافيهوش غلطة ارفضه ليه

شعرت وقتها انني اتلاشى ما الذي يجعل المرء كاف اذا السنا كلنا ناقصين اليس الكمال لله وحده فلماذا يبحث الانسان عن الكمال ماذا افعل انا لاكون كامل ماهذا انها قالت انني كامل من الاساس ولكن يبقى شئ ناقص على الرغم من ذلك ينقصني حبها هناك شىء يجعلها لا تحبني