حتى تشرق الشمس

Part 9

كنت مصدوم ف أمي على الرغم من ان كان في جزء مني بيشجع اللي هى عملته مكنتش عارف اقول ا ده ابويا وهى حرمتني منه بس اصلا انا مشوفتوش عشان اعرف ان كنت بحبه ولا لا جايز لو كان عايش كان زمانه دمرني بحبه للامتلاك بس زي ما قالت امي انا شبهه وكنت عاوز امتلك هاجر بأي شكل فكنت بغريها بفلوسي بس مش لدرجة انها تخوني قررت اراقبها بس كنت مستغرب هى ازاي هاجر اللي بالغرور ده لسه مسابتش البيت ولا جابت ابوها وامها زي كل مرة مكنتش عارف حتى لو بتخوني هعمل ايه طلقها ولا اقتلها ولا اعمل ايه استنيتها لحد ما نامت ودخلت خدت تليفونها وطبعا مكنتش عارف الباسوورد كانت اول مرة اقرب من تليفونها حاولت بأرقام كتير بس معرفتش افتحه وبعدين قولت مافيش حل غير البصمة مكنتش خايف تصحا كده كده انا جوزها وده من حقي بس هى مصحيتش فتح التليفون وخدته وطلعت بيه بره الاوضه ولقيت شات مع واحد كان فيه اقذر من الصور اللي صورتهالها وانا اللي كنت فاكر نفسي اني كده يعني قطعت الدنيا الزبالة طلعت بتكلمه وبتقابله في شقة ومن قبل ما نتجوز بس مكانتش عارفة تسيبني وتروحله بعد ما ياخدوا فلوسي بس مكانتش دي المفاجأه كانت المفاجأه الاكبر

- فين الدوا يابني اللي قولت عليه

- هو اللي عندك خلص

- لا بس قرب يخلص وبعدين انت مش قولت انها مع اول شريط هتموت

- وانا اعملك ايه اجي انا اخد روحها يعني

- اقولك على حاجة خلصي الشريط اللي عندك ومتديهاش تاني ونشوف الولية اللي صحتها جت ع الكيف دي ظروفها ايه

- لأ انا هزودلها الجرعة ياكشي تغور ونخلص

- يابنتي خلي بالك لأحسن ندخل في سين وجيم وتبقا مصيبة

- ياعم متقلقش ست كبيرة وماتتت فجأة خليني اخلص من قرفها بقا بدل ماهى محوطة على ابنها كده

بنت الكلب قتلت امي قتلت اللي ليا في الدنيا بدم بارد بعتله رساله

- قابلني بكره في الشقة الساعة 5 ومتبعتليش اي حاجة عشان عندي مصيبة

لما طلع النهار نزلت جري اشتريت خط وبعتلها منه رساله

- قابليني في الشقة الساعة 5 عندي ليكي مفاجأه هتخلصنا من خالد جوزك

فضلت واقف بالعربيه في الشارع مستنيها تنزل كان معايا مسدس كنت اشتريته ومرخصه من غير سبب

نزلت من البيت واتحركت وراها استنيت لما دخلت العمارة وكمان كانت بتقابله ف شقتي اللي فهمتني انها للزمن وانها مأجراها استنيت نص ساعه محدش دخل العمارة ف اتاكدت انه كان فوق نزلت من العربية وطلعت الشقة كانوا بيزعأوا وهى بتقوله ازاي انت بعتلي وهو يقولها انتي اللي قولتيلي تعالى

رنيت الجرس هو اللي فتحلي رفعت المسدس ف وشه ودخلت وقفلت الباب ندهت عليها

-تعااااالي