City of stars [A Harco story]

{2}

(U)

" မြူတွေတဖွဲဖွဲနဲ့ လမ်းငယ်လေးထဲ
လှမ်းလျှောက်ရသလိုပါ

မြင်ကွင်းလေးတွေတိုင်းဟာဝေဝါး
ဘေးနားပတ်လည်မှာ....

မင်းအချစ်များဟာဒီအတိုင်းဖြစ်နေလား...

မျက်ဝန်းလေးတွေထဲကိုငေးပြီး
တိတ်တိတ်ကလေးအဖြေရှာ

အရိပ်အယောင်လေးလိုပါပဲ
မသဲကွဲဘူးရင်မှာ

အချစ်ကိုဖွင့်ဆိုပုံချင်း
တို့နှစ်ယောက်ကြားမှာ မတူတဲ့သဘောမျိုးလား.... "

-ဝိုင်းစု (ချစ်ခဲ့ဖူးလားဖြေပါ)-

............

" သက်သေမလုံလောက်မှုကြောင့် အယူခံပယ်ချခံရပြီး သရုပ်ဆောင် Draco Malfoy တစ်သက်တာအနုပညာလုပ်ခွင့်ပိတ်ခံရ ၊ United Kingdom၏ ဂုဏ်ကျက်သရေညှိုးနွမ်းစေမှုကြောင့် Boycott listအသွင်းခံရ "

သတင်းစာတွေရဲ့ရှေ့မျက်နှာဖုံးမှာ ဒရေကို့ သတင်းတွေချည်း။ သူရှင်းပြချင်သည်။ ဒါတွေဟာ သူ့နိုင်ငံကိုကျက်သရေမှေးမှိန်စေချင်လို့လုပ်ခဲ့တာမဟုတ်ပါကြောင်းကို။ သူငြင်းချက်ထုတ်ခဲ့ပေမဲ့တကယ်တမ်း သူတို့လုပ်ထားတဲ့သက်သေအတုဆိုတာ သူတကယ်လုပ်ခဲ့ဖူးတဲ့ဖြစ်စဉ်တွေအပေါ် အခြေခံဖန်တီးထားတာကြောင့် သူ့မှာခုခံပိုင်ခွင့်မရှိခဲ့။ အမှုဖြစ်တဲ့ထဲတွေမပါတာကြောင့် ထောင်ကျတာလောက်ထိမဖြစ်ခဲ့ပေမဲ့ သူ့ကို နိုင်ငံရေးတက်ကြွလှုပ်ရှားရန်ကြံစည်သူ၊ တော်ဝင်မျိုးနွယ်အသေရေဖျက်သူ၊ အကျင့်ပျက်အနုပညာရှင်ဆိုတဲ့ နာမည်ဆိုးတွေကြား မဟုတ်မမှန်ပါပဲဆွဲအသွင်းခံလိုက်ရသည်။ သူ့ရဲ့ဇာတ်လမ်းတွေအားလုံး အကုန်ဖျက်ချခံလိုက်ရသည်။

သူ့ရဲ့Social media accountကိုတင်မက personal ဖုန်းနံပါတ်ကိုပါ တိုက်ခိုက်တဲ့စာတွေပို့ကြသည်။ ဒရေကိုတွေးမိတယ်... သူတို့ကယုံကြတာပဲလား။ တရားရုံးကနေရော နိုင်ငံတော်ကနေပါ တရားဝင်ထုတ်ပြန်တဲ့စာပဲ ယုံကြမှာပေါ့လေ။

သူအရမ်းရှင်းပြချင်မိတယ်။ သူကဗြိတိသျှအနွယ်ဖွားစစ်စစ်။ သွေးတစ်စက်တောင်မရောခဲ့ဖူးသူပါ။ ဒီနိုင်ငံကိုပုန်ကန်ဖို့မပြောနဲ့ တော်ဝင်မိသားစုအကြောင်းတောင် သွားပုတ်လေလွင့်မပြောခဲ့ဖူးပါ။ ဒါတွေကိုသူရှင်းပြဖို့ဆက်ကြိုးစားနေဦးမှာ။ ဘယ်လောက်ပယ်ချခံရခံရ အယူခံဆက်ဝင်မယ်။ သူ့ဘက်မှာ သူ့fanတွေရှိသေးတယ်။ သူ့အမေရှိတယ်၊ ပြီးတော့..........