City of stars [A Harco story]

{5}

(U)

Song recommendation -

Defenceless (Louis Tomlinson)

......

2012 July 29 . Tokyo မြို့ Tokyo Dome Arena

liftနဲ့ stage အောက်ကနေ သူပေါ်လာတဲ့အချိန် အော်ဟစ်သံတွေစတင်ထွက်ပေါ်လာ၏။ Arenaတစ်ခုလုံးပြည့်နေတဲ့လူတွေက ဒရေကို့ပုံရိပ် ပေါ်လာတာနဲ့ အသံကုန်အော်ပြီးအားပေးကြသည်။

အဖွင့်သီချင်းရဲ့တီးလုံးသံထွက်လာပြီး သူ့နားမှာတပ်ထားတဲ့IEMနှစ်ဖက်ထဲကတစ်ခုကို ဒရေကိုဆွဲဖြုတ်လိုက်သည်။ သူ့ဖက်ထုပ်လုံးလေးတွေရဲ့ အားရပါးရအော်ဟစ်သံကိုသူကြားချင်လွန်းလို့။

ဒရေကိုသီချင်းဆိုနေရင်း တစ်ကွင်းလုံးကိုသူ့မျက်လုံးတွေဝေ့ဝဲကစားကာ ကြည့်နေမိသည်။ VVIP ရိုးလ်မှာ ကောင်မလေးတစ်ချို့သူ့ကိုလက်ဝှေ့ယမ်းပြနေပြီးငိုနေကြတာသူမြင်ရသည်။ ဒရေကိုပြုံးလိုက်မိပါသည်။

နာမည်ပျက်စာရင်းဖယ်ရှားသွားတဲ့အချိန်မှာ ဇာတ်ကားတွေပြန်ရိုက်ဖို့ သူ့ကိုထုတ်လုပ်ရေးတွေကအများကြီးကမ်းလှမ်းလာခဲ့ပေမဲ့ ဒရေကိုအကုန်ငြင်းခဲ့သည်။ သူ့စိတ်ထဲမှာ ရုပ်ရှင်ပြန်ရိုက်ဖို့မဝံ့ရဲသလိုခံစားရတဲ့အပြင် သူ့ရဲ့အရင်အလုပ်နဲ့ပတ်သတ်ပြီး အဲ့ဒီcareerမှာရှိခဲ့တဲ့အပေါင်းအသင်းတွေနဲ့ပတ်သတ်တဲ့ များစွာသောtraumaတွေကြောင့် သူရွံရှာနေသလိုလို စိတ်မသန့်သလိုခံစားနေရတာ။

သေချာပေါက်ဒရေကိုသရုပ်ဆောင်အလုပ်ကိုပဲ ​ပိုမြတ်နိုးတာပါ။ ဖြစ်ပျက်ခဲ့သမျှကိစ္စတွေနဲ့ အမှောင်ထုထဲကသစ်သားတံတားလေးပေါ် မမြင်မကန်းလျှောက်လှမ်းနေသလိုအခိုက်အတန့်တွေတုန်းက ဂီတတစ်ခုထဲကပဲ သူ့အတွက်မျှော်လင့်ချက်ဖြစ်ပေးခဲ့ခြင်းဖြစ်သည်။

ဂီတကိုပဲသူဇောက်ချလုပ်ဖို့ဆုံးဖြတ်တာက တကယ်တော့ သူသဘောကျမြတ်နိုးတဲ့အရာကလေးဖြစ်လာလို့ဆိုတာထက် အကြောင်းပြချက်အစစ်အမှန်က ဟယ်ရီဖြစ်သည်။

သူ့ကိုပစ်ပစ်ကာကာဆက်ဆံနေတဲ့ဟယ်ရီ ဒရေကိုလူတောထဲပြန်တိုးဝင်နိုင်ခဲ့ရင်၊ ပိုအောင်မြင်ခဲ့ရင် စိတ်ချလက်ချနဲ့သူ့ဘဝထဲပြန်ဝင်လာပေးနိုင်မယ်ထင်လို့။