ضي: گعدت الصبح حته اروح للمدرسة مثل كل يوم لگيت امي جاي تخبز حته تطلع تبيعهم
-صباح الخير
-هلا هلا بضي عيني صباح النور يمه تعاي هاج هاي خبيزة اكليها على مايخدر الچاي
-الله وعلي ماكو اطيب من خبزج
ضي: عاينت الامي بحزن دشداشتهة السودة كلها طحين مشگوگه من يم الردن والتعب مبين عليها
زهرة: روحي يمه ضي گعدي جوري وياسمين خلي يجن يتريگن
-لعد وعلاوي شنو مايروح للمدرسة
-سودة عليه بيه فلاونزة خليه نايم
-ماكو علاج بلبيت؟
-هسة اطلع ابيع الخبز بلگت اجيبلة وياي
ضي: رحت اكعد البنات والساعة ٥:٤٧صـ
-يلا بنات كومو يلا مدرسة بسرعه راح تتأخرن
جوري: چا بس علي مايروح اني هم مريضه
ياسمين: اذا جورية ماتروح اني هم ماروح
ضي: يلا بسرعه كومو راح اجيب المي
-گامن بسرعه وبدلن لگيت امي حاطة حميسة طماطه وخبز وجاي گعدنه نتريك وطلعت البس حذائي اجب امي بيدها لفة جبن
زهرة: هاج يمه اكليها بلمدرسة خاف تجوعين
-لخاطر علي ترا اني مو صف اول ههه ماشي انطيني
-هاج يمه هذا الخبز وديه الام حُر
-هاي ياهية ام حُر
-توهم حطو بلبيت الي ورانه بابهم اسود جبير
-ماشي يمه شكد سهر الخبز
-الفين يمه
ضي: طلعت والخبز بيدي وجوري وياسمين يسحلن بروحن سحل يمشن وراي وصلتهم للمدرسة ورجعت للفرع الي ورانه لگيت ولد شاب باب البيت مالهم يدخن جگاير
-سلام عليكم انتَ حر؟
-شتردين؟
-اعتذر عن الازعاج بس هذا خبز امك طلبته
-شنو خالي متوهمة امي مطالبته!
-ماعرف بس بلازحمه انت حُر
-شجلبتي بحُر؟
-اسفة اعتقد غلطانه بلعنوان
ضي: مشيت شوي ردت اطلع من الفرع واحس كتفي انسحب وگعت على ضهري وعباتي نترست طين
-لك انت ماتستحي كبر لفك اي والله
-هذا الخبز احنه طالبينه
ضي: يحجي وهو ماراضي عاينت لبابهم لگيت حجية لابسة عبايته واكفة بلباب وتاشرلي
ضي: سلام عليكم خالة
ريحانه: هلا يمه عذريني خالة عوفج من ابني فدوة اروحلج
-لا خالة مصار شي
-فدوة الله تشبهين امج
-مشكورة خالة هاج هذا الخبز
-هاج هاي الفلوس
-لاخالة خليهن علينه
-لالا شلون هاج بنيتي سلميلي على امج
ضي: طلعت من يمها واسمعها تصيح على حُر
-ولك يمه شلون تدفع البنية؟
-يابة هسة شسويتلها مادگليلي
-انتَ مو على اسا ماتحجي وي الغربة
-اهو يمه الله ينليج عوفيني
ضي: بقيت اتصنت يم الباب لحد ماسمعت احد تقرب يم البا شلت عباتي من الگاع وكمت اركض بكل حيلي عاينت وراي وشفته يعايني مستغرب
اتمنى تبلعني الگاع هسة وكته يطلع راح اصير ب٨
توني دخلت المدرسة واجت صديقتي هالة جرتني من كتفي تصيح
هالة: شلونج ضيييي
ضي: هلابيج بسرعه وين كتابج خلي اراجع راح يبدي الامتحان
هالة: هاج هاي الملزمه شبيج وجهج اصفر متريگه اجيبلج شي
ضي: لا متريگه بس اتأخرت واجيت ركض
هالة: ههههه ركض بعبايتج شلون رهمتيهة؟
-دگ الجرس ودخلنه نمتحن اجت الاسئلة حيل صعبة وماكدرت احل بس سؤال واحد وعيوني احس غوشن
-نعلة على والديك حُر الله ياخذج مديحه هاي الاسئلة منين جايتهة
هالة: ها بشري مجاوبة
ضي: مامجاوية ولج خاف مادخل وزاري
هالة: يمعودة كلنه راسبين ان شاء الله ندخل
-صارت حلة وطلعنه عبرت من يم بابهم وصلت لبيتنه مسحت دموعي ودخلت بابتسامه دخلت لگيت امي جاي اتلگط بلخضرة
زهرة: هلا بضي هلا يمه
ضي: بست راسهة وحطيت بيدها الالفين
-يمه چا ليش مشتريتي بيهم بلمدرسة
-اكلت الفة ماحتاج فلوس بس وعلي طيبه
-جاوبتي؟
-اي الاسئلة حيل سهلة
-شو متروسة طين
-لا بس تعثرت وطحت
-شلون لگيتي بيتهم
-اي لگيته والحجية تسلم عليج
-الله يسلمها روحي بدلي
-يمه شكم بنية عدهة؟
-ياهية؟
-ام حُر بعد ياهية
-خطية ماعدها بنات بس وليد واحد
ضي: دخلت للحمام سبحت ونمت گعدت المغرب توضيت طلعت للطرمه لگيت امي جاي تتوضه وكفت تدعي وتبچي اباوع بعيونها من بعيد واگول شوكت نرتاح راسي يوجعني حيل ودايخه
زهرة: هايمه صليتي ليش تبجين جوعانه احد مضوجج؟
ضي: محد مضوجني بس اكول شوكت ربي يفرجها
-الله كريم ربج يفرجها روحي صلي محد يفيدج غير صلاتج
ضي: لبست چادر الصلاة وكفت وحسيت نفسي دخت وطحت وسط الظلام....
"ماذا لو كنت حُر"
الكاتبة بنين الكريم 🍂🤎
