_حَسنـاتي عِنـد الزمـَانِ ذُنوبٌ..
.........................................................................
دخلنا للمجلس وشفت ذاك المنظر المرعب حرفياً ضليت ارجف بـ مكاني شويه وتقربت سيرين من عندي تعصر برداني وتهمسلي:-ولج شنو هاي
تحچي بـرجفه وخوف، شفنا كلاب الحراسه هنه ٣ وكلهن مضروبات اكثر من طلقه وموضوعات بالمجلس وحده فوك الثانيه
ضلوا الولد يصيحون بصوت عالي' بس جان اكو شخص وياهم ما اعرفه ماشايفته ابد، قطع نظراتي للمنظر المقزز والبشع صوت شاهين وهو يصيح بصوت عالي
شاهين: همَ مو عرفت هذوله السفله الـ******
يصيح وعصبي واحنا كلنا منعرف شكو اباوع على سائد وهو بس يعصر براسه، ويهمس بينه وبين نفسه كلمات ماگدرت افسرها، لكن جاوب على شاهين وردف
سائد: اي متأكد همَ من عرفوا متزوج
وأخيراً تكلم الشخص مجهول الهويه وهو يگول
الشخص: بس مامعقوله شنو هالجرئة هاي، ليش هيج يسوون احنه صارلنا شگد فاصخين الشراكه وياهم وهمَ مامندگين بينا، شنو السبب
آني مثل الاطرش بالزفه او بالاحرى البنات كلهم منعرف شنو صاير، كلش مرعوبين من المنظر لدرجه آني لعبت نفسي وكل شويه اريد اتقيئ
جنات: ها رسام بيج شي
كالتها واجتي عليه، وآني اباوع لسيرين شگد خايفه وماهدتني
_احس دتلعب نفسي كلش
رهام: اي يما شنو هذا
تحجي وتأشر من بعد ما تقربت عليه تتمسك بكتفي
لجين: شباب بس فهمونا شنو شصاير، منو هيج سوه
سائد: حضرة جنابهم منو غيرهم
لجين: شنو بيت المـياد؟؟
شاهين: اي بيت الحيوانات، ترا احنه مالازم نسكت على هاي الشغله سائد ابد شنو ميدرون عدنا بنات بالبيت بعدين الحراااااس وييييين؟؟؟
يحچي وهو عصبي، ماعرفت خطورة الموقف ولو للحضه وحده
سائد: همَ متعمدين يأذون البنات، وخصوصاَ،،،
قاطع كلامه الشخص، وهو يگول...
الشخص: آني اگول لو نروح الهم ونفتهم السالفه بدال لا نسوي شي نندم عليه او خاف همَ اللي يسوولنا شي يخلونا نندم من اللي راح نسوي بيهم، واذا ما اقتنعوا
شاهين: نوكلهم نعلللللل!!
سائد: وهذا هو المطلوب
آني خفت ما اعرف شنو ديحچون، شويه وصاح سائد للمساعدين يجوون يشلون جثث الكلاب اللي ملأت المجلس بالدم
أنت تقرأ
قُـيود المُنتَقِـم "الـعـاشِقْ"
Tiểu Thuyết Chungقالوا للحب أفعال لكن هل لهذا الحب أفعال أَم ، قتل! " " مالذي يحصل؟،،! إِن كانت هٰذه الحقيقة فـأنا اصدِقُ الكَذِب " " هَل تسمعون هٰذهِ الأصوات، أنها روحي التائهة تصرخُ بِكُلِ قواها " " انا لا اعلم ما الذي حصل لقد كنت جاهلة، كُل من حولي كان يتلاعب ب...
