وصلت للمكتب اخذت نفس ودخلت وآني شايله كل آمالي وتوقعاتي على جهة ودخلت ما اسمع بس صوت دقات گلبي وطرقات الكعب بالارضيه الخشب اللي كل ما امشي خطوة عمو يرفع انضارة عليه وصلت لمكتبه وقررت خلص خلي احچي
وگفت امام المكتب وآني واثقه من نفسي وللحضه كل التوتر اختفى من گال بنبرة هادئه وبدون ليرفع انضارة عليه
عمار: اهلا تفضلي اگعدي
يحچي ويأشر على الكرسي اللي امام مكتبه
تقدمت وگعدت على الكرسي وتكلمت بثقه
رِسام: شلونك عمو
_بخير!
ينتر بوجهي كأنو ماعاجبه الوضع انطيته نظرات مستغربه بس ما اهتميت وكملت كلامي
_عمو آني جايه اريد اطلب منك طلب
_اي گولي
يحچي ويگلب باوراق الملف اللي بأيدة
_عمو آني اريد اشتغل بشركتكم
رفع انضارة عليه وانطاني نظرة ساخره ومسح على وجهه ورجع گلي
_شلون يعني مافهمت
شنو اللي مفهمته لخاطر ربك، افففف رسام تحملي لتهتمين، رجعت ردفت
رِسام: عمو آني اريد اشتغل عندكم بالشركه عارضه يعني نفس قسور
_اي وبعد
عگدت حواجبي متنرفزة من كلامه الساهر ورجعت حطيت رجل على رجل وانتجيت وگلت بثقه وآني القي نظرة على اظافري وألعب بخاتمي
رِسام: عمو خاف اروح اشتغل بغير شركه مو تگول ماگلتلي فـ آني اجيت علمود اخدم شركتنا ليش اروح لغير شركه
رفع حواجبه مستغرب من كلامي رجع تقرب وكال
عمار: شلون يعني مافهمت، وضحي آنسه رسام
_عمو آني الصراحه شركه عرضت عليه اكون الوجه الاعلامي الها، وآني گلت ليش اروح الهم ليش ما اشتغل بشركتنا؟؟؟
_زين ومنو هاي الشركه
سويت نفسي ما اعرف وضليت ادور عيوني امثل انو دا اتذكر، رفعت انصاري وگلت
رِسام: يمكن شركه بيت " المياد "
بعد انضارة عني منزعج من كلامي ورجع
كال بصوت مهزوز
_وانت شنو چان ردچ
رِسام: آني الصراحه عمو لحد الآن مارديت الهم
_حلوو، يعني هسه انت رايده تفيدينا
_اي؟؟؟
رجع على الكرسي مرتاح وگال بكل ثقه ونظرات خبيثه ماعرفت شنو مغزاها
_حلو آني موافق
انصدمت معقولة بهالسرعه وافق لا مستحيلل!!
أنت تقرأ
قُـيود المُنتَقِـم "الـعـاشِقْ"
Genel Kurguقالوا للحب أفعال لكن هل لهذا الحب أفعال أَم ، قتل! " " مالذي يحصل؟،،! إِن كانت هٰذه الحقيقة فـأنا اصدِقُ الكَذِب " " هَل تسمعون هٰذهِ الأصوات، أنها روحي التائهة تصرخُ بِكُلِ قواها " " انا لا اعلم ما الذي حصل لقد كنت جاهلة، كُل من حولي كان يتلاعب ب...
