أننامِلي المُبدِعه قامت بكتابتها،،،
: ثَـمـر
ومِن بعدي لا شيئَ يُذكَر..
أنا واثقة من أنك ستضيفُها للمكتبة مِن دونِ تفكير.
.........................................................................
رجع سائد لمكتبه وزفر بقوه ونتر: الصوچ بيه آني اللي انطيتها عين
شاهين: جان لازم تسوي هالشي من زمان وي هيچ وحده
قسور: صحيح بس خلتك تبين شخص عدواني گدام الموظفين
تركنا سائد يرتاح شويه وطلعنا آني وقسور
، ضلينا نتمشى بالشركه ونشوف الموظفين شلون ديشتغلون لكن للحضه عيني لمحت غادة اللي قبل دقائق طردها سائد من المكتب وهي تتكلم ويَ ساجر صاحب الشركه المنافسه ماعرفت شنو الوضع لكن استغربنا آني وقسور بـنفس الوقت خصوصي بعد آخر موقف صار ببيت عمي
رحت عليه اريد اروح افتهم شديصير تمسك بيه قسور من أيدي ينهيني عن فعلي
_شاهين لتسوي مشكله خلي يويلي معلينه بي
شاهين: لك اكيد هو اللي سوة هيج ببيت عمك
قسور: بس احنا مامتأكدين من هالشي خلي نروح للمكتب احسن عوفنا من عنده لا هسه تگب الوضعيه بينكم وبعد منسيطر عالوضع
وافقت كلامه وتركت ساجر رحنا لمكتبي آني وقسور،
دخلنا وكل واحد اخذ مكانه آني رحت لمكتبي وگعدت على الكرسي وهو على الأستراحة حاط رجل على رجل ويقلب بالصور الخاصه بيه،
أثناء انشغالي بالكمبيوتر والتصاميم سمعت...
قسور: كافي مو فضحتنا سيطر على اعصابك شويه
التفت عليه هذا شديحچي
شاهين: ها شبيك هاي ويامن
قسور: غير وياك منو لعد
_آني، ليش بشنو فاضحك؟؟؟
_صدك دتحچي يعني متعرف انو فشلتنا گدام البنات كل ساعه رهام اريد احاجيج.. ممكن رهام شويه احاجيچ كاافي
_شنو انت شدتگول ترا ماكو شي بيناتنا
_لا لا واضح من انت ونايم ابد متصيح رهاام
گمت على حيلي رحت يمه جريت الكرسي مالتي وگعدت، وگلت وآني متفاجئ ومتحمس
شاهين: لا عليك الله صدگ، لا لا جذاب
_ليش اجذب، بعدين سيطر على اعصابك لا تصير السيطرة تحت الوضع مو العكس
_زين شنو المفروض اسوي متشوفها اربعه وعشرين ساعه تصيحلي عمو متدري اني اله شويه واطگ
_واذا صاحتلك عمو ميهم، المهم شلون تخليها تحبك
_اي شلون علمني
_ولو هي هاي شغله صعبه على واحد مثلك
گالها وهو يأشر علية بأيده بشكل ينرفز، عگدت حواجبي وگمت من مكاني ونترت بصوت:-شنو قصدك
أنت تقرأ
قُـيود المُنتَقِـم "الـعـاشِقْ"
Ficción Generalقالوا للحب أفعال لكن هل لهذا الحب أفعال أَم ، قتل! " " مالذي يحصل؟،،! إِن كانت هٰذه الحقيقة فـأنا اصدِقُ الكَذِب " " هَل تسمعون هٰذهِ الأصوات، أنها روحي التائهة تصرخُ بِكُلِ قواها " " انا لا اعلم ما الذي حصل لقد كنت جاهلة، كُل من حولي كان يتلاعب ب...
