أننامِلي المُبدِعه قامت بكتابتها،،،
: ثَـمـر
ومِن بعدي لا شيئَ يُذكَر..
أنا واثقة من أنك ستضيفُها للمكتبة مِن دونِ تفكير.
.........................................................................
للعالَمِ طريـقـةٌ واحِدةٌ لـِقتليِ،
ولـَديّ ألـفُ طريـقةٍ لأنتِصرَ عَليه!
**
تمشيت شويه امام المحل وانظر للبنات اللي بعمري و حتى اصغر مني شلون شايلات بأيدهم اكياس كلها ماركه ويفترون او المتزوجين اللي واحد حاضن ايد الثاني، امشي وآني افكر شلون اخلص نفسي من هذا الزواج وبين افكاري ما احس اله انصدم بيه شخص چان يركض، رفعت راسي علي مصدومه.....
رفعت راسي ليفوگ مصدومة اشوف شخص ضخم البنيه صافن بوجهي، صحت بلا وعي
رِسام: آخخخخ
_ عفوا سنيوريتا تأذيتي؟
عگدت حواجبي عليه مصدومه ديحچي عراقي
رسام: شنو شگلت؟!
_ قصدي اعتذر كلش بس جنت مستعجل، هذاك المحل خفت يعزل
( يأشر على محل حلويات)
رِسام: هااااااا
_ اي بس گليلي اتأذيتي
گالها وأبتسم مبين عليه شاب حباب هيجي يطلع عمره بنهايه العشرين
_ عفواً ماچان قصدي بس دايخه اعذرني
_ لا آني اللي لازم اعتذر
دورت وجهي من سمعت سيرين تصيح
_ رِسام رِسام
اجتي وضلت تباوع اله وكأنه كاتل الها واحد
وردفت وهي تهز بروحها
_ انت شلون هيج تسوي متشوف
رِسام: ولج لا لا
اتمسك بأيدها انهيها عن اللي تريد تسوي عرفت غايتها راح تتكافش ويا الرجال، لكن انصدمت من رد عليها باستهزاء
_ على كيفچ عيني على كيفچ
سيرين: انت شلون هيج تحجي ترا صديقتي حامل لو واگع الطفل شلون؟
باوعت الها اآني مصدومه وفاتحه عيوني على وسعهم ما لگت شي تگوله غير انو اني حامل يربي شسوي هسه اني
جاوب وهو متوتر وواضح عليه هالشي
_ صدگ، صار بيج شي
سيرين: اي اي صدگ
دنگت متوترة وبطني توجعني من الموقف
، باوعلي مصدوم وخايف
سيرين: ها شنو شبيج
_ شنو شبيها (التفت عليها وگال) شوفيهاا لتجيبه علينه هسه وين ننطي وجهنا
ابتسمت ولكن خفيت ابتسامتي وگلت بجديه وامثل الألم
رِِسام: يمكن الطفل ديرفس خلي اروح
احجي وأشر على بطني، احاول اتخلص من هالموقف بشتى الطرق
أنت تقرأ
قُـيود المُنتَقِـم "الـعـاشِقْ"
General Fictionقالوا للحب أفعال لكن هل لهذا الحب أفعال أَم ، قتل! " " مالذي يحصل؟،،! إِن كانت هٰذه الحقيقة فـأنا اصدِقُ الكَذِب " " هَل تسمعون هٰذهِ الأصوات، أنها روحي التائهة تصرخُ بِكُلِ قواها " " انا لا اعلم ما الذي حصل لقد كنت جاهلة، كُل من حولي كان يتلاعب ب...
