قُـيود المُنتَقِـم "الـعـاشِقْ"

part 3

أننامِلي المُبدِعه قامت بكتابتها،،،
:  ثَـمـر
ومِن بعدي لا شيئَ يُذكَر..

أنا واثقة من أنك ستضيفُها للمكتبة مِن دونِ تفكير.
.........................................................................
**

هاي هيَ حياتي البائسه اللي آني عايشتها امي متعرف وين الله حاطني وابويه اللي اهم شي عنده الفلوس،  يجي ببالي مرات اگول خاف آني مو بنتهم،

ماعندي خالات او عمات او عمام او خوال احنه مگطوعين من شجرة حرفياً حتى الجيران منعرفهم ولا يعرفونا

صديقتي المقربة واللي ماعندي غيرها سيرين،  تتسائلون وين وشلون تعرفت عليها ف راح اجاوبكم،  التقيت بيها بالمدرسة المتوسطة حصلت منحه دراسيه كوني انسانه فقيرة،  ومن ذاك الوقت لليوم آني وياها صديقات واكثر من خوات،

اهلها كُلش مرتاحين بصداقتنا وانو آني صديقه مؤدبه وماعندي سوالف مو زينه غير عن الصديقات اللي يجرفن غيرهن للطريق الغلط والاشياء المو زينه،

وجان هل شي عكس توقعاتي چنت اتوقع اهلها مو كلش حابيني لانو فقيرة بس چان هذا العكس تماما،  كلش يحترموني وعندي مكانه بگلبهم،

آني جنت الصديقه الوحيدة اللي ما اسمح لصديقتي تسوي علاقات او مثلا تسوي اشياء غلط،  اي صديقه ممكن نتعرف عليها آني وسيرين نگوم نحمد ربنا على بعض،  لأنو اللي نتعرف عليها يا أما تسوي اكثر من علاقه يعني عندها سته تحجي وياهم هذا ينام تروح لهذاك وهكذا،

ضلينا آني وياها صديقات لحد هذا يوم تخرجي وجان بالنسبه الي من اكثر الايام اللي اني جنت متحمسه الها لانو يعتبر صرت انسانه واعيه وناضجه، 

عائلتي تتكون من آني وماما وبابا،  وأخويه
،  نعم اخويه اخويه اللي ماجان اله دور بحياتي يخلي مثل امي او ابويه،

راح بعثه لغير دولة  يدرس هندسه،  وآني ضليت بهاي الدولة اهلي يقارنون بيني وبين اخوية هواي،  مع انو اني ويا علاقتنا قوية كُلش يحبني واحبه وولا يوم حسسني يكرهني،  حرفيا ممكن اوصفَ، الدنيا ومابيها

،آني ادرس طب عام ونارين تدرس صيدله،  تتسائلون شلون اني طب وهيه صيدله،  هي تحب تكون الشي الي تريدة لذلك اختارت صيدله اما آني جاهدت بكل قوتي وكلشي علمود اصير طب عام والحمد لله هسه آني طب،  وان شاء الله اروح للمستشفى اكثر لحضه منتضرتها من بعد التخرج،

حياتي كلها وآني منتصرة يجيني فارس احلامي على الحصان اللي راح يخلصني من هذا الواقع المؤلم ويكون اكثر شخص احس ويا بالامان،  بس الظاهر مو كلشي نريدة نحصله، اما الطبقه المخمليه كلشي تريد تحصل

كُلش اكره الأغنياء، بسبب قدرتهم على استيلاء كل شيئ خاص بالآخرين و فرض قوتهم وكلنا نعرف شلون، من خلال نفوذهم وهاي النفوذ من وين اجت من الدولارات اللي يمتلكوها، اكرهم كُلش اتقزز بنجرد سماعي رجل اعمال ثري، او عائلة مليارديرة على احد المواقع التواصل،

حرفياً تحطمت حياتي من بعد ما اهلي جبروني اتزوج شخص عجوز لا عرفه ولا يعرفني،  حرفيا شي ما اتمنى لاي بنيه،  شي مخيف،  تخيلي تعيشين حياتج كلها وي شخص بعمر ابوج شنو تكون ردة فعلج؟؟؟

**

الانسان الغني او بالاحرى فاحش الثراء مو شرط يكون مرتاح وكلشي يريد يصير،  الانسان الغني هو الشخص اللي يكدر يشتري ملابس واكل وسيارات بگد ميريد

بس الشخص الغني ميگدر يشتري اللي يحبهم او يشتري الحنان والحب من اقرب الاشخاص اله

جان شهم اقرب شخص الي،  ما جنت احس ويا بمنيه او شعور مو مريح،  ماجان مثلهم،  وهسه هو راح وما أگدر اشتري بالفلوس اللي عندي

الفلوس شي حلو بس مو ياهو الجان ينشرة بيهن

يجبرون،  يقهرون،  يكسرون، ويبتسمون،  هذني الكلمات قادرة توصف ابويه،  وكل شخص يأيد كلامه

ولا يوم عشت الحنان من بعد اخويه،  صحيح موجود  شاهين وقسور بس همَّ اولاد عمي،  الاخ شعور مختلف،  انطفت عيني وانكسر ظهري من مات اخويه وتحت ايد متسوة

هو جان مجرد نقاش بسيط بين محمد الكلب و شهم
الى ان رفع محمد سلاحه وقتل شاب يسوة عشيرته
منعرف شنو جان السبب وشنو ديصير مجرد عرفنا اللي قتل اخويه

ما جنت اتوقع شخص خسيس ومنحط مثل محمد گدر يقتل اخويه كل اللي ببالي هو ساجِر 
لان عندة عداوه من زمان ويانه طبيعي هالشي باعتبارهم شركة منافسه النا

عائلتي هي امي وابويه ورهام الاخت الصغيرة اللطيفه اللي الكل ميرفض الها طلب،  جنات الشخصيه العاقلة واللي متقبل الظلم ابد وحنونة كلش خصوصا ويايَ تعرف اللي تعرضت اله من بعد رحيل شهم،  لجين
انسانه متنوصف احيانا نگول حبابه ويطلع العكس تماما واحيانا نكول ما عدها احساس او ضمير ويطلع العكس،  هي أَي شخصيه منهم؟

آني،  وريث هذه العائله اللي تقدر ثروتها بمليارات
الدولارات،  كل البنات يركضون ورايَّ كوني جميل و غني ومن عائلة معروفه ( يعني تقدر بفلوس هواااي)

الكل يباوعلي ويحسدني على الملابس والسيارة والجمال بس يعرفون شنو وراء هذا كله او لا

"No, no, they can't know that "

الشخص الوحيد اللي گدر يخفي هالشي،  هي غادة هي الوحيدة اللس طلعتني من فترة الحزن الي جنت بيها من بعد وفاه اخويه

والشي المجهول اللي آني لسه معرفته،  انو ليش الكل يحاول يبعدني عنها

هي لطيفه ومؤدبه وحبابه و ولا مرة بدر من عندها شي يهيني

ما اعرف شنو اللي يشوفوه او يعتقدوا بحقها،  احبها كلش احبها،  مثل حبي لأخواتي واتمنى العمر كله وياها،  اتمنى هالزواج ميغير شي اتجاه مشاعري الها،  او يمكن يغير؟؟؟؟؟

~يتبع،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

مرحبا
حياتي شلونكم گلت اعوضكم من بعد ما نقضت بوعدي الكم من بعد ما أتفقت وياكم، 🥺
لكن المهم هسه من نزلت الكم هالبارت الخفيف والـلطيف👀

موتنسون التصصويت وكذلك الأشتراك بقناتي على التليگرام، والأنستاگرام🫶🏻

كلشيئ تتسائلون عليه اهناك تگدرون تسألوني وبس
بااااااااي 🩷