رواية #لك_يا_ذا_الجمال_اليوسفي
بقلمي ... فاطمة العبادي
قراءة شيقة كيكاتي 🖤 ..
لتنسون ترفعو تعليقات بين الفقرات 🖤
درة ... هلو عمو
ارفد ... هلا عموو خير ان شاءالله
درة ... عمو خالد لگيناه مسبگ النه بالطلعة واخذ ياسمين من ايدها سحلها سحل للسيارة كدام العالم وراحت ويا تبجي ماكدرت تقاوم خافت يفشلها اكثر
ارفد ... غضب الله على رأسه انتن هسة وين
درة ... بالسيارة راجعين انه والبنات
ارفد ... خوش سدي يله صارت يمنه
سديت الخط كالن هااا
درة ... يگول صارت يمنه
فلك ... هسه يروح لأبوي ويحلونها شنو. من بشر عمي خالد؟! والله عجيب ماعنده رحمة غيرة ضمير؟
درة ... لا كطعوهن ويا صرته ودفنوهن بالمجاري
حجيت بصوت ناصي
جمانة ضحكت غطت حلكها ودارت وجهة على الشارع وفلك لكزتني تضحك
رجعت سكتت وكالت بخوف
فلك ... يا خوفي يروح يسويلها شي لو يضربها
درة ... اكلت ضرب من مرت ابوها وهسة يكملها خالد لا عبالج شريف وما يسويها تدرين بي ...
لگزتني سكتت ما كملت
فلك ... الله يستر ويهدأ النفوس
دك مبايل جمانة ردت حجت طبيعي وكأنها تدلي شخص على شي درت وجهي للشارع سدته سمعت فلك تكللها شكو
جمانة ... همام
فزيت التفتت عليهن شبي همام؟
جمانة ... ش شوف شلون رجفت م من ذكرت اسمه ههههههههه
فلك ... الله يرحم ايام البواچي البچيتيهن من رادوچ تقبلين بي
ابتسمت بخجل وخزرتهن محذرة ... گولي شبي من حلگ ساكت احسنلچ خووش
جمانة ... ي يمة ت تخووووووف هههههههههه ما اكو ش شي راد ا اوراق تخص بارق ودليته ع عليهن
هزيت رأسي ودرت وجهي سمعتهن ضلن يسولفن جمانة تگول لفلك
... همام ص صلاوات اخذ أرض ب بالبصرة و و قريبا راح ي يفتح م مشروع بيها ع عمي گله يساعده م من ناحية الفلوس د درة رجلچ ان شاءالله ي يصير غني
درة ... ادري بي گلي دعائي مرافقة ان شاءالله يسهله ربي ويفتحها بوجها ويرزقه يمشي على خطى عمي ارفد ان شاءالله يصير مثله
جمانة ... ص صح همام يقلد ع عمي ارفد بتصرفاته و يشبها ب بال بالشخصية ك كلش حنين و طيب و مسالم م ما يحب يجرح ب بشر و يحسب ح حساب للحجاية. ق قبل لا يحجيها
درة ... اي ومن يحب بشر يدمنه كلش احب صفاته وان شاءالله يضل هيج وما يتغير هههههه
فلك ... لالا ما يتغير ماخذ صفات عمي ارفد يضل للكبر هيچ شلونه الحب؟
حجت بهمس
درة ... حلو بداياته حلوة دگة گلب غريبة غيره ممزوجة بحب التملك ، مرات احس ما اريده يحجي ويا بشر غيري اريده بس الي
من ينذكر اسمه ارجف بشكل غريب هاي المشاعر ما صارلها هواي ما جنت هيج بس هو كدرلي طلع مو هين ههههه
أنت تقرأ
لك يا ذا الجمال اليوسفي
General Fictionرواية عراقية حقيقية .. لا يوجد وصف أدخل وأبحر معنا بين السطور 🖤
