لك يا ذا الجمال اليوسفي

البارت 18

رواية #لك_يا_ذا_الجمال_اليوسفي

بقلمي ... فاطمة العبادي

لتنسون تصويت + تعليق بين الفقرات
لاڤيو 💙🖤 .

وصلو البارت 1000 تعليق ..
قراءة ممتعة كيكاتي 🖤 .

ما وخر عني، رجعت ليورة
حجة بصوت ناصي
... اذا تاخذين سداد انتي ويا ثنيناتكم اذبحكم
اسوي عرسكم دم ...

حجة بنبرة غضب قاطب حواجبة ويباوعلي بحقد دفين رمشت بعيوني ما مستوعبة الحجي اليطلع منه

حجيت بصدمة ... من كل عقلك تحجي ؟

رفع طرف حاجبة وأشر براسة ع صالة
... من كل گلبي احجي يم كلبي انسة حتى سداد يصير اخوي وانتي عرضي .

رهف ... ويع شكد انسان قذر انته وحقود ... حجيت بأشمئزاز .. فعلا جنت منقرفة ولعبانة نفسي من اسلوبة

ضل رافع حاجبة ويباوعلي
ردت امشي ورجع سد علية الطريق
رفعت اصبعي بوجهة وحجيت بتهديد
... توخر من كبالي لا ابليك وحق الاسمة علي

رفع حواجبة باستهزاء وكال
... شتسوين يعني

... شي ما يخطر ع بالك وخر ليث واتچفة شري ترة لو طبكن عندي اكوم الدنيا وما اكعدهة
وخر من دربي وخليني اروح

جتف ايدينة وارتجى ع حايط
... شو ما اخليج تعبرين الا تسوين الشي المايخطر ع بال والخاطر .

رهف ... انتة قليل رجولة ونفسك خايسة
شلون نفسك تقبل تحجي ويا البنية اليريدهة اخوك بهذا الاسلوب وتهدد تكسر فرحة اخوك .

ليث ... انتي الي قبل ما تصيرين الأخوي من اول يوم عتبتي بيت اهلي عتبتي كلبي وكعدتي بي
و مو من شيمي اخلي شي الي يصير الغيري .

رفع حواجبة بسرعة ونزلهن وابتسم بمكر سوالي مجال اعبر
بس جد جنت امبنجة هذا مثل الموت ويحوم داير مدايري ..

مشيت شوية گام اجة وراي يكول بصوت خافت
... هسة لو تسولفيلهم شنو حجيت هم ما اهتم

سكتت ما حجيت شي ، محد انتبه علينة و بالأحرى محد يتوقع يكون اكو سر او موضوع بيني وبين ليث

لأن هوا متزوج من جهة ، و من جهة ثانية يدرون بسداد يحبني وانه احبة شغلتنة واضحة مثل عين الشمس حتى امي حست
بعد مو ذولي الكاعدين وياهم .

هوا بس يتأفأف ويخزر بية تكول ماكلة عشااا

بس انه سويت روحي ما اهتم
واباوع سداد كل شوية يباوعلي مبتسم
ولا شك بليث ولا حتى التفت علي

خطية مأمن ويمكن حتى كايل اله انه حب رهف
بس هوا ناقص غيرة
اووف تنهدت بضيق

وعقدت حاجبي مستائة
كمت وهمست لدرة
رايحة انام نعست انه

سوتلي حركة بايدهة وهية مركزة بالفيلم
بمعنى اي روحي

شنو هذا العجز حتى ما كالت روحي بلسانهة لو باوعتلي