THE JAMAICAN ARTISE PA

TWO PART POV:

ANDRE POV:

" pregant?!" Kerry exclaimed  while Shanique hand cova har mouth inna surprise.

" oh Jesus, thank yuh lord . Mi coulda lose mi pickeny and grand pickeny but, god yuh neva fail mi yet . Doctor can we si har now ? Please mi a beg yuh doctor mek mi just look pon har "  miss Sherice seh to eh doctor .

Mi did have fi tek a seat because is like wah heavy weight just come dung pon mi shoulders . Eh whole heap a emotion dem weh mi a guh through and feel right now , a did just to much . Eh news alone shock mi because, wi always use protection or she tek har birth control thing dem except fi dah one time deh inna Miami , fuck,  mi memba now . As wid me and Jada , sex a regular thing when wi deh round each other which mi will neva complain bout cause a mi woman and mi love har and sex wid Jada always good , eh best .

Doh get mi wrong , mi fully intend fi tek care a my child because as much as mi neva lucky fi have nuh form a love or family when mi a youth , mi fully intend fi mek sure seh my pickeny get eh life weh mi neva get and grow up wid eh love weh mi neva experience. A just eh possibility seh mi coulda lose not just eh woman weh mi love but, wi child to , god si ah know mi coulda manage it and now that eh finally a sink in , eh realization and eh fact seh mi aguh be a fada , mi couldn't even put it inna words, if mi fi describe eh way how mi a feel right yah now mi woulda seh drained. 

Inna one night mi nearly lose mi woman,  wi baby , find out seh eh daughta a eh woman who basically a eh mada weh mi neva have , get rape and continue fi allow it just fi protect mi frah mi fada and now realise seh mi aguh be a fada , a just one heap a mix feelings .

Mi tune in back to eh conversation when Shanique ask mi ,

" Andre yuh coming ?"

"Where ?"

" fi guh si Jada ?" She pause and then turn to Jada mada and sista and eh doctor who did a wait .

" unu gwaan , mi aguh stay back wid him until him ready. unu tek some time wid har" .

Dem lef wid eh doctor and Shanique tek eh seat beside mi and rest har hand pon mi shoulder reassuringly.

" mi know all wah happen tonight nuh easy fi process but, right now eh most important thing is that she alive Andre. She and unu baby alright and mi know eh whole news a eh pregnancy shocking but, if mi know yuh like how mi think mi know yuh , yah guh be a good fada to unu baby "

She stop when har phone start ring and she tek it out har bag and answer. mi tune har out as mi try come to terms wid eh whole heap a emotions dem . Mi feel mi phone vibrate inna mi pocket and mi tek it out and guh pon app . Ova 15 different message mi get from couple a mi breggin dem and Adrian.

Eh banga phone weh mi have fi calls weh haffi deal wid dah certain part a mi life deh, start ring an mi pull it out an ansa .

" yow Davio?"

" just a mek yuh know seh eh deal wid"

him seh,  refering to Tanya and har man body weh mi lef dung a dem place.

" ah, appreciate it bro. Listen , mi deh a Spain hospital right now, somthings gwaan early last night suh mi cah guh collect eh shipment,  just mek Lance tek care a it "

" yeh man ,nuh worry yuh head bout that bredda . Hear wah, we talk lata on seet?"

" yeh man,  likkle bit " an him end eh call as mi replace eh phone inna mi pants pocket.

" Shanique , b a wah yuh seh gwaan ?" mi look up when mi hear wah familiar man voice an si Shawn a walk ova to wi .

Shanique get up same time as mi and walk ova to him.  Him hug har and then look towards mi but, mi just seh to Shanique