THE JAMAICAN ARTISE PA

JADA POV:

Mi spend 2 weeks inna the hospital and then get discharged with the doctor cautioning me to take it easy and ensure seh mi rest especially with me being pregant. The obvious choice afta mi get discharge a did fi guh stay wid my mother even though Andre mek mi know time and time again seh if mi want , mi can come live wid him but, mi still nuh sure bout wi relationship suh mi decide fi stay wid mummy .

Serena invite mi har house bout two days afta mi come out a hospital suh wi cah talk bout wah happen.  Of course she did concern and upset and mi couldn't blame har , she almost lose har life and she have every right fi wah know why and who start eh fiya .

" Mi guh down a the station yesterday but, eh police dem doh have nuh information fi give mi. Dem just tell mi seh eh person use gas fi start eh fiya because dem find eh backle inna some bush behind yuh house . Wi coulda dead enuh Jada? Why somebody woulda wah kill wi ?"

Because she mad and obsessed wid a man who mek it clear seh him nuh want har mi seh inna mi mind but out loud ,

" mi doh know Serena but, mi just thank god wi alive . Andre tell mi seh eh police dem a investigate suh mek wi just wait and hear what them have to say " God mi hate a lie to har when she almost lose har life because a me enuh .

She shake har head,

" yuh think any a wah happen coulda have sumuh fi do wid Andre ? Jada mi care bout yuh like mi owna sista but, mi affi considah all possibilities. Supposed eh person who light eh fiya did wah hurt him but, instead dem come afta you because dem couldn't reach him ?"

"No , as far as mi know nuhbody nuh have a reason fi want Andre dead and if a suh be the case, him woulda tell mi "

She gi mi wah unsure look and then seh,

" mi just cah believe seh mi nearly lef mi mada and mi family dem . Imagine , mi not even get fi have mi pickney or do everything weh mi wah do inna life yet" she look pon mi belly then inn mi eyes,

" and mi almost lose mi future neice or nephew. Eh police dem need fi hurry up and find out a who do this because mi need fi know and mi wah know why. When dem find a who , me personally wah talk to dem because mi aguh ask dem if mi look like mi plan fi guh hell, cause imagine mi newly bun to death "

Mi spend some more time wid har and then lef inna the afternoon.  Mi did borrow mummy car suh mi stop a mi house  or more accurately wah lef a it, when mi a drive back up .

Bright yellow caution police  tape was stretched across the gate and around the house . Mi bend underneath it and then walk up to eh concrete structure that was the only thing left standing. The cream colour paint that was it's original colour did gone and now everything did just black from the fiya and smoke .

Mi climb eh step dem to eh verandah which did now left open since eh grill did tear down and throw one side by eh firefighters dem, maybe inna dem desperate rescue operation fi save mi and Serena . The tile underneath mi foot did black and cova wid ashes, pieces a wood and glass scattered all bout ,suh mi did affi careful weh mi step even though mi a wear sneakers.

Everything did gone , every piece a furniture and appliances,  only sign a dem , a pieces a board or metal from eh washing machine or broken glasses from things like eh dinning table , plate and glass , and eh TV . This hurt mi because from mi a 17 mi move out a mi mada house and everything weh mi lose a weh mi work haad and save fi buy. Mi hear eh sound a man voice talking suh mi falla it through eh house until mi reach a the back door weh open out to eh back yard and mi si mi landlord Mr.Dunkan and wah next man a stand up and a talk. 

Dem stop when dem si mi and mi landlord come towards mi fi hug mi up as him seh, " Miss Campbell , bowy mi glad fi si seh yuh alright. How yuh feeling?"

" am ok " , that was another thing mi always grateful fah. My landlord different inna eh way weh him actually care bout him tenants dem and always mek sure seh anything mi need regarding the house mi cah always count pon him fi tek care a it.

" mi just a talk to Clive yahsuh , a si wah cah gwaan fi  all a this . This important enuh but, mi glad fi know seh nuhun nuh do yuh cause this cah always fix but, life , a one chance wi get "

Mi nod even though him still nuh mention how much this aguh cost mi but, mi know him nah guh mention it in front a him work people dem , probably aguh call mi lata and mek mi know which a did eh best , because mi know eh betta mi a sidung when mi hear that deh price deh.

Mi stay deh fi about wah 15 minutes, just a talk to him and then mi lef . Mi stop a wah pharmacy fi get some things weh mi doctor did prescribed fi mi tek . Afta mi pay the cashier and a wait pon the pharmacist fi call mi name fi collection , mi walk among the Isle a cute baby toys just a imagine all eh shopping weh mi aguh do once mi find out the gender. Yuh know what even more strange? the fact seh mi neva si mi self a have baby suh early but, now mi cah wait fi guh through the whole process,  the maternity photoshoot, the baby shower , holding our baby inna mi arms , everything .

The pharmacist call mi name and mi guh back up a the counter and collect the medication but, as mi did about fi leave , one hand pon the door ready fi push it open wah woman voice call out to mi .

" Jada ? Jada Campbell?"

Mi pause and turn round fi si a medium height, slim woman. Hair catch up with a claw clip, dressed nicely in a high-waisted boyfriend jeans , oversized white t-shirt and a pair of white slippers, makeup light but, done perfectly to suit her facial structure, she was pretty.

" Yes? Sorry, who are you?" I asked as I offered her a small smile. 

" Am Denise,  Denise White,  Andre's sister"

Wait wah seh that again ?!

Lol 😂 😂  no sah ,me shock to because eh last time mi check Andre seh him nuh have nuh family.  Anyways remember to vote , comment , follow me on here and share the book. Oh and as always unu can check my socials IG@sophie_1234daisy and Tiktok @phoenixwrites, love unu 🫶❤️