A/ලෙවල් (Ongoing)

Test Paper 11

තව සති දෙකකින් ටර්ම් ටෙස්ට්.අය්යෝ මට හිතාගන්න බෑ මොනවා ලියන්නද කියලා.ගියපාර වගේ පෝන් එක තියාගෙන ලියන්න හිතෙනවා රෙද්ද.ඒත් එහෙම බෑ...මේ පාර තනියම කරන්න ඕනේ.අනේ මංදා අප්පා.

බයෝ තමා එපා වෙන්නේ.කොහොමද මෙහෙම පාඩම් කරන්නේ.අනික ඉතින් එසේ පේපර් එකට හරියටම පොයින්ට් එක තියෙන්න එපැයි.සමහර පාඩම් හරි ලස්සනයි.ආසයි ඉගෙන ගන්න.ඒත් තව සමහර දේවල් මල විකාරයි.

දන්නවද අපේ බයෝ පොතේ තියෙනවා මේ ලෝකෙ ජීවය ඇති වුණේ කොහොමද කියලා.මුලින් මුකුත් තිබ්බේ නෑලූ.ඊට පස්සේ වැස්සාලූ.වැහැලා මුහුද හැදුනලූ.මුලින් හැබැයි සමහර වායු වර්ග තිබ්බාලූ.දන්නේ නැද්ද පාඩම් කරාට පොඩ්ඩක් ඩාං ඩූම් වෙනවා හී. ඊට පස්සේ අකුණු ගහද්දී ගිනිකදු පුපුරද්දී ඒ වායු ප්‍රතික්‍රියා කරලා කාබනික අණු හැදුවලු.ආආආ...කාබනික අණු කියන්නේ කාබනුයි හයිඩ්‍රජනුයි තියෙන ඒවා.අනේ ඊට වඩා ඒවත් තියෙනවා.කොහොම හරි ඒ දෙක තියේ නම් ඒක කාබනිකයි.හරි කොතනද මං කතාව නතර කරේ.අහ්...ඒ කාබනික අණු එපාර මුහුදේ දිය වුණාලු.ඒකට ආදී සූපය කියලා තමයි අපේ මහ ලොකු scientist ලා නම දාල තියේන්නේ.ඒක සුප් එකක් වගේලු හලෝ...සුපර් මාර්කට් වල තියෙනවලූ ඒවා.ලැබ් වල හදපුවා.

හරි දැන් ඒවා මුහුදේ දිය වුණා නේ එපාර තමයිලූ ජීවය ඇති වුණේ.පුංචි සෛලයක් පස්සේ පරිණාමය වෙලා අපි වගේ අය හැදුනලු.ඒක හරි පුදුමයි නේද? මටත් හිතාගන්න බෑ හැබැයි එහෙම එක සෛලයක් තියෙන ජීවියෙක්ගෙන් අපි වගේ නෑ කොටින්ම මං වගේ පිස්සු මැන්ටල් ඩයල් එකක් හැදුනා කියලා.හව් සෑඩ් කොහොම හරි හැදුනා නේ....හරි ඒක නෙවෙයි කතාව.මුලින්ම ඉතින් ජීවය ඇති වුණේ මුහුදෙ නේ.ඒ වෙද්දි මාලු ජාති එහෙමත් හැදිලාලු.දවසක් ඒ හිටපු එක මාලුවෙක් එයාගෙ වයිපරේ එක්ක රණ්ඩු වෙලා මුහුද දාලා ගොඩට ඇවිල්ලා.අනේ ඒ යකා හින්දා තමයි මේ ඔක්කොම.ඒ යකා මාලු කෑල්ල ශේප් කරන් හිටියා නම් අද ගොඩබිම ජීවීන් නෑ නේ...එහෙනම් මිනිස්සුත් නෑ...ඉගෙන ගන්න ඕනෙත් නෑ...එක්සෑම් ඇත්තෙත් නෑ....ශෝක් එකේ ඉන්න තිබ්බා.මගුල රෙද්ද.

හරි ඉතින් එපාර අපි මෙච්චර හොදට පරිණාමය වුණේ කොහොමද කියලා කියන්න වාද තියෙනවා.අනේ ඒවත් අපේ පොතේ තියෙනවා.ඕවත් ඉගෙන ගන්න ඕනේ.ලැමාක් වාදෙ ඩාවින් වොලස් වාදෙ එතකොට නව ඩාවින් වාදේ.වෙලාවට අපේ පොතේ තුනයි තියෙන්නෙ.ලෝකෙ තව තියෙනවා.ප්‍රොපා අපි ගැන හිතලා පොතට දාලා තියෙන්නේ 3යි.ආදරෙයි ප්‍රොපා....නෑ නෑ බොරුවට කිව්වේ....මං ආදරේ මිණිදු අයියට.හී.