ආයිශ්....එක්සෑම් එකට තව මාස දෙකයි අප්පා....දැන් නම් මතක් වෙද්දිත් ටිකක් කකුල් දෙක ගැහෙනවා...ඒ විභාග භීතිකාව නෙවෙයි ලමායි...ස්ට්‍රෙස්....ආයිශ් මට ස්ට්‍රෙස්....
අදත් උදේම පේපරේ ලියන්න යන්න ලෑස්ති වුණා...ම්ම්ම්ම් මගේ සුදු මාත්තියත් එනවා නේ අප්පා...මං ඉතින් ලස්සනට සුවදට යනවා...
මේ පාරත් පුංචිලාහ ගිහිපු වෙලේ මල්ලියට හම්බ වෙච්ච ඕඩිකොලෝන් බෝතල් දෙකක් උස්සන් ආවා...ඇයි ඉතින් හැමෝම ඒ බබාව බලන්න එද්දී ගේන්නේ ඒවනේ...ඔච්චර ඕඩිකොලෝන් නාන්නද අප්පා...???
කල් පැන්නොත් අපරාදෙ නිසා මං උස්සන් ආවා...නාස්ති වුණොත් අපරාදෙ නේ...කාගෙ උනත් සල්ලි නෙ...
"අයාන්...."
අපෙ අප්පේ අපේ පියානන් වහන්සේ කතා කරනවා උදේ පාන්දර...මක්ක වෙලාද දන්නේ නෑ...
"ඕ තාත්තේ...?"
"ක්ලාස් ද?"
"ඔව් ඉතින්..."
"විභාගෙට තව මාස දෙකයි නේ කොහොමද දැන් වැඩ ටික?"
"අවුලක් නෑ තාත්තේ...මිණිදු අයියත් ඉන්නවා නේ ප්‍රශ්නයක් වුණොත් උදව් ගන්න..."
ම්ම්ම්ම්...දැන්ම ඉදන් බෑණගේ හොද කියන්න ඕනේ නැන්දාම්මටයි මාමණ්ඩියටයි...
"අහ් කරගෙන යනවා නම් කමක්නෑ....විභාගෙට බාර වෙන්න කියලා කතරගම යන්න කියලා බැලුවේ."
අනේ....ට්‍රිප් එකක්.......මොන තූත්තුකුඩියක හරි කමක් නෑ අප්පා ට්‍රිප් එකක් නම් මං යනවා.අම්මපා ඇත්තයි...
"අනේ යමු යමු දවස් කීයක් ද? දෙකක් වගේ ද? කවද්ද යන්නේ.? බස් එකේ නම් බෑ.රශේන් අයියලාගේ වෑන් එකේ යමු නේ...කොහෙද නතර වෙන්නෙ? තනි දවසෙ නම් බෑ හැබැයි...එතකොට ගතියක් නෑ නේ..."
"ඈ...බං දැන් උඹට ඕක කියහම පන්ති පාඩු වෙන්නේ නැද්ද?"
"පන්ති වගේද තාත්තේ දෙයියන්ගේ ආශිර්වාදේ...දවස් දෙකකට වගේ යමු...නෑ තුනක් ඉමු හා නේ....මං මිණිදු අයියටත් එන්න කියනවා.එයයි අම්මයි විතරයි නේ..."
"ඇයි ඒ ලමයගේ තාත්තා?"
"එයා රට අනේ"
"හා හා එහෙනම් ඒ දෙන්නටත් කියන්නකෝ...කපිලලත් යන්න ඕනේ කිව්වා රශේන්ට වෙච්ච බාර ඔප්පු කරන්න...පන්ති පාඩු වෙන්නෙ නැත්තන් දවස් දෙක තුනකට යමු ඉතින්"
YOU ARE READING
A/ලෙවල් (Ongoing)
Romanceකියවලම බලන්න A/ලෙවල් හිතන තරම් අමාරු නෑ.....ඊට වඩා අමාරුයි.... බයෝ පොත් තුළින් රිංගන.... අනුමාපන ප්ලාස්කු අතරින් දෝරෙ ගලන.... කැලරි මීටර් රත් කරපු.... අයාන්ගෙයි මිණිදුගෙයි ආදරේ .........❤ නිහඩවම ආදරේ කරන sunflower මල සිතුම්.... මල දැවෙයි කියන බයට ඒ...
