#سامحيني_ولكن
للكاتبة #صبا_يوسف
مساء الفل والياسمين على متابعيني الحلوين .. شلونكم ؟! ..
سووا منشن لاصدقائكم يقرون الرواية ..
مو تنسون التصويت لان كلش مهم ، ربي يحفظكم .
يلاا نبدي بسم الله ..
_____________________________
#عسل
السلام عليكم ، اني اسمي عسل عمري 19 سنة ، طالبة بكلية الصيدلة مرحلة ثانية .
مواصفاتي بيضة ، وملامحي كبار ، شعري لونه بني غامق ، طولي ووزني متناسقين ومناسبين .
عايشة ويه ماما اسمها بسمة ، ربة بيت .
وبابا اسمه رائد ، عنده محل مال اجهزة كهربائية .
عندي صديقة اسمها جنة ، كلش احبها وارتاحلها واخلاقها حلوة .
مخطوبة لابن عمي اسمه نصير عمره 29 ، يشتغل موظف بشركة يعني مندوب ، خطوبتنه تقليدية تقريباً صارلنه ست اشهر ، بمرور الايام حسيت نفسي حبيته وشخصيته عجبتني .
مواصفاته اسمر ، ملامحه عادية ، متوسط الطول ، جسمه ضعيف .
هو هم دائماً يكولي يحبني من جنه صغار ، وهسه من انخطبنه حلمه تحقق وداينتظر يوم زواجنه بفارغ الصبر
على هذا الاساس ، اجوي اليوم بيت عمي لبيتنه ، عمي و زوجه عمي و نصير .
تعرفون بهيج مواقف ، البنية دائماً تصير خجولة كدام عيالها ، لبست بنطلون ابيض وفوكاها تيشيرت ملون بعدة الوان .
نزلت حضرت الصينية الي اقدمها الهم ، بعدين شلتها وتوجهت لغرفة الاستقبال .
دخلت لغرفة الاستقبال بخجل وبيدي صينيه بيها عصير وكب كيك .
" السلام عليكم " قلتها بخجل بعدما دخلت .
" وعليكم السلام " ردوا كلهم عليّ .
قدمت لعمي وزوجه عمي وأخيراً نصير ، ابتسمتله وبادلني الابتسامه .
كعدت بصف نصير
" شلونج ؟ " قالها نصير بصوت ناصي .
" الحمدلله وانت شلونك ؟ " قلتها بنفس مستوى صوته .
" مشتاقلج " قالها وهو يبتسم .
" واني هم مشتاقتلك " قلتها بخجل ونزلت راسي .
بده عمو بالكلام ويه ابوية
" ابو عسل .. اليوم اجينه نحدد موعد العرس "
" اي شوكت تحبون تسوونه ؟ " قالها بابا بابتسامة .
" نصير يريد بعد أسبوعين " قالها عمي .
أنت تقرأ
سامحيني ... ولكن
Romanceلم اتصور بأن يوماً من الايام، ساواجه مأساه في حياتي. افقد عذريتي بسبب تعرضي لاغتصاب من قبل شخص لا اعرفه ولا اراه حتى. تغتال برائتي و امالي لتجعل حالتي نفسيه تزداد سوء يوم بعد يوم. الحب ممنوع علي لانني غير مرغوبه بها، ليجعلني اشعر بالذنب و الحزن حي...
