سامحيني ... ولكن

الفصل العاشر

#سامحيني_ولكن
للكاتبة #صبا_يوسف

مسائكم راحة تعانق قلوبكم .. شلونكم ؟! ..
سووا منشن لاصدقائكم يقرون الرواية

مو تنسون التصويت قبل القراءة  .. لان كلش مهم ربي يسعدكم .. وعلقوا على كل فقرة .

_____________________________

#دينا

" فهد .. تعال ويايه " قلتها وصعدنه لغرفة عسل .

جريته وصعدنه لغرفة عسل .

قبل لا ندخل سمعنه عسل تبجي وتقول
" ماما .. مااريده بعد .. لاتكوليلي سامحيه .. وغلطان .. ومن هذا الحجي تره ميأثر بيه "

باوعت على فهد وهزيتله رأسي بمعنى مع الاسف ، وهو نزل رأسه ، دكينه الباب ودخلنه قبل ما يسمحولنه بالدخول

" السلام عليكم " قلتها بعدما دخلت .

" وعليكم السلام .. تفضلي دينا " قالتها ام عسل ، ما ردت عليّ عسل .

شفت الاستغراب على عيون عسل الي صايرة حمر من البجي ، جانت كاعد على السرير وباكيت الكلينكس يمها ، واكو كلينكس وسخ متناثر على السرير .

فهد مدخل بقه واكف بباب الغرفة .

رحت كعدت يمها ، جانت بعدها بالبدلة ، قلتلها بهدوء
" حبيبتي عسل .. فهميني شنو هذا الحجي الي سمعته ؟ "

" مثل ما سمعتي .. فهد خاني و نسه كل الي بيناتنه .. اريد اطلك .. بعد مااريده ومن سابع المستحيلات ارجعله " قالتها وهي تبجي .

" بس فهد... " قلتها بس فهد قاطعني ومخلاني اكمل كلامي .

" دينا .. لا تلحين .. اي اني خنتها " قاطعني فهد .

" شنو ما الح ؟ .. اني متأكده الموضوع اكبر من هيج .. اني مربيتك على ايدي واعرف شكد تحب عسل .. اذا عبالكم هاي السالفه راح تمشي عليه .. انتوا غلطانين " قلتها بعصبية .

" اي الموضوع اكبر من هيج .. دينا .. هو كالي اكول خايني .. لان خايف " قالتها بكل ثقة

" اسكتي .. عسل .. ويلاا دينا امشي " قالها فهد بعصبية .

" انت الي تسكت .. خلي اسمعها " درت وجهي عليه وقلتله بحده .

بعدين درت وجهي على عسل والفضول كاتلني ، قلتلها " كملي .. شكو ؟ "

" شوفي دينا .. اني قبل سنتين تعرضت لاغتصاب .. عشت ايام سودة بحياتي .. وراها تعرفت على اخوج وكالي يموت عليّ وكلت ما طول يحبني خلي اجرب حظي وياه واكوله على كلشي .. فعلاً كلتله على كلشي وما كال شيء بالعكس حسسني بالحب زيادة ورجع طلبني للزواج مرة ثانية .. اني كيفت لان كلت رايدني بكل حالاتي .. وهسه من انقفل علينه باب واحد اعترفلي هو الي اغتصبني .. هاا شنو رأيج .. هسه بعدج تريديني اكمل حياتي وياه .. لو انتِ بمكاني شتسوين ؟ " قالتها بصياح وبعدها تبجي وازداد بجيها.