سامحيني ... ولكن

الفصل السابع

#سامحيني_ولكن
للكاتبة #صبا_يوسف

اسعد الله مسائكم بكل خير احبائي .. شلونكم ؟! ..
سووا منشن لاصدقائكم يقرون الرواية ..

الي ممتابع حسابي خلي يتابعه @sab_oo_sh

لا تنسون التصويت قبل القراءة .. لان كلش كلش مهم .. ربي يسعدكم .

_____________________________

" كل ما يشغل بالي الآن
هو تفكيري في ما يجول بقلبك
هل ما زال يحبني ، ويذكرني
ام انه استقال عن حبي
واصغى لكبريائه وخوفه "
#عسل

مرت ثلاثة ايام ، جنت اني وجنة نتمشى بالكلية رايحين للكافيتيريا .

" جنه .. صارلي ثلاثه ايام مااعرف شيء عن فهد .. اريد اعرف شلون صار ولله محتارة " قلت لجنة .

" ليش متخابرين اخته .. و تسألين عليه " جاوبتني جنه .

باوعت عليها وقلت بسرعة
" لا .. اريد اروحله للمستشفى .. ثانياً اخته اذا اخابرها راح ترزلني وتسد التلفون بوجهي "

" يمعودة شيوديج .. وشوكت تروحين ؟ "

" تكدرين تجين ويايه وره المحاضرات .. اليوم نخلص من وكت .. حبابة اذا هسه اكول لاهلي ميقبلون "

" ولله ماادري .. اني هم اهلي ميقبلون .. خلي نخلص محاضرات ولله كريم "

بيومها خلصنه محاضرات بالوحدة ، من كلت لجنة بالبداية مقبلت بس توسلت بيها ووافقت بس بشرط انه ما نتأخر ونرجع للكلية حته ترجع ويه خطها ، لان راح تروح بدون ما تكول لاهلها ، واني وافقت

من اليوم الي سمعت بي ، واني احس بالذنب وبنفس الوقت خايفة ، خاف يصير بي شيء خطير لا سامح الله بسببي .

دائماً افكر بي وادعيله ، هسه ما اتحملت لازم اروحله واشوف وضعه ، بعده على نفس حالته مثل ما كالت اخته لو شنو ، بس اريد اطمن قلبي وارتاح .

المهم طلعنه من الكلية ، طول الطريق واني متوترة وقلبي يدك سريع ، على حظي الحلو جان ازدحامات مال نهاية دوام ، فالطريق صار طويل تقريباً .

من وصلنه ، سألت موظفة الاستعلامات على اسمه ، وكالتلي صارله خمسة ايام بالعناية المركزة .

كلتلها يصير اشوفه ، كالت هاي مو بيدنه بيد دكتوره ، واني دااحجي ويه الموظفة شفت دينا كاعدة على كرسي وبصفها الرجل الي شفته من اجوي لبيتنه جان واكف ، يمكن زوجها .