استيقظت صباحا على صوت امي كلعادة وهي تقول:سارة يلة كومي راح تتاخرين علة الدوام من اول يوم
سارة:اي هسة ماما راح اكوم
اﻻم:اي صار خمس مرات اكعدج وتكولين نفس الحجي وهم ارجع واﻻكيج نايمة
سارة:والله كمت بس ﻻتصيحين
اﻻم:طبعا متكدرين تنامين من السهر اليل كلة سهرانة تلعبين بلي ستيشن هاي ابدال مترتبين غرفتج
سارة:مو بس اني جنت سهرانة علي ومحمد هم جانوا سهرانين وثانيا شبيهة الغرفة مرتبة
اﻻم:يلة كومي دتكعدين علي
سارة:اف يعني شنو ابتليت
اﻻم:تعرفين محد ميكدر يكعدة غيرج
نهضت من على السرير وانا اتاففف وذهبت الى غرفة علي كانت غرفته في اخر الممر علي يكبرني باربعة سنوات ولقد تخرج السنة الماضية من كلية الهندسة
سارة:علي يلة كوم راح تتاخر علة الشغل لك علي كوم شنو متت
علي(ومازال في نومه):اني احبج
سارة:هاي من شوكت تحب وهاي يابومة اللي قبلت بيك
علي:انتي اللي وبس سمعتي
سارة:ديلة عيني هسة منو اللي اجة يمهة
علي:اللي راح يتقربلج احركة حرك ماخلي عايش
سارة:هههههههههه الظاهر صاير تباوع اكشن هواي صاير خطر
علي:يلة مراح تطيني بوسة
سارة:فوكاهة تريد تبوس بس اني اللك الة اعرف هية اللي ابالي لوﻻ
اقتربت من السريروصرخت:منننننننننننى هاي شجاااااااابج هننننننننننننا
نهض علي من الفراش وبدا يعدل بشعره
علي:منى ها وين
سارة:ههههههههههه جنت متاكدة انو هية اللي دتحلم بيهة
علي: علي ايا حمارة اكواحد ايكعد واحد هيج
سارة:غير انتة دتحلم بحبيبة القلب ومتقبل تكعد الة تبوس وعلة فكرة اني عرفت هية منو مع العلك اني جنت شاكة
علي(بارتباك):ها منو يل ناصحة فاجئيني
سارة:منى
علي:بﻻكﻻم فارغ وهذة الحجي لتحجين بي مرت اللخ وﻻتكولين ﻻحد سمعتي وﻻاحد يعني حت مصطفى
سارة:تعرفني كلش زين ماكدر اضم شي على مصطفى
هممت بلخروج من الغرفة ولكنه امسكني ليوبخني وبدات بلصراخ حتى دخل اخي مصطفى الذي يكبرني بتسع سنين
مصطفى:هاي شنو علي شدسويلهة ليش مضوجهة
علي:يمعود متعرف اختك نستلة بس شوي دغدغتهة كامت تصيح وكلبت الدنية
التفت علي لي وكانت هناك نظرة الرجاء التي تعلوا وجهه
سارة:يعرفني ماستحمل احد يدغدني اغار بس هو يسوي هيج عناد
بعدها دخلت مريم اختي التي تكبرني بخمس سنوات
مريم:شبيج سارة ليش دتصيحين شصار
مصطفى هذا علي اللوكي كعد يدغدغهة وتعرفين شكد سارة تضوج من احد يدغدغهة
مريم:حرام وﻻتكبر شطولك تصير بعد
علي:خفي علينة يلقزمة
مريم:انجب لك
علي:اني انجب مو تعاي
بدات مريم بلركض وعلي يركض ورائها وانا ومصطفى نضحك عليهما حتى دخل اخي محمد الذي يكبرني بسبع سنوات
محمد:لك هاي شنو عركة ومحد صاحني داتفرج اقصد دافاككهم
ضحكنا جميعا
مريم:ياالله شكد خبيث هاي بدال مدافعلي
محمد:ولو عيني مريوم انتي بس كوليلي منو اللي مضوجج واني اطيح حظة هسة
سارة:كافي حنتاخر على الدوام
مصطفى:اي والله اليوم اﻻجتماع مريم جهزتي الملفات
مريم:اي موجودات بلغرفة هسة عود من ابدل انزلهن وياية
مصطفى:وانتوا اﻻثنين مو تنسون اﻻبتوبات وتخزونة مثل ذيج المرة
علي:اصﻻ حاطة بلسيارة من البارحة
محمد:هههههههه لك هاي شنو اني هم
ذهبوا كل واحد الى غرفته وعند هم علي بلخروج قلت له:عﻻوي توصلني
علي: مصلحجية هسة صرت عﻻوي متروحين وية السايق
سارة:تعرفني كلش زين اضوج من السواق فدوة لكلبك
علي:امري ﻻالله وخابري على منى علمود ناخذهة بطريقنة
سارة:كول هيج تريد الحب يجي ويانة
علي:يلة لج بومة
ذهبت الى غرفتي اخرجت هاتفي واتصلت بمنى
سارة:يلة لج بومة كومي
منى:ها كمت
سارة:يلة راح نتاخر
منى:شبيج بابا ممصدكة
سارة:ممصدكة دخلت صيدلة لج طلعت سجاجة واني مادري بروحي
منى:من اكلج انتي سجاجة متصدكين
سارة:يلة اني عود راح امر عليج ونروح سوة
منى :ليش منو اللي حيوصلج
سارة:علي الحمار
منى:لج ﻻ خطية ﻻتحجين هيج علية مو حيوصلنة
سارة:اوي عيني متقبل احجي علية يمة الحب يمة
منى:انجبي لج يلة حنتاخر باي بومة
سارة:بيباي وج الجوب هههههههههههه
اخذت المنشفة ودخلت للحمام استحممت وبعدها خرجت غيرت مﻻبسي ارتديت تنورة سوداء وقميص اسود وحذاء احمر فﻻت فانا طويلة وﻻاحتاج لارتداء الكعب العالي وحقيبة بنفس لون الحذاء قمت برفع شعري الذي يصل الى اسفل ظهري وقمت بوضع واقي الشمس فهنا في تركيا الشمس تحرق البشرة ووضعت القيل من الكحل خرجت من الغرفة ونزلت الى الطابق السفلي الى المطبخ حيث كانت العائلة تجلس وقلت:
صباح الخير
الجميع :صباح النور
ذهبت الى ابي وقمت بتقبيل وجنته كان ابي واخوتي يتحدثون بشان العمل ان اخوتي يعملون مع ابي في الشركة او حسنا هي ليست شركة واحدة بل سلسلة شركات يملكها ابي هو وشركائه وهم اصدقاء ابي فاحدهم والد منى واﻻخر اسمه احمد هو شخص طيب لم اره اﻻعدة مرات
سارة:شوكت راح تاخذوني وياكم للشركة
اﻻب:من تكونين جاهزة وتتعلمين كلشي عن الشغل وتطلعين درجات عالية بدراستج
حسنا لقد قاموا اخوتي بتعليمي اشياء عن العمل لكن مازال هناك الكثير ﻻتعلمه
سارة:هف بعد هواي
اﻻب:ﻻزم تتعلمين الصبر
نعم ان ابي معه حق فهو اكبر مثال للصبر
سارة:انشاء الله
بعدها التفت الى علي وقلت:يلة منروح
علي:يلة اني دانتظرج
اﻻم:ها وين رايحة ماكو طلعة بدون متتريكين
سارة:ماريد ماشتهي اكل من الصبح
اﻻم:اي وترجعين من الدوام تكلبين الدنية جوعانة
سارة:امري ﻻلله
اخذت شريحتا توست وضعت بها ﻻنشون وجبن وقليل من الزيتون مسكتها بيدي وهممت بلخروج لكن استوقفني صوت امي وهي تقول:وين رايحة مشربتي الحليب
علي:اني اطلع انتظرج برة الظاهر شغلتكم مطولة
سارة:اف ماحبة
اﻻم:ماكو مطلعين الا تشربين الحليب
اخذت كوب الحليب واغلقت انفي وشربته مرة واحدة انا حقا ﻻاطيق طعمه وضعت الكوب على الطاولة وقلت:اكدر اطلع
اﻻم:اي الله وياج
قبلت جبهة امي وخرجت وجدت علي جالس في سيارته الBMW ويعبث بهاتفه فتحت الباب اﻻمامي وجلست جانبه اغلقت الباب
علي:علة كيفج علة الباب
سارة:امشي لك فضني
اخرجت الساندويش ﻻتناوله ولكن استوقفني صوت علي
وهو يقول:اوكفي ناوية تاكلين بلسيارة
سارة:ملحكت اتريك وبعدين ترة مو جاهلة مراح اوصخهة
علي:اذا لكيت وصخاية متلومين الا روحج
هه غريبين هم الشباب بمكانك ان تبرحيه ظرب ولن ينطق شي لكنه ﻻيتحمل ان تغلقي باب السيارة بقوة وصلنا الى بيت منى وبقينى ننتظر ربع ساعة والغريب ان علي لم ينطق شي خرجت منى كانت حقا جميلة ارتدت بنطرون جينز وسترة سوداء وعقد كبير وحذاء كعب فتحت شعرها ووضعت مساحيق التجميل فتحت باب السيارة الخلفي وركبت وقالت:صباح الخير اسفة على التاخير
ابتسم علي وقال:ﻻ عادي
سارة (بلهجة المصرية):متخف علينا ياعم الحنين
ضحكت منى وقلت:لج شنو هاي طالعة تخبلين شحتسوين بلولد
ﻻحضت اﻻنزعاج على وجه علي وقال:مو عبالك حاطة مكياج هواي
منى:ﻻ عادي
سارة:وانتة شعليك بومة
علي:ﻻ هواي وشنو هاي الحمة حمرة هواي
سارة:وانت شعليك عم وليد خال بنية
علي:بكيفج بس يعني اني اشوفهة هواي كلش
اخذت منى المناديل الورقية وبدات بمسحها لكن لماذا تسمع كﻻمه؟؟
وصلنا الى الكلية خرجت من السيارة قبلت وجنة علي بلرغم من ازعاجه اﻻاني احبه كثيرا دخلنا الكلية وكانت كبيرة جدا
ومليئة بلطﻻب
منى:حيل شكبراهة الكلية وشكد اكو طﻻب
سارة:اي شلون حنعرف وين القسم مالتنة
منى:دعوفج من القسم بعدنة باول يوم
سارة:يعني شلون نبات هنا
منى:لج باعي ذاك الحات ديباوع عليج
سارة:وين
منى:شبيج عميتي ذاك كدامج
سارة:هاي شنو هذا جايي علينة
الشاب:مرحبا هل انتم جديدتان
منى:مرحبا نعم انه اول يوم لنا
الشاب:لماذا اﻻنسة الجميلة صامتة
ونظر الي
سارة:شنو هللطلطة اثكل شوي
الشاب:عذرا هل قلتي شي
سارة:ﻻلقد قلت اننا تاخرنا على المحاضرة
الشاب:هل اوصلكم الى المحاضرة
منى:هذا سيكون لطفا كبيرا منك
الشاب:انا لم افعل شي حسنا نسيت ان اعرفكم عن نفسي انا اسمي سليم
منى:اهﻻ بك سليم انا منى
سليم:ماذا عن اﻻنسة الجميلة اليس لديك اسم
سارة:لزكة لزكت
سليم:لسقة هذة هوة اسمكي
سارة:ههههههه ﻻان اسمي سارة
سليم:هل انتي عربية
سارة:نعم ولكن متى سوف نذهب الى المحاضرة
سليم:تفضلوا كي اوصلكم
وصلنا الى القاعة واخيرا تركنا سليم ﻻنه مرحلة ثانية دخلنا الى القاعة وكان هناك العديد من الطﻻب والعديد منهم كانوا وسيمين ولكن لم اهتم ﻻحد منهم الى ان دخل شاب لقد كان وسيم للغاية حسنا لقد كانت عيناه خضراوتان طويل شعره بني وبلرغم من انه يرتدي جينز وتيشيرت ابيض عادي اﻻنه بدا انيق جدا لديه لحية خفيف ويبدوا اكثر نضجا من الطﻻب البقية لكن مهﻻ لقد وقف خلف مكتب اﻻستاذ اذا هو اﻻستاذ بدا بلتعريف عن نفسه وقال:مرحبا انا عمر ساكون استاذكم لهذه المادة وبدا بلشرح وانا انظر اليه ﻻيجب ان انظر له فهو استاذي مهﻻ ولكن يجب ان انتبه له اصبحت مشوشة ﻻاعلم ماذا افعل
منى:لج كافي بس صافنة عليه
سارة:ها شنو عليمن صافنة
منى:عليمن على اﻻستاذ بس الصراحة هوة صاك ههههههههههه
سارة:هههههههههعه لج لمي نفسج
وفجاءة سمعنا صوت رجولي يقول:ماذا تريدون عصير ام قهوة
انتبهت انه اﻻستاذ اجبت:نعم
عمر:نعم بما انه انتم ﻻتجلسون في محاضرة بل في كافتيريا
سارة:ولكن لم نفعل شي
عمر:هل انا اكذب لقد كنتم تتحدثون وتضحكون
سارة:لماذا تتحدث معي بهذه الطريق انا ﻻاسمح لك
عمر:ماهو اسمكي الثﻻثي
سارة:سارة ابراهيم محمد
قام بتسجيل اسمي على ورقة وقال:حسنا بامكانك الخروج اﻻن
سارة:قمت باخذ حقيبتي وخرجت من القاعة جلست خارج القاعة انتظر منى فانا ﻻاعرف احد هنا حتى فجاءة سمعت صوت احدهم من ورائي يقول :ماهذه الصدفة الجميلة
التفت لقد كان سليم
سارة:ماذا تفعل هنا هل طردت من المحاضرة ايضا
سليم:اجل لكن هذه المادة اصبحت مادتي المفضلة من اليوم
سارة(بتعجب):كيف ذلك
سليم:ﻻني استطعت ان اراكي
وبقي يتكلم لقد كان مضحكا جدا لكنه يتغزل بي دائما وهذا الشئ يزعجني
((عمر))
لم اعرف ماذا حدث لي لماذا تصرفت بهذه الطريقة انها المرة اﻻولى التي اقوم بطرد احد الطﻻب ربما كنت قاسيا معها زيادة عن اللزوم حسنا سوف اعتذر منها بعد المحاضرة انتهت المحاضرة وخرجت وجدت سارة واقفة بجانب القاعة ولكن تفاجائت بوجود شاب معها وكانوا يضحكون وكانها ﻻيهمها امر المحاضرة حسنا ذهبت باتجاههما وقلت:اﻻنسة سارة الى مكتبي حاﻻ
سرت الى مكتبي وكانت تسير ورائي دخلت فدخلت بعدي قلت لها:اغلقي الباب
ترددت لكن بعدها قامت بغلقه
عمر:حسنا ياانسة سارة يبدو ان امر المحاضرة ﻻيهمك وانتي قدمتي الى هذه الكلية من اجل رؤية الشبان ﻻللدراسة
بدات بلنظر اللي وقد قامت بفتح عيناها على وسعها اوه ﻻول مرة انتبه لها لقد كانت جميلة جدا جدا لها عينان زرقاء وشعر اسود طويل بيضاء جسمها رشيق وطويلة
سارة:انا ؟!
عمر:اجل وان بقيتي على هذه الطريقة لن تنجحي هذه السنة
سارة:كبر هذة شبي هذة البومة واني شسويت
عمر:(ماذا هل هي عربية ﻻبل عراقية ايضا حسنا)
تكدرين تروحين وماريد هذة الشي يتكرر مرة اللخ
سارة:حسنا شنو انت عراقي؟؟
عمر:نعم عندج اعتراض على البومة اللي كاعد كدامج
سارة:(اوه يالهي ماذا افعل لقد سمع ماقلته)
ولكنها عندما سمعت ماقلته خرجت بسرعة بقيت انا اضحك وافكر بها ماذا يحدث ﻻيجب ان افكر بها فهي مجدر طالبة عندي.
@hajirsaad
حساب الانستكرام hajir_rewayat
