((سارة))
عدت الى المنزل وكنت متعبة جدا دخلت الى غرفتي وتمددت على السرير من دون ان اغير مﻻبسي وبعد قليل رن هاتفي كانت منى اجبت بصوت ناعس:ااالو
منى(بصراخ):لج كومي متصدكين شصار
سارة:خير شبيج تخبلتي شكو
منى:لج حسن رجع
فزعت من مكاني ووقفت
سارة:عاااجذابة الله عليج واخيرا رجع هذة الخبل
جائني صوت رجولي:ماكو خبل غيرج
سارة:انجب لك طايح الحظ مشتاقتلك زمال
حسن:واني هم عوبة
سارة:شوكت اشوفك
حسن:الباجر راح اجي للشركة سمعت انتي صرتي موظفة وحركات
سارة:اي لعد شعبالك اعجبك
حسن:اي عيني منو كدج يلة جكمة اشوفج باجر
سارة:باي خبل
حسن:باي عوبة
اوه كم اشتقت الى حسن لقد كان صديق الطفولة وبمثابة اخ كان يدافع عني عندما اتشاجر مع علي لقد كان مسافر الى المانيا طوال هذه الفترة لانه كان يدير فرع الشركة هناك .....
بعد ذلك غفوت في اليوم التالي ذهبت للى الشركة سالت عن حسن وقالوا انه لم ياتي الى اﻻن ولكن طلبت منهم ان يبلغوني حالما ياتي كانت الساعة واحدة ظهرا وكنا نعمل انا ومصطفى ودخل علينا محمد
محمد:متصدكون شجايبلكم
سارة:شنو جبتلي موطة
تفاجات بدخول حسن:اتظلين طول عمرج جوعية ام كرش
قفزت من مكاني وصرخت:عااااا حسن المخبل اجة
حسن:مية مرة كتلج بطلي تكوليلي مخبل شوكت حتبطليهة
سارة:من انتة اتبطل تكلي ام كرش
قام مصطفى ليسلم على حسن احتظنه وقال:لك هلو حسن والله الك وحشة
حسن:والله اني هم مشتاقلك
مصطفى(بصوت واطئ):سمعت ايكولون عدكم الحاتات بكل مكان لهذا كنت مجلب ومتقبل ترجع
حسن:اني اعرف منو اللي كلك هيج اكيد ام كرش
سارة:ترة داسمعكم
حسن:هههههههه......لساهة نفس الخباﻻت
محمد:هسة دعوفك من هاي الخبلة خلينة بلحاتات
حسن:انتة ﻻزم تجي وياية وراويك بعينك
سارة:شوي احترموني واكفة كدامكم
حسن:ام الكمل تريد نحترمهة......ههههههههههه
وضحك الجميع
سارة:ههه ....مضحك
محمد:عوفكم من هاي ايكولون اليوم مسوين عزيمة معتبرة بمكتب علي امشوا خل نروح
سارة:لعد شعدكم واكفين امشوا
ذهبنا الى مكتب علي دخلنا وكان عمر موجود طبعا من سوء حظي انه يكون صديق علي اي اني ساراه في كل مكان ....كانوا يتناولون الطعام صرخت:ايا خونة تاكلون ومتنتظروني ....شكد متستحون
الجميع:ههههههههههه
منى:غير هاي مريم كتلت نفسهة .....ثبرتنة حموت من الجوع مشاء الله علي مصدك حيخلص اﻻكل
تقدمت امام علي وقلت:وخر شوي سويلي مجال خلي اكعد
علي:يلة تعالي ....... وحسن انتة هم تعال اكعد بصفي ترة هسة سارة تخلص اﻻكل ومتبقيلك شي
وبدا الجميع بلضحك
سارة(تظاهرت باني قد زعلت):ماريد اكل اشبع باﻻكل
حسن:لك علي ماسمحلك تحجي هيجي وية سارة عوفهة براحتهة
علي:اهوووووو اجة الحارس مال سارة ......ميقبل نحجي عليهة بس هوة حﻻل يحجي عليهة
حسن:اني افشلهة عادي تقبل بس انتة ﻻ........ههههههه
علي:هههههه صدك ليش تقبلين حسن يفشلج واني ﻻ
سارة:ههههههههه مو مسوي علية فضل جان ينفخلي التاير مال بايسكل من انتة تصير بومة فلهذة اجاملة وامشيلهيا
علي:هههههههههههه.....ايا مصلحجية همج بس مصلحتج
بدا الجميع بلضحك ماعدا عمر.....ﻻعرف لماذا لكنه كان جالس يتناول طعامه بهدوء وانها طعامه قبل الجميع وخرج
