((عمر))
كانت قريبة مني لدرجة اني استطيع ان استنشق عطرها.....وخصﻻت شعرها كانت تتطاير لتداعب وجهي....انها كالمﻻك هذا مااراه امامي ولكن ماذا عن الذي قاله سليم.....هل يعقل انه لم يكن صادق.....ماذا يجب ان افعل.....حسنا سوف اسالها رجعت الى حظيرة اﻻحصنة انزلتها ونزلت ....اخذت الحصان لكي ادخله خرجت رايتها تتمشى ناحية القصر ذهبت اليها و قلت:متخافين خاف اتيهين
سارة:ﻻ حتى لو اتيه اكيد حسن حيﻻكيني
شعرت بلغضب يتملكني ولكني تمالكت اعصابي وسالت:ليش حاطلج جهاز GPS حسن
سارة:هههههههه ﻻ بس احنة من جنة صغار ونلعب ختيﻻن جنت اني اصغرهم واني دائما اضيع وهوة اللي ايﻻكيني
عمر:اهااا.....زين انتي شنو عﻻقتج بحسن بلضبط
شعرت بانها غضبت من سؤالي
سارة:اوﻻ انتة معليك ثانيا انتة شو داك ميانة اني حجيت وياك ﻻن احب الخيول وحبيت اتعلم وبس فلعبالك راح نرجع اصدقاء او هيجي شي ﻻن تحلم واني مناسية اللي سويتة
انها ﻻتزال تتذكر الذي فعلته حسنا لقد كان تصرفا حقيرا جدا وما كان علي فعله ولكني لم اعرف مالذي كنت افعله ساعتها
عمر:اني اسف
سارة:شيفيد اﻻسف بعد اللي كلته واللي سويتة انتة جنت تعتبرني وحدة حقيرة
عمر:بس انتي اللي سويتي هم مو قليل تنكرين؟!
بدت وكانها على وشك البكاء ولكنها تمالكت نفسها وقالت:ليش اني شسويت .....ها كلي بيش غلطت وياك علمود هيجي تسوي....ها اريد اعرف
عمر:يعني متعرفين شسويتي
سارة:ﻻ ماعرف
عمر:اني سمعتكم.......
كنت ساكمل ولكن رن هاتفها اخرجته من جيب البنطرون واجابت:الو.....هلو حسن......ها ﻻطلعت اتمشة شوية.....اي هسة جاية....بيباي
التفتت اللي وقالت:الكل كعدوا وحطوا الريوك اني حروح هسة وانتة شوي وتعال
عمر:ليش عود منروح سوة
سارة:اي خوش فكرة واذا سالونة شجنتوا داتسووون اكللهم جنة راكبين حصان ودنفتر بلغابة
عمر:عادي وشكو بيهة
سارة:انتة عندك عادي بس اني اخوتي يطيحون حظي اذا درو
عمر:لعد شكو قبلتي تركبين وياية
سارة:تصحيح لجملتك اني مقبلت اركب وياك اني قبلت اتعلمني وانتة اللي ركبت وياية غصب
عمر:يعني اني الغلطان
سارة:ﻻانتة مو غلطان.....انتة بس ملطلط واني متاكدة مسوي هاي الحركة وية خمسين وحدة كبلي
انها اول وحدة اعلمها ركوب الخيل ولكن اردت استفزازها
عمر:ﻻ ولله مو خمسين مية
سارة:اي مو ملطلط شكول غير هيجي
قالت جملتها وبعد ذلك سارت مبتعدة وانا مازلت واقف في مكاني انفجرت ضاحكا .....انا تتحدث معي بهذه الطريقة .....ان جميع الفتيات يحاولن اثارة انتباهي اﻻ هي.....ولكنها كانت مضحكة عندما تحدثت معي.....كانها طفلة صغيرة....يالهي كلما اتذكر شكلها انفجر ضاحكا
((سارة))
عدت الى القصر وجدتهم جميعا مجتمعين امام طاولة الفطور
سارة:صباح الخير
الجميع:صباح النور
اﻻم:غريبة كاعدة من وكت هاي اول مرة تصير
منى:طبعا اذا البارحة اول موصلنة كبل نامت
سارة:اي والله شبعت نوم بس انتوى شعدكم كاعدين من الصبح
ابو يوسف:شنو بنتي احنة جايين انام ههههههههه
سارة:ههههههه اي والله عمو احنة جايين نتونس
ابو يوسف:اي عفية مو مثل ذني حينامن على روحهن واشار بيده على فاطمة ونور
دخل عمر واقترب من اخواته ويدا يبعثر شعرهن ويقول:اني اخليهن يصحصحن
الجميع:ههههههههههه
نور:يا الله شكد مكروه
فاطمة:خبيث
عمر:اني خبيث
نور:هسة يلة دريت
لم استحمل اكثر من ذلك وانفجرت ضاحكة وضحك الجميع معي ......وكان عمر ينظر لي باستغراب ولكني لم اعره اهتماما
اﻻب:ابو يوسف والله ﻻزم نروح للمكتب اني وياك نتفاهم بموضوع
ابو يوسف:اي والله ابو مصطفى اني هم محتاجك بموضوع واريد رايك
وذهبوا الى المكتب
اﻻم:يلة احنة حنطلع نسوك وسارة مو تنسين تشربين الحليب
سارة:ماشي
بعد ان خرجوا قالت اخت منى الصغرى سحر:اف شنو حنظل كاعدين هيجي يلة طلعونة
نور:اي والله لعد جايين لايطاليا علمود نكعد مثل البوم
حسن:وين تريدون تروحون
سارة:طلعنة انتة موتندل
عمر:شنو رايكم نروح ﻻماكن سياحية بما انه اول يوم
علي:اي والله خوش فكرة هنا عدهم اماكن سياحية واثرية تخبل
سارة:اوكي لعد خل اكوم ابدل
قبل ان انهض قال لي علي:وين وين
سارة:ها شكو
علي:مشربتي الحليب
سارة:دطير هية ماما وطلعت يريدني اشرب الحليب
حسن:ﻻميصير ﻻزم تشربي واﻻ راح اكول لخالة....ههههههههههه
سارة:وخلخالة دولي ماريد
محمد:ماكو تشربي هاي كلنة شربنة بس انتي
سارة:ماريد تعرفوني ماحبة
نهض مصطفى من مكانه وامسك كوب الحليب وقال:يلة سارة شربي لخاطري
علي:يا لخاطري هسة اذا متشربة اكوم اديرة عليهة تذكرين....ههههههههه
سارة:ههههههههه.....متكدر
علي:وعود ليش
سارة:حسن ومصطفى موجودين يطيحون حظك
علي:يابة اسفين اذا انتي حاطتلج جيش حماية شحدة اللي يقربلج
سارة:هه ......علمود تعرف بس
شربت الحليب وصعدت الى غرفتي غيرت مﻻبسي ارتديت تيشرت Nike اسود مع بنطرون اسود ورفعت شعري ذيل حصان وارتديت نظارة شمسية سوداء بتصميم (الكات)وحقيبة ظهر جلد حمراء وترينشوز بنفس لون الحقيبة .....نزلت الى الطابق اﻻسفل انتظرهم لكي ياتون رن هاتفي مكالمة واتس اب رايت المتصل رقم غريب لم اجب ﻻني لم اتعود ان اجيب ارقام غريبة بعدها بقليل اتى عمر......
عمر:شو كاعدة هنا
سارة:بدلت وكاعدة دانتظرهم ينزلون
عمر:طالعة حلوة ﻻيكلج اﻻسود
سارة:وانتة طالع تخزي
عمر:ههههههههه.....يعني محلو
نظرت له كان يبدو وسيم جدا كان يرتدي بنطرون جينز اسود وقميص رمادي ولكني قلت:محلو تخزي.....وذوقك بلمﻻبس يلعب النفس
عمر:ههههههه.....ماشي مقبولة منج
بعد ذلك جاء حسن وكان يرتدي بنطرون جينز وقميص ازرق مربعات
سارة:لك هاي شنو طالع صاك
حسن:احم احم علمود تعرفين اني مو قليل
سارة:ﻻ عيني صاير صاك منو كدك
شعرت بنظرات عمرت احسست انه بعد قليل سوف ينقض علي انا وحسن ويبرحنا ضربا ...لكني لم اهتم
سارة:يلة حسوني وين حتودينة
حسن:هسة اوديج اماكن هواية
سارة:يلة امشي
نزل الجميع بعد ذلك وركبنا في سياراة كبيرة تسع لاثنى شخص ركبنا جميعا وانطلقنا وبدائنا بزيارة اﻻماكن السياحية ككوليسيوم وبانثيون وغيرها وبعدها ذهبنا الى مقهى طلبنا عصير وقهوة قالت مريم:الله باعو هاي المحﻻت شكد حلوة امشوا خل نروح
سارة:اذا تريدون روحوا انتوا اني تعبانة
مريم:يلة امشوا
نهض الجميع ماعدا عمر
يوسف:يلة عمر مراح تجي
عمر:ﻻعندي كم شغلة اريد اشتغل ماطول اكو نت هنا
يوسف :بكيفك
كنت انظر اليه اعرف انه لم يرد الذهاب لكي يبقى معي نظر الي وقال:خير ليش هيجي تباوعيلي
سارة:مداخلة عقلي حجتك
عمر:ههههههههه....عفية ذكية
سارة:اي اعرف بقيت هنا ﻻن اني بقيت
عمر:ههههههههه....واثقة كلش
سارة:هه..صحيح لو اني غلطانة
عمر:ﻻ والله هلمرة انتي غلطانة
سارة:ليش؟!
عمر:اني بقيت علمود الحاتة
سارة:متلم نفسك شوي ادري بنفسي حلوة بس احترم نفسك
عمر:على كيفج انجلينا وانتي منو الحاجي وياج ....باعي وراج
اللتفت ورائي وجدت فتاة كانت جالسة وتبتسم له اللتفت له ورائيته يبادلها اﻻبتسامة ......شعرت بلغضب والغيرة وكان نار تشب داخلي قلت:مراح تبطل لطلطة ....على اﻻقل احترمني كاعدة كدامك
عمر:واني مسويلج شي اني حاجي وياج اني داباوع على الحاتة
سارة:انتة فد واحد متستحي ....وعلى فكرة هية محلوة اصﻻ جكمة
عمر:هههههههه.....فديت اللي يغار
خجلت جدا واحمرت وجنتاي هل كان واضحا اني اغار عليه
سارة:هه.....اني اغار وعليمن عليك انتة ليش عود بصفتك شنو
عمر:اسالي نفسج اني شنو صفتي بلنسبة اللج
شعرت بﻻحراج وحاولت تغيير الموضوع
شارة:اني حروح للحمام
عمر:ههههههههه....ظلي هيجي تهربي
دخلت الى الحمام .....وقفت امام المراة ونظرت الى وجنتاي المحمرتان بدات بغسل وجهي بقيت فترة في الحمام بعدها خرجت لم اجد عمر على الطاولة التي كنا جالسين فيها بل على طاولة اخرى ...تبا انه جالس مع تلك الفتاة وكانا يتحدثان ذهبت اليه كان يضحك قلت وانا غاضبة:هاي شو كعدت هنا
عمر:روحي مو انتي اتريدين اتظلين ابحدج
سارة:ﻻ امشي خل نطلع نروح وراهم
عمر:روحي انتي اني باقي هنا واذا تريدون رجعوا اني حتاخر
سارة:ظل هنا طبك طب
نهض من مكانه سحبني من يدي وقال وهو يصك على اسنانه:لسانج تكصري ﻻ اكصلجيا
افلت ايدي منه وقلت:اي مو تايهتلك ......خليك هنا تلطلط براحتك اني رايحة
اخذت حقيبتي وخرجت من الكافيه شعرت بالدموع تسيل على وجنتاي رغما عني بدت بمسحها لكنها لم تطاوعني بل بدات تنزل بكثرة بكيت بشهقات مسموعة ولكن حمدا الله لم يكن احد هناك .......لماذا يستمر بفعل هذا......لماذا يريد تعذيبي بهذه الطريقة....لقد كان لطيفا جدا ظننت انه تغير....لكني كنت مخظئة للمرة الثانية..... اتصلت بمريم لكي اعرف اين هم اعطتني المكان وكان قريب ذهبت اليهم وكانوا جميعهم سعداء .....اﻻ انا......هه الحقيقة هوة سبب سعاد تي وتعاستي.....هوة من يجعلني ابتسم وبنفس الوقت ابكي....اوه كم اكره حبي لك الذي جعلني ضعيفة....
