((سارة))
سارة:عع علي...علي
رايت الصدمة على وجه عمر عندما نطقت اسم علي وانا انظر ورائه نظر لي ليطمئنني اللتفت ووضع يده على خصري لكي اصبح انا اقف خلف ظهره كان يحميني من علي .....ولكني بسرعة ابتعدت عنه وانفجرت ضاحكة
سارة:هههههههههههه......واخيرا عفتني
عمر:ساااااااارة جنتي اجذبين علية
سارة:شسوي اذا انتة متقبل توخر واستحليت السالفة
عمر:اني مستحلي السالفة مو دخل الزمج وشوفي منو يخلصج مني
بدات بلركض وكان هو يركض ورائي الى ان امسكني من الخلف احتظنني كان ظهري مواجها له وراسي على صدره انزل راسه الى اذني وقال:وين تنهزمين مني
ابتعدت عنه وقلت:اذا تريد مانهزم منك تسوي اللي اكلك عليه
عمر:وشتريدين اسوي كولي واني انفذ
قالها وهو يقترب مني وانا ابتعد الى الوراء
سارة:اوكف
قلتها واشرت بيدي .....بمعنى توقف.....توقف امامي وقال:يلة وكفت كولي شتريدين
سارة:احم احم.....اول شي من تحجي وياية مو الة تجرني تكدر تحجي من بعيد واني اسمعك
عمر:بس مراح تسمعين زين
سارة:معليك اسمع مو طرشة مو الة اللطش بيك
عمر:ماشي وثانيا
سارة:اي نجي على ثانيا .....من اليوم ورايح متبوسني
عمر:نعم نعم ....شنو مو هوة بكيفج
سارة:اي والله بكيفي....انتة مو مال واحد يطيك عين
عمر:ماكو اني ماقبل
سارة:بكيفك تقبل تقبل متقبل بعد ماحجي وياك
عمر:وكلبج يطيج متحجين وياية
سارة:اي
عمر:اي مو قاسية وكلبج حجر
سارة:حجر حجر....هذة الموجود عاجبك لو معاجبك
عمر:عاجبني عاجبني ....زين كل يوم وحدة
سارة:ﻻ الله عليك
عمر:زين مرة بلسبوع
سارة:مكايل شي
عمر:مرة بلشهر وهاي اخر حجي
سارة:مرة بلشهر ومن خدي
عمر:ﻻ والله ليش على خدج هم ممنوع
سارة:لعد شعبالك
عمر:ﻻ هذة ظيم شنو مدخلتني تجنيد ...عمي حتة بلجيش هم مو هيج عدهم رحمة اكثر منج
سارة:هسة شكلت
عمر:موافق وامري لالله
سارة:ثالثا
قاطعني قبل ان انهي حديثي
عمر:ليش اكو ثالثا هم .....امشي لج انتي الظاهر طيتج مجال طلعت عينج
سارة:ﻻ والله ثالثا اهم منهم كلهم
عمر:اي كولي شنو ثالثا
سارة:متحاسبني على الحمرة ﻻن اني صحيح ماحط مكياج بس اعشق الحمرة الحمرة
عمر:كل اللي كلتي بكوم وثالثا هاي بكوم ....كلتيلي ماقربلج من احجي وياج كلت ماشي.....كلتي مابوسج وبس مرة بلشهر وعلى خدج همين....كلت عادي استحمل لخاطرج......بس تريدين تحطين حمرة حمرة والولد يظلون يباعون عليج .....لهنا وبس
سارة:ﻻ والله وشبيهة الحمرة الحمرة
عمر:اني كتلج ﻻ يعني ﻻ
سارة:ماشي امري ﻻ الله
عمر:ﻻ والله فوكاهة مراضية اﻻخت
سارة:اي طبعا مراضية
عمر:امشي كدامي ﻻ اكفخج هسة
سارة:متكدر
عمر:تمشين هسة لو اكسر قواعدج كلهن
سارة:ماشي ماشي .....راح اروح للحمام داعدل الخربطة اللي سويتهة وانتة هم موتنسة وتفوت هيجي وتفضحنة
عمر:اي دمشي لعد جاي وياج للحمام
سارة:ادبسز ....امشي يلة روح منا
عمر:مو داكلج تفكيرج منحرف اني قصدي اروح وياج لحمام الرياجيل وانتي لحمام النساء غير هوة واحد بصف اللاخ
شعرت بﻻحراج انها المرة الثانية التي يفعلها بي
عمر:فديت الخجﻻنة
وقام بقرص وجنتاي
سارة:امشي مخجﻻنة وﻻبطيخ
عمر:هههههههههههه.....انتي بس باعي على خدودج وهسة تعرفين
سارة:شكد مكروه
عمر:يعني تكرهيني
سارة:اي
اقترب مني اكثر فاكثر امسك وجنتاي بيديه اقترب من وجهي حتى اصبحت انفاسه ترتطم بوجهي اقترب من شفتاي ولكن بعد ذلك ابتعد وهمس باذني:لو مو اتفاقنة اللي اتفقنة علية واني ماحب ارجع بكلمتي جان عاقبتج ﻻن هسة انتي جذبتي واني كتلج كل مجذبين راح اعاقبج بس راح اعوفج هاي المرة لخاطر اتفاقنة
ابتعد عني وقلبي يكاد يقع ارضا .....يالهي ان هذا الرجل سوف يفقدني صوابي في يوم من اﻻيام.....وصلنا الى الحمام وكنت صامتة طوال الطريق دخلت الى الحمام نظرت في المراة وكانت وجنتاي حمرواتين وضعت يدي عليهما هل يعقل ان شكلي بيبن اني خجلة لهذه الدرجة .....غبية! اجل غبية فمن نظرة واحدة لوجهي بامكانه ان يرى اني سوف اموت خجﻻ نظرت الى وجهي كان وجهي ملئ باحمر الشفاه بدات اضحك يالهي ان شكلي مضحك حقا قمت بمسح احمر الشفاه وغسلت فمي ولم ارد غسل وجهي كله ﻻني سوف اضطر الى وضع مساحيق التجميل مجددا وانا ﻻاجيد وضعاها بلطريقة التي وضعتها خبيرة التجميل واني لم اجلب حقيبتي معي من اين سوف اجلب مساحيق التجميل يالهي كيف سادخل بدون احمر شفاه بعد ذلك دخلت فتاة الى الحمام وبدات بتعديل مكياجها سالتها
سارة:عذرا قد تبدو هذه فضاضة مني ولكن هل تملكين احمر شفاه ﻻني نسيت ان احضر واحدا معي
الفتاة:اجل بلطبع تفضلي
اخرجت لي احمر شفاه بلون اﻻحمر واخرجت اخر بلون الزهري كنت اريد ان اضع من اﻻحمر ولكن تذكرت كﻻم عمر واخذت الزهري ووضعت القيل منه وبعد ذلك شكرت الفتاة وخرجت من الحمام رايت عمر واقف ينتظرني
سارة:ها رضيت هيج
عمر:بس هم حطيتي حمرة
سارة:اي بس مو حمرة هاي وردي لو هاي هم متقبل
عمر:يلة ماشي امشي خل نروح للقاعة ترة اتاخرنة
سارة:اتريدنة ندخل سوة علمود ننفضح روح انتة وهسة ادخل وراك
عمر:شيخلصني من عنادج يلة رايح
نظرت له انتبهت ان ربطة عنقه كانت غير مرتبة
سارة:عمر
اللتفت الي وقال:نعم
اقتربت منه حتى اصبحت اقف امامه....نظر اللي وابتسم ووضع يده على خصري
عمر:واخير كلبج حن علية عرفت ماهون عليج
سارة:وخر ايدك
عمر:موانتي اللي اجيتي شبيج بابا انتي مضروبة على راسج
وضعت على ربطة عنقه وبدات اعدلها له.....حينها فهم ماكنت اعنيه .....وكانني انتقمت منه ورددت له مافعله بي (نياههههههههها) .....ابتسمت وانا اعدل ربطة عنقه
عمر:اي ضحكي براحتج طبعا مو ردتيلياهة
سارة:انتة تفكيرك منحرف
نظرت له وانفجرنا ضاحكين
عمر:استغفر الله يعني مكدرتي تتقربين هيجي الة ورة اﻻتفاق
سارة:حيل تستاهل ﻻن نيتك مو صافية
عمر:والله اني برئ ونظر لي نظرة براءة لقد كان شكله لطيف جدا ولم استطع مسك نفسي لذا قمت بسحبه من ربطة عنقه وقبلت وجنته
ابتعد عني وقال:لتسوين هيجي ترة اكسر ابو اﻻتفاق هسة
سارة:ماشي رايحة بس هاي جانت مكافاتك ﻻن كعدت عاقل
عمر:الله يعني اكو مكافات على هيجي حظل عاقل دائما دشوف مكافاتي مرة اللخ شنو
سارة:هههههههههه....ﻻتتامل هواي
وذهبت باتجاه القاعة دخلت الى القاعة واستقبلني محمد
محمد:وينج صارلي ساعتين دادور عليج
سارة:جنت بلحمام شكو
محمد:مريم متقبل تلبس المحابس لحد متجين
سارة:يلة هياتني جيت
ذهبت باتجاه الكوشة ولكن استوقفني صوت محمد
محمد:سارة
سارة:نعم
محمد:مو جنتي حاطة حمرة حمرة شو صارت وردي
سارة:سحرتهة هههههههههه.... ﻻبس دخلت للحمام ﻻن تخربطت من جنت داشرب عصير ومجنت شايلة حمرة حمرة فحطيت وردي
محمد:هههههههه.....ظلي كل شوية حطي لون لحد متصيرين قوس قزح
سارة:عابتلك امشي خل نشوف اختك
محمد:امشي
ذهبنا الى مريم وقفت بجانبها وهمست لها
سارة:ليش متقبلين تلبسين المحابس
مريم:وين جنتي مولية
سارة:هههههههههه.....هاي شبيكم جنت بلحمام داعدل مكياجي
مريم:وثول يعني هسة هذة وكتة
سارة:اسفين عيني ....يلة لبسي المحابس ترة شكل يوسف راح يخلع
مريم:ههههههه....طيح الله حظج
دخل عمر بعد قليل ووقف بجانب يوسف وهمس له بعد ذلك بداؤا بتلبيس الخواتم اعطى عمر الخاتم ليوسف من اجل ان يلبسه لمريم وانا اعطيت مريم الختام من اجل ان تلبسه ليوسف كم كان شكلهم رائع بعد ذلك انتبهت ان عمر كان ينظر لي و يبتسم فابتسمت له بعدها بداؤا بالتقاط الصور اللتقطنا العديد من الصور حت جاء وقت الصورة الجماعيه كانت لعائلتنا وعائلة عمر وعائلة منى وقفت مريم بجانب يوسف وابي بجانب والدتي وبجانبه والد عمر ووالدته وبجانبهما والد منى ووالدتها ومن الجهة اﻻخرى كان يقف مصطفى وبجانبه فاطمة ومحمد وبجانبه نور وعلي وبجانبه منى وكنت واقفة بجانب منى جاء حسن ليقف بجانبي وقال لي:لج هاي شنو سارة طلعتي صاكة واحنة مندري
سارة:ههههههههه.....لعد شعبالك
حسن:هههههههه....ﻻ بس طالعة تخبلين
سارة:وانتة هم طالع حلو
حسن:علمود نعجب بس
سارة:ههههههههههه
بعد ذلك تقدم عمر وقال لحسن:هاي شنو واكف بمكاني
حسن:ليش شنو حددوا اﻻماكن واني مادري
عمر:اي اني اخو العريس ﻻزم اوكف يم اخت العروسة
حسن:ماشي تعال تفضل اوكف هنا
عمر:اشكرك
حسن:عادي مصار شي
همست لعمر:ليش هيجي مخليتة يوكف يمي
عمر:خل يولي هذة الملطلط
سارة:ماسمحلك تكول عليه ملطلط
عمر:خل نطك الصورة و بعدين نتفاهم.....اضحكي شوي ﻻتبوزين هيجي
ابتسمت بتصنع و بعد ان التقطنا الصور ابتعدت عنه و ذهبت لكي اتحدث مع منى لم اتحدث معه طوال الحفلة انتهت الحفل وعدنا الى المنزل دخلت الى المنزل قمت بﻻستحمام غيرت ثيابي و بعدها تكلمت مع مريم بشان الحفلة وشكرتني مريم ﻻن الحفلة و القاعة كانت جميلة جدا طبعا صدمت ﻻنها المرة اﻻولى التي تشكرني بها عدت الى غرفتي نظرت الى هاتفي كان هناك العديد من المكالمات الفائتة نظرت لها كانت من عمر كنت اريد اﻻتصال به ولكنه اتصلي بي قبل ان افعل ذلك
اجبت:الو
عمر:ليش مجاوبين صارلي ساعتين دادك عليج
سارة:جنت بغرفة مريم ومسمعتة
عمر:بعدج ضايجة
سارة:شمتوقع مني
عمر:اني مكلت شي غلط
سارة:ﻻ كلت منو سمحلك تكول عليه ملطلط
عمر:وانتي ليش هيجي ادافعيلة
سارة:ﻻن اني اعرفة من اجيت للدنية لحد اﻻن هوة مو مجرد صديق بلنسبة الية واني ماسمح ﻻحد يحجي عليه
عمر:بس اني حبيبج
سارة:بس هوة صديقي قبل متكون انتة حبيبي بهواي
عمر:يعني هوة اهم مني
سارة:اني مكلت هيجي بس هوة هم عندة معزة عندي هوة يكون مثل اخوية واكثر واني ماسمح ﻻي احد يحجي عليه كدامي
عمر:كافي ادافعيلة ليش محسستني انو هوة حبيبج مو اني
سارة:عمر شنو هلحجي اللي مالة طعم
عمر:انتي سمعي نفسج شدتكولين
سارة:هوة لو حاجي عليك هيجي كدامي جان سويت نفس الشي
عمر:يعني اني وياه بنفس المكان
سارة:انتة معزتك شي وهوة شي شنو هلشك هذة اني لو احبة لحسن مجان هسة اني وياك
عمر:سارة روحي كافي ماريد احجي وياج
ذهبت الى سرير وانا غاضبة نزلت دمعة من عيني وقمت بمسحها وقلت لنفسي يجب ان اكون قوية وان ﻻاضعف ﻻيجب ان ابكي فلست انا المخطئة بل هو ولكن تلت تلك الدمعة دمعة اخرى واخرى ولم استطع منع نفسي حتى بدات بلبكاء بكيت حتى غلبني النعاس ونمت......استيقضت في اليوم التالي على صوت رنين الهاتف وكالعادة اجبت دون ان انظر الى المتصل
سارة:همممممم
جائني صوت عمر وقد بان عليه التعب
عمر:سارة انزلي اني جوة دانتظرج
سارة:خير صاير شي
عمر:انزلي اريد اشوفج
سارة:جايتك
نهضت من فراشي بمﻻبس النوم فقد كنت ارتدي بجامة واسعة وتيشيرت نص كم .....نزلت الى اﻻسف ولم يكن هناك احد خرجت الى الخارج كان عمر يقف متكانا على سيارته وهو يرتدي مﻻبس رياضية......نظر لي واتى واحتظنني لم استطع فعل شئ سوى اني قمت باحتضانه انا ايضا ﻻن بلفعل كنت بحاجة لذلك قال لي وهو مازال محتظنني:اسف مجان قصدي....
تمالكت نفسي ولم ابكي ابتعد عني وامسك وجنتاي بيديه نظر الي وقال:ليش هيجي عيونج جنتي تبجين بلليل مو
لم استطع ان اتحمل اكثر وانفجرت باكية .....عاد ليحتظنني مرة اخرى وهو يمسح على راسي ويقول:اشششششش.....والله ماتحمل اشوفج تبجين كدامي انشاء الله ينشل لساني كبل ماكول هذة الحجي وابجيج
سارة:اسم الله ﻻتكول هيجي
قام بوضع يديه على وجنتاي مرة اخرى وقال:كم مرة كتلج عيونج الحلوة ماريدهن يبجن ....وقام بتقبيل عيناي
ضحكت وقلت له:يلة هسة نفس الفيلم شيلني وحطني بلسيارة مثل ذيج المرة
عمر:هههههههههه.....ماعندي مانع اشيلج مرة اللخ عادي يلة امشي وين نروح
سارة:هههههههههه......وين نروح مشايفني بمﻻبس النوم تريد العالم يضحكون علية
عمر:شون مجنتي تخبلين
سارة:احم احم .....اعرف
عمر:فديت الواثق اني
سارة:ههههههههه....دكافي عاد كم مرة كتلك بطل هذة الحجي ﻻن ماستحمل احس راح يغمى علية
عمر:هههههههه.....سارة تستحين شو باوعيلي
وقام برفع وجهي بيديه
عمر:هههههههههههه .....لج هاي كل ماحجي وياج كلمة وجهج يكوم يكلب الوان
سارة:اي ﻻن سخيف
عمر:زين تعاي وخل نشوف هذة السخيف شحيسوي بيج
قمت بضربه على كتفه وقلت:كافي عاد ادبسز
عمر:اخخ هذة لسانج اذى ماكصلجياه مارتاح
سارة(وقمت بانزال شفتي السفلى):يطيك كلبك
عمر:هسة هاي شتحجي وياهة هية وقواعدهة اللي كانهو راح اكسرهة كلهة....فوتي عاد بدلي وفضيني ﻻ ابدي اكسر بلقواعد
سارة:رايحة رايحة.....ودخلت للبيت وانا اجري
((عمر))
لم استطع ان انام طوال الليل وانا افكر كيف قلت لها اني ﻻ اريد التحدث معها لماذا كنت اناني لهذه الدرجة قمت من على السرير خرجت من غرفتي وذهبت ال غرفة التمرين التي اضع فيها اجهزتي الرياضية ذهبت الى هناك وارتديت قفازات المﻻكمة وبدات بضرب كيس المﻻكمة بقيت على هذه الحال لمدة ساعة وبعد ذلك ذهبت الى الحمام تحممت وارتديت مﻻبسي الرياضية خرجت من المنزل ركبت سيارتي وذهبت الى الشاطئ جلست افكر بها وكان وقت شروق الشمس شرقت الشمس وبعدها بفترة ذهبت الى منزلها واتصلت بها كانت نائمة نزلت الي ولم استطع مسك نفسي قمت بحتضانها بعد ان ابعدتها نظرت الى عينيها كان يبدوا عليها انها كانت ابكي طوال الليل وعندما سالتها انفجرت باكية بدات اانب نفسي وتمنيت ان يشل لساني قبل ان اقول لها هذا الكﻻم بعد ان صالحتها وذهبت لكي تغير مﻻبسها ذهبت الى منزلي بسرعة لكي اغير مﻻبسي واتصلت بها اجابت:الو
عمر:هلو حبيبتي كاعدة دتبدلين
سارة:اي
عمر:باعي اريدج تلبسين بنطرون
سارة:ليش؟!
عمر:ﻻن المكان اللي راح اخذج عليه ﻻزم تلبسين بنطرون
سارة:ليش وين راح نروح
عمر:مفاجاءة
سارة:ﻻ الله عليك كلي وين راح نروح
عمر:شون راح تصير مفاجاءة اذا كتلج وين رايحين
سارة:هم وجهة نظر يلة ماشي راح البس بنطرون ......اي اوامر ثانية سيدي
عمر:هههههههههه......سيدي اكو وحدة تكول لحبيبهة سيدي
سارة:لعد شتكولة عيني
عمر:عزيزي حبيبي بيبي
سارة:والله الظاهر مجربهن كلهن ياسيدي
عمر:والله اني برئ
سارة:اي والله وداعت ايلينا
عمر:هههههههههه......لساج تذكريهة
سارة:اي يالله شكد دمهة ثكيل بومة بومة
عمر:ههههههههه تغارين
سارة:هه....اني اغار ومنهة ﻻعيني مو من مستواية
عمر:طبعا انتي احلة منهة يلة بدلي اني جايج بلطريق
سارة:حاظر سيدي
عمر:هههههههههه.....يلة مجند روح لشغلك
سارة:خاب دطير صدكت نفسك .....هههههههه
اردت ان اجيبها لكنها اغلقت الهاتف......بعد ذلك توجهت الى منزلها اتصلت بها لكي تخرج الي ....خرجت وكانت ترتدي بنطرون جينز وتيشيرت بلوت الابيض نص كم شعرها رفعته ذيل حصان ....ركبت الى السيارة وقالت :زين هيجي
عمر:اي زين ....بس مو كانوا بنطرونج كصيف كلش
سارة:هوة بنطرون طبيعي يكون كصيف
عمر:اﻻفضل انو بعد متلبسين بنطرون
سارة:ﻻ والله منو اللي كلي لبسي بنطرون مو انتة
عمر:اي هاي المرة ظروري علمود المكان اللي رايحيلة
سارة:مكتلي وين رايحن شو كانوا راح تخطفني
عمر:اي راح اخطفج واخذج لمكان مقطوع واختلي بيج
سارة:ادبسز....شوكت تجوز من سوالفك
عمر:ههههههههه....ماجوز يلة علمود اراويج المفاجاءة
سارة:يلة .......
@hajirsaad
