((سارة))
بدات عطلة نصف السنة وازداد الجو برودة وانا مازلت افكر بطريقة لكي انجح في مادة عمر حسنا انه يكرهني مثلما انا اكرهه ويفعل ذلك لكي ينفذ تهديده لكن بانتقامه هذا يحطم حلمي ماذا سوف افعل ﻻعرف ماهو الحل لكن يجب ان انجح قطع تفكيري صوت الهاتف كانت منى هية من تتصل اجبت بصوت خامل:الو
منى:هلو سارة
سارة:هلو
منى:هم بعدج حابسة نفسج بلغرفة ميصير اللي دتسوي بنفسج
سارة:لعد اني ارسب اني بحياتي مماخذة درجة ناصية هاي تاليتهة
منى:عادي يعني مصار شي تعوضيهة بلكورس الثاني
سارة:وانتي من كل عقلج راح انجح هذة عمر شاد وياية واكيد مراح ينجحني
منى:لعد ماكو حل غير انو تحجين ويا
سارة:شنو شكلة
منى:تعتذرين منة
سارة:انتي تخبلتي وهذة شنو داعتذر منة
منى:عادي مابيهة شي لعد انتي مستعدة ترسبين وتعيدين السنة
سارة:اكيد ﻻ
منى:لعد سمعي اللي داكلج عليه وفكري بي زين مادام عندج وقت وهسة عطلة
سارة:كولي داسمعج
منى:اول ماتخلص العطلة ونبدي دوام ﻻزم تعتذرين من عمر وتحسنين عﻻقتج وياه واذا بيهة مجال تطلبين منة يشرحلج المواد اللي فاتتج
سارة:اي وهو حيوافق
منى:كبر قصدي ياخذج مثل الخصوصي وتدفعيلة
سارة:شتتوقعين راح يوافق
منى:هو مجرد استاذ دباعي لبسة عادي ويرجع لبيتهم مشي مبين انوا حالتة مو هلكد فاكيد محتاج فلوس فراح يقبل اكيد وثانيا اغلب الاساتذة ياخذون خصوصي ترة شي عادي
سارة:هههههههههه ماشاء الله الظاهر اﻻخت هنا مراقبتة
منى:ﻻ والله بس ذاك اليوم جنت واكفة داحجي وية بنية وشفتة طلع مشي
سارة:مادري خل افكر
منى:انجبي لو سمحتي وكت تفكير راح تعيدين السنة ماكو كدامج غير حل صيري لوكية مثل هذني اللي يتلوكن للاساتذة
سارة:نفسي لعبت بس مجرد متخيلت الفكرة يعني تريديني اصير حبابة وكيوت ماكدر ماكدر
منى:ادري اني هم نفسي لعبت من تخيلتج كيوت بس حاولي
سارة:ماشي ماشي ححاول بس كافي تزنين على راسي
منى:موصوجي اني خايفة على مصلحتج يانكسة اكلج تعاي خل نطلع
سارة:مالي خلك
منى:ﻻحبابة والله ضايجة
سارة:خل اشوف البوم اللي عندي وبعدين اكلج
منى:اوكي باي بس حاولي تقنعيهم
سارة:بيباي
دخلت الى غرفة مريم وقلت:مريم ضايجة اريد اطلع اني ومنى تجين وياية
مريم:اي والله اني هم ضايجة بس مابية حيل اسوق شوفي احد يوصلنة
سارة:لا ولله شنو مابيج حيل تسوقين كومي بلا سخافة
مريم:معلية روحي دبري نفسج
سارة:هسة منو راح يقبل يودينة
مريم:مشكلتج
سارة:عرفت منو اللي راح يقبل يوصلنة
خرجت من غرفة مريم ودخلت غرفة علي كان جالس يلعب بلي ستيشن قلت (بغنج):عﻻوي
علي:ياستار ياربي شتريدين
سارة:لهل درجة شايفني مصلحجية هي هاي نظرتك علية
علي:اي بلضبط هاي نظرتي عليج فضيني شتريدين
سارة:اريد اطلع وماكو احد يوصلني
علي:طالولج سايق عندج اني و ثانيا اريد اعبر هاي المرحلة
سارة:حباب مو اني ومريم ومنى انريد نطلع ومريم اتكول مابية حيل اسوق
علي:يعني منى هم جاية لعد عيب من البنية ﻻزم اوصلكم
سارة:لا ياحيوان ياملطلط باع شون زاحف بس سمع منى راح تجي صار يريد يوصلنة
علي:انجبي اني مو زاحف ومالي علاقة بمنى بس اريد اروح للمول ﻻن ناقصني تيشرتات
سارة:الله ينقص من تيشرتاتك دائما علمود اطلعني
علي:ههههههههههههه هية هاي هم دعوة
سارة:هاي دعوة مصلحجية علمود اطلع
علي:انتي كلتيهة بروحج مصلحجية
سارة:انجب انجب
ذهبت الى غرفتي وقمت بتجهيز نفسي وذهبنا الى المول قالت منى:مدخلون سينما اكو فيلم نازل يخبل
سارة:اي يلة
منى:اني حروح اكص تذاكر بعد ساعة للفيلم
علي:اوكفي اجي وياج
سارة:ليش متروح باحدهة قابل حتيه
علي:لا بس ميصير تمشي ابحدهة
منى:قابل جاهلة
علي:امشي كدامي وكافي نقاش
ذهب علي ومنى لكي يحظروا التذاكر وبقينا انا ومريم نتمشى سالتها:صدك شخبار هذا اللي حطيتي عينج عليه ماكو تطور
مريم(بخجل):اي اكو تطور
سارة:وساكتة طيح الله حظج متلغين
مريم:كلي انو هو يحبني
سارة:ﻻ البيت ده طاهر وحيفظل طول عمروا طاهر
مريم:اعصابج ترة كال يحبني
سارة:بس همزين كالهة وفضنة
مريم:محسستني كال يحبج الج مو الية
سارة:عادي يا اختي ماكو فرق ابيناتنة
مريم:طيح الله حظج
سارة:شوكت راح يجي يخطبج
مريم:شبيج اليوم كلي احبج بنفس اليوم يجي يخطب
سارة:لعد شعبالج ماعدنة بنات تمشي على حل شعرهة يحبج يجي يخطب هو تورط وبعد الله يساعدة
مريم:هههههههههه محسستني داحجي وية اخوية مو اختي
سارة:على ذكر اﻻخ هذا علي وين صار
مريم:والله مادري بس سؤال شنو قصو علي ومنى
سارة:هههههههههه الحمد الله يعني موبس اني اللي مﻻحظة هذة الشي
مريم:والله علي ابو الكمل كام بحب
سارة:بس ذكرنة طاريهم جوي
مريم:ليش تاخرتوا صالنة ساعتين ننتظر
علي:ساعتين اقنع الخانم هنا متقبل تدخل فيلم رعب تكول اخاف
سارة:عادي اني هم نفس الحالة واظل طول الفيلم مجلبة بعلي يلة هلمرة حنطيح حظة ثنينة نجلب بي
علي:هههههههههه واني الطم بنصكم عبالك دتحجون على تعﻻكة
سارة:ﻻعيني انتة شوي احلة
دخلنا للسينما وطبعا من الرعب لم ارى شئ من الفيلم غير كتف علي فكنت متمسكة به طوال الفيلم بعدها عدنا للبيت ومرت العطلة وانا ادرس لكن لم افتهم شئ من المادة ﻻنها كانت صعبة جدا وبدات الدراسة ذهبت للكلية اول يوم ولكن عمر لم يحضر بعد ماالذي حدث ليس من عادته ان يتاخر
