((سارة))
اقترب عمر لكي يقبلني ولكن الباب قد طرق ودخل احدهم تمتم عمر ببعض الكلمات التي تعبر عن غضبه .....ضحكت عليه فلقد تعصب كثيرا.......اللتفت لكي ارى من هناك .....كانت سيدة تبدوا في الخامسة او السادسة والعشرين من عمرها ......لها شعر عسلي طويل .....وبشرة سمراء ولها عينان عسلية ......وكانت طويلة القامة .....ترتدي فستان ضيق بلون اﻻبيض وترفع شعرها ذيل حصان وتضع مساحيق التجميل وكانما خبير تجميل قد وضعها لها وتحمل حقيبة سوداء وحذاء كعب اسود ﻻ انكر انها جميلة ....نظرت لي هذه السيدة وبعدها وجهت نظرها الى عمر
السيدة:عمر هاي انتة
عمر:شدسوين هنا
قالها وكانت مﻻمح الغضب تبدوا على وجهه وبدا يضغط على يدي وهو ﻻيشعر بذلك .....ولكن من تكون هذه السيدة
السيدة:مو ﻻزم بﻻول تكول لهاي تطلع برة طبعا اكيد مبطلت من عادتك ولساك تصادق سكرتيرتك وتسوي عﻻقة وياهة بس هاي المرة عرفت تختارهة حلوة ومبينة صغيرة بس محجبة مو غريبة ....
وجهت كﻻمها اللي وقالت:هل بامكانك تركنا والذهاب الى عملك
ماذا هل تظنني اعمل هنا واني ﻻافهم ماقالته تبا لها من هي لكي تتحدث معي هكذا
عمر:انتي اللي تطلعين برة مو هية
السيدة:ههههههه.......واو ﻻ الظاهر علمرة ماثرة عليك كلش .......على العموم اني جاية هنا علمود شغل
عادت توجه كﻻمها اللي:الم تسمعي ماقلته هل انتي ﻻتسمعين هيا اخرجي حاﻻ
عمر:ليلى......احترمي نفسج من تحجين وية مرتي
ماذا هل قال اسمها ليلى مهﻻ هذا اﻻسم ليس غريب علي ولكن اين سمعته من قبل .....اين .....اين ........تبا انها هي هل من الممكن ان تكون تلك الحقيرة قد عادت ....تلك الحقيرة تتصرف نعي وكاني موظفة....ولقد عادت وكان شيئا لم يكن
ليلى:م.م.م.مرتك
عمر:اي مثل مسمعتي
ليلى:اكيد زواج مصلحة
عمر:تدرين بحياتي محبيت وحدة بكدهة ومن عرفتهة عرفت انو اني محبيتج واللي جنت احس بي تجاهج مجان قطرة مقابل اللي داحس بي هسة تجاهة
يالهي اني فرحة جدا اريد ان ارقص حاﻻ .....ﻻمهﻻ مالذي اردت ان افعله ههههههههه.....لقد اردت ان اخرج لساني لتلك التي تدعى ليلى ﻻجعلها تشعر بلغيرة
ليلى:وياترى اذا عرفت اني منو راح تبقة تحبك ......هسة هية واكفة ومتعرف احنة شدنحجي .....هههههه خطيى شكد غبية
سارة:انجبي
ليلى:.......
سارة:اي اعرف عربي اني عراقية ترة ومو كاعدة تطلعين لسانج علية وعبالج مادعرف شدتحجي ترة اكدر اسحلج سحل هسة
ليلى:احترمي نفسج
سارة:من تتعلمين اﻻحترام وشون تحترمين العالم ساعتهة راح احترمج
ليلى:الظاهر ياحبيبتي انتي هنا متعرفين اي شي
سارة:ﻻ اعرف واعرف كلش زين انتي شنو
