((عمر))
كنت اسعد رجل في العالم عندما وافقت سارة على الزواج مني .......ولقد استطعت ان اخذ قبلة منها .....نعم لقد اتجهت ﻻسلوبي الخاص وجعلتها تقبلني .....بعد ان خرجنا من المياه نظرت لي سارة وقالت:هسة شون حنشف مﻻبسنة واني ﻻزم ورة شوي ارجع للبيت
عمر:هسة نحطهن بلمجفف ويجففن
سارة:يلة روح طلعلي من مﻻبسك بس هلمرة اذا ضحكت ادفرك
عمر:ﻻ تعودت هاهية
سارة:يلة بسرعة راح نتاخر
عمر:اي اي شكد خوافة
سارة:اي خوافة نبع الحنان هسة اطيح حظي اذا تاخرت
عمر:اي هسة تكتلج بلجفجير
سارة:يلة علمود ما انكتل
ذهبت الى غرفتي احضرت لها المﻻبس..... واحضرت مﻻبس جديدة لي ايضا ......اعطيتها المﻻبس لكي تغير مﻻبسها ووضعت القديمة في المجفف.....خرجت وهي ترتدي مﻻبسي كانت جميلة عليها
سارة:على فكرة مريحات ملش ذني المﻻبس
عمر:اي من نزوج بعد تكومين تلبسين من مﻻبسي
سارة:ههههههههه خوش لعد ........يلة خلي نرجع بين ميتجففن المﻻبس
عمر:بعد وكت تعاي داحجي وياج
سارة:يلة احجي شتريد
عمر:شبيج تريدين تطيرين تعاي كعدي بصفي
تقدمت وجلست بجانبي على اﻻريكة
عمر:اريدج تحددين موعد علمود نجي نخطبج
سارة:وشكو مستعجل خلي يزوجون يوسف ومريم وعود بعدين تجي تخطبني
عمر:بعد تلث اسابيع لحد ميزوجون ووراهة يرحون شهر عسل يعني تقريبا شهرين
سارة:اي وشكو بيهة تعال اخطبني بعد شهرين
عمر:حجي يفيدج اني ماكدر اصبر كل هاي الفترة اصﻻ اريد اخطبج على السريع ويجوز نزوج وياهم اذا مو قبلهم
سارة:هي .....اعصابك خوبين نزوج الباجر بعد شكو
عمر:يكون احسن
سارة:ماكو هيج شي اني ما ازوج بهل سرعة اكو تحضيرات وامة وثانيا يجوز اهلي ميوافقون
عمر:اصﻻ انتي خطيبتي منذ الصغر
سارة:منو كال هذة الشي
عمر:من جنتي صغيرة اهلي حاجزيج الي وامي جانت تزن على راسي بس اني كلتلهة ماريد اتزوج هاي ....اصﻻ جنت اضوج منج قبل ماشوفج .....ﻻن اهلي....
شارة:اوي عيني تضوج مني مو يلة امشي ماكو زواج روح شوفلك وحدة اللخ
عمر:اني كتلج قبل ماشوفج بس هسة كلشي تغيير ....جان ﻻزم اسمع كﻻم اهلي من البداية
سارة:شردت تكول
عمر:شنو
سارة:ذيج الساع جنت تريد تكول شي وسكتت
اجل كنت اريد ان اتحدث عن ليلى ولكني ﻻاريد ان اتذكرها
عمر:مردت اكول شي
سارة:ﻻتظم علية شي شردت تكول
عمر:موضوع تافه
سارة:واني اريد اسمعه
عمر:هففف....شكد تلحين
سارة:يلة ولي ضجت ماريد اسمع
عمر:ﻻهاهية ححجي
سارة:يلة كول
عمر:قبل سبع سنين جنت احب وحدة جان اسمهة ليلى ....جنت احبهة من جنة بلكلية ......اعترفتلهة وهية كلتلي انو هية هم تحبني......هية جانت من عائلة مستواهة المادي مو هلكد....ورة مكتلهة انو اني احبهة ودخلنة بعﻻقة.....رحت ﻻهلي وكلتلهم اريد ازوج ..........اهلي موافقوا ﻻن كالوا انو طمعانة بفلوسي ﻻن همة جانو يعرفوهة .....اني اصريت انو ازوجهة
.....ابوية كلي اذا اظل مصر على موقفي فهوة معلي بية من اليوم......اني اصريت على موقفي وعفت البيت وطلعت ....يدوب اخذت مﻻبسي وفلوس متكفيني شهر واحد......كلتلهة لليلى على اللي صار .....وهية ضاجت كلش ﻻن تصرفت هيج وعفت البيت .....جنت متوقع انو هية ضاجت ﻻن اني تعاكت وية اهلي بس طلعت غلطان.....المهم اجرت غرفة بمكان حالتة مو زينة ....دورت على شغل بس ملكيت ....اخر شي لكيت شغل جان نادل بكافيه .....اني بديت اشتغل بهذة المكان علمود اجمع فلوس ونزوج اني وليلى......بيوم من اﻻيام جنة كاعدين وهية ضايجة ......سالتهة ليش ضايجة....كالت من وضعنة .....فاجئتني وكلتلي انو احنة ﻻزم ننهي كلشي......اني كلتلهة انو كلشي راح يتحسن ....بس هية كالت انو متكدر تستمر وياية......ورة شهر اكتشفت انو هية تزوجت واحد اكبر من ابوهة بس جان عندة فلوس......حاولت انساهة وحلفت انو بعد مراح احب وحدة اللخ بحياتي .....ظليت على شغلي بلمطعم خلصت دراسة وﻻني جنت متفوق صرت معيد بلجامعة .....ظليت اشتغل لحد مصرت رجل اعمال طبعا رجعت صالحت اهلي ....ومن وكتهة ليهسة امي تزن علية انو ازوج وحدة اسمهة سارة .....بس اني جنت اكرهه لهاي سارة قبل ماشوفهة وجنت اكول اني مراح ازوج طفلة اكعد اربيهة......مجنت اعرف انو هاي سارة راح تصير اهم شي بحياتي ومراح اكدر اعيش بدونهة.....
كنت انظر امامي اللتفت الى سارة ووجدت عيناها مليئة بلدموع .....احتضنتها وقلت :ليش تبجين
سارة:من ورة هاي الحقيرة اللي اسمهة ليلى شون كدرت تسوي بيك هيج اخخخ لو الزمهة هسة جان شبعتهة كتل
عمر:هههههههههه.....متاكدة انو انتي متغارين منهة
سارة:وليش عود اغار انتة حتزوجني الي مو لذيج البومة على عنادهة
عمر:هههههههههههه
سارة:بس انتة هم غبي
عمر:ليش؟!
سارة:جان ﻻزم تسمع كﻻم اهلك من البداية
عمر:يعني جان ﻻزم ازوجج
سارة:ﻻ بس جان قصدي انو ﻻزم تتاكد من هاي البومة كبل متزوجهة افرض هسة انتو متزوجهة ومتورط جان شسويت من شفتني
عمر:جان ازوجتج
سارة:ﻻعيني اني ماقبل اصير زوجة ثانية ....يعني لو خيروك بيني وبينهة جان اختاريت منو
عمر:ولله الشغلة صعبة خليني افكر
سارة:امداك
اقتربت منها وقبلت وجنتها وقلت:لوخيروني بين الدنيا كلهة وبينج راح اختارج انتي
سارة:يلة حنتاخر
عمر:ههههههههه باع خدودج صارن طماطة
سارة:انجب
عمر:هاي عود خجﻻنة هيجي
سارة:ﻻ خجﻻنة وﻻبطيخ يلة خلي نرجع
عمر:اي بس حظري نفسج اسبوع الجاي جاييكم عود اخلي الوالدة تخابر والدتج ونجي
سارة:اي بس ماكو عرس الة ورة ميزوجون يوسف ومريم
عمر:اي بس يرجعون من شهر العسل ثاني يوم العرس
سارة:وراح يجي الدوام يعني يمكن ماكو شهر عسل
عمر:مو مشكلة تريدين نسوي شهر عسل مقدما
سارة:ادبسز
عمر:لعد نروح شهر عسل حتة لو تطفرين كم محاضرة بلبداية اني ادبرهة
سارة:شون
عمر:اني شريك بلكلية باكثر من النص
سارة:هلة هلة زين متكللهم ينجحوني مقدما
عمر:ﻻ ماكو هيج شي اني راح ادرسج
سارة:ماشي
