Sharman [ COMPLETE ]

( 18 ) U

" သားကြီး.. သားငယ်.. "

အမြွှာနှစ်ယောက်မှာ မွေ့ယာထက်၌ ကန့်လန့်ဖြတ်အနေအထားနှင့်ပင် အိပ်မောကျနေခြင်းဖြစ်ရာ Sharman မှာ သားတို့အား လှုပ်နှိုးလိုက်၏။

" Morning ဒယ်ဒီ.. "

ဦးစွာပထမနိုးလာသူက Clayman ဖြစ်ကာ Clayman မှာအိပ်ချင်မူးတူးလေသံဖြင့် ထိုသို့ဆိုရင်း Sharman ၏ပါးကိုအနမ်းပေးလာသည်။

" Morning ဒယ်ဒီ.. "

Chestman မှာတော့ မျက်လုံးပင်ဖွင့်လာခြင်းမရှိပါဘဲ ငုတ်တုတ်ထထိုင်လျက် ထိုသို့ဆိုလာ၏။

" Morning ပါဗျာ.. "

Sharman ၏စကားနောက် Chestman မှာလည်း မျက်လုံးလေးတစ်ဖက်အသာဖွင့်လျက် Sharman ၏ပါးကို အနမ်းပေးလာသည်။ Sharman မှာ သားနှစ်ယောက်ကို တစ်ဖက်စီပွေ့ချီလျက် ရေချိုးခန်းထဲသို့ ဝင်လာခဲ့လိုက်ကာ ‌သားတို့အားရေချိုးသန့်စင်ပေးလိုက်သည်။

ထို့နောက် ဗီဒိုအတွင်းမှ ဆင်တူဝတ်စုံနှစ်စုံကို ထုတ်ယူကာ သားတို့အားကိုယ်တိုင်ကိုယ်ကျဝတ်ဆင်ပေးလိုက်သည်။

" ဒယ်ဒီ့သားတွေက ခန့်ချောကြီးတွေပါကွာ.. "

Sharman ၏စကားနောက် သားအမြွှာတို့မှာ သဘောတကျပြုံးရယ်ကြ၏။ Sharman မှာသားအမြွှာတို့အား တလှည့်စီအနမ်းပေးပြီးနောက် တစ်ဖက်စီပွေ့ချီ၍ အောက်ထပ်သို့ ဆင်းလာခဲ့လိုက်သည်။

မီးဖိုချောင်နှင့် ထမင်းစားခန်းမှာ တွဲရက်‌အနေအထားနှင့်ဖြစ်ကာ စစ်သု့ရှင်မှာ ဧပရွန်ကိုဝတ်ဆင်ထားလျက်နှင့်ပင် မနက်စာပြင်ဆင်လျက်ရှိ၏။

" Morning ပါပါး.. " × ၂

" Morning ပါဗျာ.. "

Sharman မှာသားတို့အား ထမင်းစားပွဲ၌ နေရာချပေးခဲ့ပြီးသည့်နောက် စစ်သု့ရှင်၏အနားသို့ သွားလိုက်သည်။ ထို့နောက် စစ်သု့ရှင်၏ပါးကို အနမ်းပေးကာ လက်ထဲမှပန်းကန်တို့အား လွှဲပြောင်းယူလာခဲ့လိုက်သည်။

စစ်သု့ရှင်မှာ ဧပရွန်ကိုချွတ်၍ ကျန်ရှိနေသည့် ပန်းကန်တို့အားယူကာ ထမင်းစားပွဲသို့ထွက်လာခဲ့လိုက်သည်။ ထမင်းစားပွဲပေါ်၌ မုန့်ဟင်းခါးနှစ်ပွဲနှင့် ထမင်းနှစ်ပန်းကန်အပြင် ငါးဖယ်သုပ်နှင့် ဟင်းရည်ပန်းကန်တို့ ရှိနေခြင်းဖြစ်သည်။