Gusto kong umiyak yung malakas
Baka kasi sakaling marinig mo at dali-dali mong hakbangin ang distansya mula diyan patungo rito
Gusto kong tumakbo yung malayong malayo sayo
Baka kasi sakaling maisip mong habulin ako
Baka sakaling hawakan mo ang mga kamay ko at punasan mo ang mga luhang traydor na nag-uunahang pumatak sa pisngi ko
Makasarili ba kung hihilingin kong iwan mo muna lahat ng ginagawa mo at tabihan mo ko rito para sa isang yakap na nagsasabing
"Okay lang yan, Andito na ko"
Hihilinging ukupahin mo na ang binigay sayong ispasyo
Makasarili bang matatawag kung hihilingin ko sayo ang mga ito?
Pasensya kana, maging ako man ay naguguluhan
Sumisikip na ang dibdib dahil sobra ng nasasaktan
Hihigpitan ko muna ang gapos ng hawakan
Dahiil darating din sa puntong patuloy na itong bibitawan
Kagaya ng salamin na nabasag at nagkapira-piraso
Tulad ng tubig sa isang malinaw na baso
Tila itinali gamit ang manipis na laso
Damdamin sayo'y tila apoy na nakakapaso
Ako'y sa pagtulog didiretso
Ipipikit ang mga mata't mananalangin
Na sana ang Maykapal aking hiling ay dinggin
Luhang kumikinang tulad ng mga bituin
Unti-unti ng pupunasin
Dahil sa pagtulog ika'y muling mananatili,
mananatiling papangarapin.
