[#2] Gay Turned Campus Hunk: Fall In Love With Me [BTS Jungkook]

Chapter 13

[AEMY'S POV]

"Amin na nga yan!" inagaw ko ang inumin na hawak hawak ni Sugar at nilaklak ito. Parang natuyot na ilog ang lalamunan ko dahil sa nangyari. "Gusto ko nang umuwi."

"Luh, at bakit ka naman uuwi? kakaumpisa lang ng party ah." ani Sugar, kinuha niya ang basong hawak ko at hinila ako sa sulok. Ibinaon ko ang kamay ko sa aking mga palad at huminga ng malalim.

"Ang tanga tanga ko kasi, hiyang hiya na ako kay Kookie, pakiramdam ko wala na akong mukhang maihaharap sakanya. Hay naman oh, bakit ba nangyayari sakin to?" 

"Chill lang okay? knowing Kookie, wala lang sakanya yun tignan mo siya" sabay kaming tumingin sa kinaroroonan ni Kookie, nakikipag usap at masayang nakikipagkulitan sa mga boys. Napabuntong hininga ako. Paano ba ako makaka-survive sa gabing ito?

Nag-umpisa ang programa, and kanina'y maluwang na hall ay napuno ng maraming tao. Sinimulan na rin ng DJ ang dance craze kaya lahat ay nagsasayawan sa gitna. Wala ako sa mood para makipag sayawan pero ayoko namang maiwang mag-isa sa sulok at mag mukhang loner. 

"Nag-eenjoy ka ba?!" pasigaw na sabi ni Sugar. Sumang ayon ako pero hindi siya kumbinsido sa sagot ko. "Mukha kang zombie jan! Galaw galaw!" dagdag pa niya. Hindi kami maxado magkaintindihan dahil sa sobrang lakas ng tugtog at sigawan ng mga tao. 

Nandito lang naman ako dahil ayokong mag-isa sa sulok, para akong push over dito dahil sa sobrang hyper ng pagsayaw nila, naitutulak tulak ako. Sa mga ganitong pagkakataon, kanya kanyang grupo ang magkakasamang sumasayaw, bumubuo ng bilog at nasa kabilang grupo lng si Kookie. Mga limang metro saamin. May sinasabi sakin sina Sugar pero hindi ko maintindihan, nagulat nalang ako nang biglang nagsi-luhudan at umupo ang lahat. Bigla ring tumigil ang tugtog. Dahil delayed reaction ako, ako lang ang nakatayo, anong nangyayari?

At dahil hindi ko alam ang nangyayari, umupo narin ako at tinanong si Sugar kung anong nangyayari.

"Tumayo ka!" utos niya sakin. Naguluhan ako. "Bakit naman ako tatayo?" pabulong kong sabi. Hinatak niya ang braso ko at pilit ako pinapatayo pero pilinilit ko ring manatiling nakaupo habang tinatanong kung bakit kailangan kong tumayo. Di kalayuan samin, nakarinig ako ng boses na nagpupumilit magpatayo. Sina Vincent. Pinapatayo si Kookie. Agad akong tumingin kay Sugar at binigyan siya ng anong-kalokohan-nanaman-itong-binabalak-niyo look.

Bigla nagkaroon ng daan sa pagitan namin ni Kookie, aakalain mong dumaan si moses at pinatabi ang mga nakaupo sa pagitan namin. Maya't maya ay itinutulak na kaming dalawa sa gitna. Napuno ng hiyawan at tilian ang hall. 

"Everyone! Our King and Queen for tonight!!" anunsyo ng MC. Nagkatinginan kami ni Kookie, parehong nagulat at di maka-imik. Tumayo ang lahat at nagsipalakpakan. Mula sa stage, dala ni Vincent at isang babae ang korona. Nagpunta sa gilid ang karamihan at lumapit sina Vincent para ibigay samin ang korona.

"Di ako na-orient na may ganito ah!" pagrereklamo ko habang kinokoronahan ako nung babae.

"Binasa mo ba invitation?" ani Vincent.

"Hindi" napansin ko na gawa sa cardboard ang korona. "Hindi niyo naman maxado pinaghandaan tong korona noh?" pasarkastiko kong sabi. Napangiti yung babae.

"Oh, eh kaya naman pala eh. Saka wala sa budget ang korona, pasalamat nga kayo meron eh" aniya. Ni wala nga akong nahawakang invitation. Batukan ko kaya ito. Nag-dim ang lights at naiwan kami ni Kookie sa gitna. May sweet music pa.