When He Broke Me

Kabanata 6

Ikaanim na Kabanata

Valid

Bumaba na ako sa kotse ni Cyrus at hinintay siyang kunin ang gamit niya sa backseat. Pinagmasdan ko si Cyrus, gumwapo siya lalo at mas tumangkad, nasa ilong na lang ata niya ang height ko.

Nang matapos, nagtitigan kami.

"Bakit?" Tanong niya.

"Wala, ang laki na kasi ng pinagbago mo. Dati magkasing tangkad lang tayo, ngayon, katangkad mo na si Kuya Xian." Ngisi ko. Totoo, buti na lang at kasal na yung isang yun, wala na akong poproblemahin, yung misis niya na lang.

"Pagkakuha natin ng grades, date tayo, Bekah." Ngisi ni Cyrus bago ako inakbayan. Simula nung nagtapos ang malaking tipos na pinsan ko, ipinasa kay Cyrus yung obligasyon, buti na lang at hindi sobrang OA nitong si Cyrus sa pagbantay sa akin.

"Sige, di bale, huling araw na natin ito sa school." Ngisi ko rin nang maglakad na kami. "In just a few months, third year na tayo."

Nagtitigan pa kaming siyam sa isa't isa. Nasa iisang table kami dito sa restaurant na pagmamay-ari ng isa naming ka-batch nung high school.

"Ako na ba ang magbibilang?" Tanong ni Isaiah.

"Wala nang bilang, bra, kinakabahan ako lalo e!" Nangingitngit na sabi ni Azrael habang nakatitig sa envelope niya.

"Tangina, ready!" Sigaw ni Shem.

Nagsihanda kaming lahat.

"Open!" Sigaw pa ni Seth.

Binuksan namin ang lid ng envelope.

"Go!"

Mabilis naming kinuha ang kanya-kanyang card namin.

Rebekah Monique Montefalco
General average: 1.3

Matagumpay akong tumayo, at ngumisi. "Yes!" Bunyi ko at nag-happy dance. "Ang galing ko, 1.3!"

Humalakhak naman si Vanna, "1.8 ako!"

"1.7 ako!" Ani Azariah.

"1.7 din ako!" Ani Klein, nag-high five sila ni Riah.

"I got 1.3, too." Ani Isui.

Napatingin kami sa ibang boys.

"Anong average niyo?" Napasabay kami ni Klein sa pagtanong, napangisi kami pareho.

"Tres/Dos."

Napahagalpak kami sa tawa. Ayan, mambabae pa kayo, Azi.

"O, ano? Anong napala niyo sa mga babae niyo?" Hagikhik ni Vanna at nag-bro fist sila ni Klein sa pagitan ko.

"Shut up, Van." Irap ni Isaiah. "Si Azi at Shem lang yun."

"Fuck you, too, Say." Umirap pa ng todo si Azi. "It wasn't my fault, it was Samson's."

"Well, fuck you, too, Azrael!" Umismid si Samson at napairap. "Bobo, 1.5 average ko."

"Gago, 1.3 average ko." Tumawa si Shem.

"Wag na kayong mag-away, sino yung nakakuha ng dos?" Tanong ni Klein.

Nagtaas ng kamay si Teddy, Seth at Tim. So ang nakakuha talaga ng tres ay sina Caleb, Isaiah at Azi.

We talked about random stuff.

As usual, suma-side-line yung usapan sa mga babae nila Azrael. Hindi ko alam kung bakit pumasok ito sa utak ko pero parang nagpaparamihan ata ang mga pinsan ko sa mga napatos na babae. Parang lumalaban sila sa title na Most Hits of the Year o kaya Tatak Landi, or even Jerk of the Year. Para silang mga batang nag-aagawan sa laruang madali namang masira.