Tula para sa Pilipino

Para Sa Pilipino

Kayraming tao ang nagbubulag-bulagan

Sa tunay na nagaganap sa kanilang bayan

Palibhasa'y mga isip at puso'y sadyang kinaligtaan

Ang mga pinuhunan ng mga unang anak ng bayan.

Nasaan na nga ba ang dating pag-ibig at pagpapahalaga

Sa perlas ng silanganan na siyang tinubuang lupa?

Tuluyan na ba itong nabago at nadungisan

Ng mga bagay na epekto ng panahong dumaraan?

Ang mga bayaning nagpakita ng kadakilaan para sa bayan

Alam mo ba ang totoong pagkakakilanlan?

Ang bilang ng mga dugong dumanak para sa tinatamong kasarinlan,

Tumatak ba sa iyong kalooban?

Kaya Pilipino, gumising ka mula sa mahabang pagkatulog

Alisin ang mga kamay na nakatakip sa taingang nagbi-bingi bingihan

Ating buksan ang malawak na pag-unawa at malalim na pag-iisip

Dahil matagal nang sa iyo'y naghihintay, ang ating inang bayan.