Tula para sa Pilipino

Buhay Na Walang Hanggan

Dumating na ba sa iyo ang pagkakataon kung saan gusto mo nalang sumuko?

Kalimutan ang lahat at magpakalayo-layo?

Totoong napakalupit ng buhay dito sa mundo

Kalungkutan, kahirapan at hinagpis ang bumabalot dito.

Kailan ba mapapawi ang luha sa ating mga mata

Saan ba natin mahahanap ang tunay na ligaya

Kung lahat ng bagay sa mundong ibabaw ay pansamantala lamang?

At may nakalaan namang talagang bayan para sa mga hinirang.

Kadalasa'y itinutuon natin ang ating sarili sa mga bagay na materyal

Ngunit hindi sa mga bagay na makapagbibigay ng mas malaking halaga

Kung baga'y mas pipiliin ng tao ang panandaliang kasiyahan

Kaysa sa buhay na walang hanggan.

Sa oras ng matinding pagsubok gaya ng pagsiklab ng mga digmaan at kaguluhan

Paglaganap ng mga sakuna at kahirapan

Tungkulin ng mga alipin na panatilihin ang kahalalan

Upang makarating sa pinakahahangad na pangakong kaharian.