زين: حفل زفافي انا وميجان الاسبوع الجاي.
راح باصص ل ميجان وانا حسيت اني اتشليت من الخبر.
اكيد بيهزر...اكيد مش هيتجوزوا.
انا: حفل زفاف!! *نبرتي جدية*
زين: أممم *هز رأسه بالايجاب*
اشلي: زيييين مبرووووك *قامت حضنته*
ستيف ونايل وليام حتي هاري قاموا عملوا نفس الكلام إلا انا.
زين: مش هتبركيلي لانا!!
انا قمت وقلت "مبروك زين"
قعدت تاني وسمعت ستيف بتعرض علي زين يقعد معانا وقعد هو ميجان... كنت براقبه طول الوقت ضحكته بصيته لصحابنا وهما بيتكلموا كأن اخر مرة هشوفه فيها...حسيت بدموعي هتنزل مش عارفة اسيطر عليها روحت بسرعة علي الحمام ودخلت.
كان في بنتين جوا بصولي بإستغراب...انا مهتمتش وسبت دموعي تنزل.
حسيت أن رجلي مش شيلاني فوقعت علي الأرض ومازلت بعيط...دماغي وجعاني اوي حاسة أنها هتنفجر.
البنتين دول بصوا لبعض وجولي بسرعة.
البنت الاولي: انتي كويسة؟
انا مردتش لأني مش عارفة اتكلم من شهقات عياطي المستمرة.
البنت التانية: طب حد معاكي برا نناديه يلحقك؟!
تغلبت علي شهقاتي ورديت أخيرا.
انا: لا لا انا هبقي كويسة.
البنت التانية: طب قومي معانا نغسلك وشك عشان تهدي.
قومت معاهم بصعوبة غسلولي وشي وقعدوني علي كرسي كان موجود في الحمام.
البنت الاولي: بقيتي احسن؟
انا: تمام.
البنت التانية كانت بتملس علي شعري عشان اهدي اكتر...وشي كان لسه عليه آثار العياط.
البنت الاولي: تينا قومي هاتلها عصير أو أي حاجة تهديها...ولا اقولك خليكي جنبها انا هروح.
رديت بسرعة "لا لا انا كويسة دلوقتي...متتعبوش نفسكوا *ابتسمت*"
البنت التانية: كات روحي متسمعيش كلامها.
البنت الأولي علي ما اعتقد اسمها كات خرجت من الحمام.
البنت التانية: انا اسمي تاتيانا بس بيقولولي يا تينا...وانتي؟
انا: لانا *مازالت دموعي بتنزل بهدوء*
تينا: أهلا بيكي يالانا...بصي انا مش عايزة ادخل في أمورك الخاصة بس كل الي اقدر اقولهولك مفيش حاجة تستاهل تعيط عليها كدة...ليه متبقيش باردة زيي كدة..اها انا أعصابي باردة *ضحكت*
انا ضحكت معاها بإستهزاء وقولت وانا صوتي فيه اثار العياط.
انا: تينا.. الموضوع مش زي ما انتي فاكرة...دي حاجة صعبة بالنسبالي....بصي انا هحكيلك بس مش عشان عايزة افضفض...عشان ارتحتلك وحاسة أننا هنبقي صحاب.
أنت تقرأ
Don't Let Me Go
Fanfictionأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
