Lana's POV:
فتحت عيني بهدوء رؤيتي ضبابية اوي مش شايفة حاجة.
فضلت اغمض وافتح يمكن نظري يتعدل شوية وبالفعل نجحت خطتي.
قدرت أميز اني في المستشفي من صوت جهاز نبضات القلب والسرير الصغير الخاص بيها الي نايمة عليه.
حركت أيدي اليمين لاقيتها وجعاني من كتر المحاليل المغروزة في عروق إيدي.
ليه ده كله هو ايه الي حصل!!
حولت أحرك أيدي التانية بس حاجة منعاها بصيت لاقيت إيد زين ماسكة أيدي وحاطت رأسه عليها ونايم بعمق.
دايما كنت بحب اشوفه وهو نايم.
بيبقي عامل زي الملاك أو طفل صغير نايم في سلام ^^
حاولت أحرك أيدي بهدوء من تحت رأسه بس محاولتي فشلت.
فتح عينه بثقل كأنه مش قادر يصحي بس مجبر أنه يصحي.
من أمتي زين مالك بيكره النوم ده تقريبا بيحبه اكتر من نفسه.
عدل نفسه وبصلي فأتسعت عينيه بدهشة.
- فوقتي ..أخيرا فوقتي.
كنت هرد عادي علي كلامه بس حسيت بثقل في زوري مش عارفة اتكلم أو لو اتكلمت هيطلع الكلام بصوت واطي جدا.
واصلا هو مستناش اني أرد لأنه فجأه خرج من الاوضة بسرعة وبعد دقيقتين تقريبا لقيته داخل ومعاه دكتور ماسكه كأنه حرامي وخايف يفلت منه.
زين: فاقت أهي يادكتور أخيرا.
قال بحماس عمري ما شفته كدة أبدا بالسعادة دي.
ده كله عشان فقت من نومي أو غيبوبة صغيرة كنت فيها.
جيه الدكتور ناحيتي وبدأ يفحصني وانا عيني علي زين الي واقف بعيد شوية متوتر وعلي اعصابه ابتسمت علي شكله انه قلقان عليا كدة بس حسيت فجأه بالصداع الي اتعودت عليه تقريبا بسبب مرضي ده!!
الدكتور: حاسة بنفس الصداع صح؟
سألني لما لاحظ اني حطيت أيدي علي راسي وبتوجع.
هزيت رأسي ب أه...راح مسك حاجة زي دفتر كان متعلق في آخر سريري تقريبا ده الي بيبقي فيه تقارير حالتي.
انا: هو..هو ايه الي حصل؟
طلعت الكلام بصعوبة...قرب زين عليا وابتسم بألم وطبطب علي أيدي الي كان نايم عليها بخفة وساعتها لاحظت قد إيه زين متغير اوي!!
شكله مش زي آخر مرة شفته الي هو غالبا امبارح.
بقي رفيع اكتر من الأول دقنه زادت شوية
لون عينه العسلية الي دايما كنت واقعة في حبها بقت ذبلانة تحت عينه سواد خفيف بشرته صفراء وشاحبة.
حسيت أن هو الي لازم الدكتور يكشف عليه مش انا..شكله كأنه مريض تعبان مرهق! أو اتحول لفامبير مش عارفة :)
ده كله من يوم فات!!
انا اصلا مش فاكرة حاجة غير أني اتخنقت معاه هو وهاري ومشيت بعدها مش فاكرة أي حاجة.
استنيته يرد علي سؤالي بعد نظرنا المتواصل لبعض لفترة طويلة بس الإجابة مش مناسبة لسؤالي خالص.
زين: وحشتيني أوي.
قالها بضعف ووطي علي جبيني باسه بلطف فأبتسمت تلقائيا.
قطع موقفنا الرومنسي ده صوت كحة الدكتور.
ضحكت بخجل بعد ما زين بعد عني.
أنت تقرأ
Don't Let Me Go
Фанфикأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
