Zayn's POV:
جريت ورا لانا عشان امسكها واحنا شبه بنلعب في وسط الناس..بس اختفت من قدامي فضلت ادور عليها مش لاقيها.
اختفيتي فين ايه السرعة دي!! xD
وقفت بحرك في رأسي في كل الاتجاهات بدور عليها لغيت ما لقيت اشلي جاية ناحيتي.
اشلي: واقف كدة ليه زي الطفل الي تايه من مامته xD
انا: بدور علي لانا..مشوفتهاش ولا حاجة؟
اشلي: اه كانت واقفة بتتكلم مع هاري.
انا: هاري!!
هو هيفضل ورايا ورايا.
اشلي: ايه؟
انا: ها؟! لا لا خلاص شكرا اشلي.
سيبتها ومشيت نفسي أبطل أفكر بصوت عالي هيفضحني في يوم انا عارف -_-
فضلت ماشي بين الناس باصص في الأرض ياتري هاري عايزها في إيه تاني!!
خبط في شخص بصيت لاقيته ليام.
ليام: بذمتك ده منظر واحد فرحه النهاردة xD
انا: هو انتوا متفقين عليا ولا إيه النهاردة!! ارحموني :(
ليام: خلاص انت هتعيط xD المهم فين لانا؟ اوعي تكون اتخنقت معاها في يوم زي ده!
انا: لأ ب......
ليام: يبقي أكيد قتلتها ودفنتها تحت البيت!! *حط أيده علي خده ومتفاجئ*
انا: اكيد لأ بس.......
ليام: يبقي طلقتها و.......
قطعت كلامه وحطيت أيدي علي فمه عشان يسكت..بالع راديو :)
انا: أخرس واسمعني ابوس ايدك...انا اصلا مش لاقيها بس اشلي قالتلي أنها واقفة بتتكلم مع هاري وانا مش عارف هما فين!!
ليام: مش هما الي هناك دول!!
ليام كان بيبص لحاجة ورايا ألتفت وبصيت انا كمان لاقيت هاري ماسك ايديها وبيشدها بقوة ناحية البيت!!
أقسم إني هخلي المستشفي بيته النهاردة.
اتجهت ناحيتهم وانا حاسس إني هنفجر من كمية الغضب الي جوايا.
عبال ما وصلت كانوا جوا...خبط علي الباب الزجاجي الي هو قفله..الاتنين بصولي وهاري سكت بعد ما لاحظ وجودي..كان بيكلمها في ايه؟!
تقريبا هاري قلها حاجة بعد كدة اتجه ناحيتي وفتح الباب..انتهزت الفرصة وقررت أفرغ غضبي فيه.
مسكت رقبته ودفعته لجوا البيت تاني بعد ما قرر انه كان هيمشي.
من دفعتي وقع علي ترابيزة ازاز فاتكسرت.
لانا قامت عليه بلهفة زي المجنونة عشان تساعدة.
اها كويس أوي بقيت انا الغلطان دلوقتي في نظرها.
لانا: زين انت اتجننت!! إزاي تعمل كدة!!
قالت بغضب وهي ماسكة هاري بتحاول تقومه وبتبعد عنه قطع الازاز الصغير الي علي هدومه.
انا: انا دلوقتي الغلطان صح!! ورايحة تساعدي الي خانك مش كدة!! تقريبا انتي الي اتجننتي يالانا مش انا.
أنت تقرأ
Don't Let Me Go
Fanfictionأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
