Lana's POV:
عدي 6 أيام وكل يوم بيعدي عليا كأنه سنة.
خلاص كدة...كل حاجة انتهت!!
حبنا لبعض طول السنين دي رغم أننا مكناش نعرف أن كل واحد فينا بيحب التاني خلاص هينتهي.
بجد مش مستوعبة الموقف.
بقالي 5 أيام مخرجتش من البيت وحابسة نفسي في الاوضة وقافلة موبيلي لحد ما يجي اليوم المشؤوم ده.
مبكولش غير طعام قليل اوي ده لو كلت اصلا...وعلي طول نايمة علي السرير بحاول اتهرب من أفكاري بالنوم.
استن بيحاول يخليني سعيدة وإني اخرج من اوضتي بس انا مش بستجيب ل ده.
وقولتله لو حد اتصل بيه اذا كان هاري أو زين أو أي حد عايزني يقولوه أي عذر...تعبانة،مش موجودة، نايمة، أي حاجة.
وهاري اصلا مسافر بقالوا 3 أيام ل باريس عشان عنده مؤتمر هناك...ف مش فاضي يسأل عليا اصلا.
بس لازم أكون واقعية شوية خلاص ده بكرة فرح زين...زين حب حياتي...الي بعترف دلوقتي لنفسي اني ارتبط ب هاري عشان أنساه بس معرفتش.
كنت بتهيأ ده عشان اعرف اعيش حياتي الي ضاعت كلها في حبي لشخص كنت فكراه مبيفكرش فيا اصلا.
بس هو الي غلطان لو كان قال من الأول أنه بيحبني كان زماني انا مكان ميجان دلوقتي.
قطع تفكيري كالعادة صوت طرق استن علي باب اوضتي.
- لانا.
رديت بصعوبة وكان صوتي ضعيف.
-عايز ايه استن؟
- معايا حد عايز يشوفك.
جيه في بالي زين هو الوحيد إلي ممكن يسأل ويجي هنا.
-مين؟
- ميجان.
ميجاااان!! دي آخر واحدة أتوقع أنها تجيلي...ياتري عايزة تشوفني ليه هي عمرها ماكانت صحبيتي يعني عشان تيجي بالعكس انا بغير منها ومبحبهاش.
انا: أممم طيب ثانية واحدة.
قمت عدلت هدومي وفتحت الباب بالمفتاح وسمحت لها بالدخول بعد ما لاحظت عليها ملامح الدهشة.
اكيد من شكلي الي شبه الزومبي دلوقتي.
ميجان: ايه أخبارك لانا؟ *حضنتني*
انا: أممم اها تمام...طبعا مش هسألك عن حالك انتي أسعد عروسة في الدنيا دلوقتي *اصتنعت إبتسامة*
ميجان: انا اتعس عروسة علي وجه الأرض *راحت قعدت علي سريري*
انا: انتي مجنونة....أقصد ازاي يعني!! *قلت الاولي بعفاوية*
ميجان: زين!!
انا: ماله!؟ حصله حاجة؟ *ملامح القلق استولت علي وشي*
ميجان: لاء بس انا الي هيحصلي حاجة.
انا: مش فاهمة!!
ميجان: زين من ساعة ما راحلكوا علي النايت كلاب وعرض زواجنا عليكوا هناك وهو مش معايا خالص.
علي طول سرحان وبقي بيشرب سجاير كتير وبيتكلم معايا قليل ده لو اتكلم اصلا وكتير بقي بيسبني ويمشي.
حساه كأنه بيقولي مش عايز اتجوزك.
بدأت تعيط وانا من جوايا بقيت أسعد إنسانة علي وجه الأرض.
بس هي صعبت عليا اوي روحت قعدت جنبها وواستها وقلت.
انا: ممكن يكون مضغوط في شغله أو عنده مشاكل مع حد من أهله.
ميجان: اكيد كان قالي...ممكن اطلب منك طلب.
انا: طبعا اتفضلي *قلت ونظرت لعينيها الي استولى عليها اللون الأحمر من كتر عياطها*
ميجان: ممكن تكلميه تشوفيه ليه متغير من ناحيتي...انتي البيست بتاعته اكيد هيحكيلك...بس من غير ما تقوليله اني جيتلك عشان ميزعقليش.
انا: أممم...اوكي.
قلت وهي قامت وقالت.
ميجان: شكرا ليكي اوي يالانا بجد انا عرفت ليه هو اختارك البيست بتاعته.
حضنتني وانا ابتسمت وبادلتها الحضن وبعدها ودعتني ومشيت.
روحت بسرعة فتحت موبيلي واتصلت ب زين بعد ما لقيت مكالمات كتير منه هو وهاري لم يتم الرد عليها.
رن رن رن رن آرجوك افتح الخط نفسي اسمع صوتك.
فتح الخط.
زين: هاي.
انا: اه هاي ز...زين عااام...عامل ايه؟ *نبرتي مرتبكة مجرد إني سمعت صوته*
زين: بأفضل حال...وأنتي؟
انا: تمام.
زين: تمام؟!....اوكي كنتي عايزة حاجة؟ *نبرته حادة*
انا: اها أممم عايزة اتكلم معاك في موضوع كدة.
زين: لانا انا بجد مش فاضي مشغول بأمور الزفاف انتي عارفة وميجان جنبي أهي بتختار فستانها.
انا: اه منا عارفة...مش هطول معاك هي مقابلة 5 دقايق بس مش اكتر.
ضحكت بصمت وبعدت الموبيل من علي ودني عشان ميسمعش ضحكاتي.
عامل زي الأطفال بيقولي ميجان معاه دلوقتي وهي لسة ماشية من عندي.
زين: اوكي نتقابل بعد ساعة *قال*
انا: اتفقنا.
قلت وقفلت الموبيل.
بجد حاسة دلوقتي اني عاملة زي الطفلة الي رايحة الملاهي بفارغ الصبر.
حاسة أن رجعتلي الحياه تاني مع أن الفرح بكرة زي ما هو بس كان أملي الوحيد بس اني اشوفه علي انفراد قبل حفل زفافه.
روحت لبست تنورة بيضة فوق الركبة مع بلوزة قصيرة برده مبينة بطني لونها أسود (الصورة الي فوق).
وخرجت نزلت روحت علي كافيه معين وسط البلدة واتصلت بيه خبرته اني مستنياه في كافيه *****.
ربع ساعة تقريبا عدت وبعدها سمعت صوت الاجراس المتعلقة فوق باب الكافيه بترن،، معني كدة أن حد دخل الكافيه وكان هو.
شوفته... أخيرا شوفته.
حاسة اني مشوفتوش بقالي سنين مع أنهم 6 أيام بس.
نبضات قلبي ازدادت وشهيق وزفير عالي.
ركزت في كل حاجة فيه وهو جاي ناحيتي.
شعره، عينه، وشه، جسمه، أيده، لبسه... كل حاجة كأني آخر مرة هشوفه فيها.
جيه قعد مع ابتسامة كبيرة مني.
زين: شكلك حلو اوي النهاردة *قال وغمز*
---------------------------------------------------------
وسمعني احلي سلام للناس الي قاعدين هنا تات ترا را را تان تان xD
وحشتونى اوي والله ❤❤
وبجد انا فرحانة اوي عشان الرواية دي اول رواية ليا وبألفها من دماغي كمان وعدت الألف قارئ ليها وده طبعا بفضلكوا شكرا ليكوا اوي ❤
خليكوا علي كدة يالا استمروا.
فوت آند كومنت احبايب ألبي :*
♧Love u alllllll♧
أنت تقرأ
Don't Let Me Go
Fanfictionأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
