مكان كبير كله ابيض ف ابيض وتلج بيقع من السما زي ما يكون ألماس بيقع علي أيدي ..مسكت كام تالجاية ف أيدي وانا فرحانة وفجاه لاقيت حد بيزوقني وقعت علي التلج بصيت اشوف مين الي وقعني ملقتش حد روحت قايمة وقولت مين هنا؟ بس محدش رد خفت اوي قعدت أجري لحد أما وصلت لمكان كله أشجار زي الغابة بس الغريبة أن مفيش تلج خالص ولا علي الشجر ولا الأرض استغربت اوي قعدت أجري تاني من خوفي حسيت وانا بجري أن حد بيجري ورايا بصيت ورايا وانا بجري ملقتش حد وفجاه اتخبط ف شخص ف وقعت بصيت لاقيته شخص طويل معرفوش بيبصلي بكل شر ولاقيته ماسك ف أيده سكينة حاولت ارجع لورا وانا بقوم ولسة هلف أجري خبط ف حد تاني بس المرة دي اعرف الشخص ده.... آه هو الي ف دماغكوا "زين" بصيتلوا وانا نفسي أقوله ألحقني بس لاقيته ماسك سكينة هو كمان بصيتله وقولت: زين انت ماسك سك... قطع كلامي بالسكينة الي دخلت بطني ودمي بقي علي أيده بصيت لايده والسكينة وبعدها بصيتلوا وقولت: ليه يازين؟ مردش عليا وسحب السكينة من بطني وراح للشخص الي كان بيبصلي بشر ده وأخيرا اتكلم الشخص ده وقال: لانا انتي م النهاردة بتاعتي.
بصيتلوا بقرف وانا بقع علي الأرض وروحت باصة لزين وقولت: zayn help me l'm dying بس هو متكلمش ومشي هو والشخص ده روحت نايمة علي ضهري وانا باصة للسما وسامعة حد بينادي عليا وانا ف نفس الوقت الرؤية عندي بتخف .
"لانا لانا لانا لانا لانا" فتحت عيني لاقيت اخويا استن فوقيا علي السرير عمال يرخم عليا عشان اصحي...
انا: استن أبعد عني النهاردة مفيش جامعة مصحيني ليه!!
استن: قومي بقي اخلصي الفطار جاهز ومش عايز أكل لوحدي.
انا: ومن أمتي الحنية دي
استن: يالا بس عشان my gf تحت هتفطر معانا ومش عايز أكل معاها لوحدي لحسن بضعف قدامها.
انا: اه عشان كدة انت مصحيني اطلع برا ياحيوان ده يوم إجازتي براااا.
استن: لانااااا بليز
انا: اوكي خلاص ماشي سيبني بس 10 دقايق اغير واجي.
استن: طب اخلصي عشان كمان حبيبك تحت
انا: حبيبي!! I don't have a bf
استن : I mean ur BFF تحت.
انا: زين؟ *0*
لاقيت صوت جاي من برا الاوضة ولاقيت زين داخل
زين: ايوا ياستي يالا بقي غيري عشان عايزك ف موضوع مهم جدا.
انا: م.. ما... ماشي 5 دقايق وابقي تحت.
استن: مش كانوا 10 من شوية. *بيتكلم بسخرية* عشان هو عارف ان زين my crush من سنين طويلة...
انا: ما انت ضيعت 5 دقايق ف رغيك انت وهو يبقي ناقص 5 اطلع برا انت وهو *قولتها وانا بضحك وبحاول اغير موضوع سخافة اخويا*
قفلت الباب ولبست بسرعة انا من نوع الي بلبس بسرعة لبست بنطلون جينز ضيق وتي شيرت ابيض بنص كم وعملت شعري ديل حصان وحطيت روج بسيط وانا بحطه جيه ف بالي الحلم الي حلمته ..مش اول مرة احلمه... بحلمه بقالي كتير وف الآخر برده بموت معرفش معناه ايه بس أهو حلم وخلاص.
نزلت لاقيت اخويا والgf بتاعته قاعدة جنبه وزين قدام التلاجة بيشرب ماية طبعا زين متعود علي بيتنا ده احنا مع بعض بقالنا يجي 20 سنة وانا برده متعودة علي بيته.
بس الفرق بين بيته وبيتي أن بيته فيه مامته وباباه لكن معندوش أخوات خالص ... انا بقي معنديش ولا آب ولا أم ماتوا وانا عندي 7 سنين واخويا كان عنده 4 سنين ... من ساعتها واخويا هو كل حياتي اه هو غلس ورخم شوية بس طيب وبيحبني اوي وبحسه مسؤول عني مع أنه أصغر مني .
والي كانت بتصرف علينا طول السنين دي عمتي فيكتوريا طيبة اوي بس مش قاعدة معانا للأسف عشان جوزها هي مخلفتش خالص ف معتبرانا ولادها وانا معتبراها أمي ومن ريحة بابا برده... لحد بقي ما كبرت واشتغلت سكرتيرة ف شركة.. بصراحة زين الي جابلي الشغل ده عشان عارف ظروفي والشركة دي برده باباه بيشتغل فيها مساعد المدير.
وفي نفس الوقت بذاكر عشان أخلص جامعتي انا ف آخر سنة ليا.
زين بقي اعرفه من وانا عندي 4 سنين هو أدي ف السن بس أكبر مني ب 5 شهور ...انا وهو اتقبلنا ف حتة مليانة تلج كان فيها اطفال كتير أدي ماما كانت معايا ساعتها كنت بلعب ف التلج وبحاول اعمل رجل التلج وفجاه لاقيت حد زقني ف وقعت علي رجل التلج بتاعي قعدت اعيط ف الولد الي زقني جالي وقالي انا اسف كان في توبة وقعتني عليكي وانا بجري وراح جايب أيده عند عيني ومسح دموعي وقالي "انا زين وانتي اسمك ايه" قولتله بصوت متقطع من العياط "لانا" قالي "طيب خلاص ممكن متعيطيش انا اسف بجد بصي انا مليش صحاب هنا وشكلك انتي كمان كدة ممكن اساعدك نعمل رجل التلج مع بعض" انا ساعتها فرحت اوي ووافقت وعملناه سوا وبعد مخلصناه ماما جت وعجبها اوي رجل الثلج وطلبت مني انا وزين نقف جنب رجل التلج عشان تصورنا بالكاميرا...
ومن ساعتها انا وزين أصحاب وبعد ما ماما وبابا ماتوا عن طريق حادثة عربية ،، اتقرب مني اكتر بقي تقريبا بيقعد معايا 20 ساعة ف اليوم .
هو واخويا بقوا زي الأخوات بذات كمان أن زين معندوش أخوات واستن معندوش أخوات ولاد .
أما بقي انا وزين ف علاقتنا ببعض مش زي أي صحاب أو bff ف الدنيا احنا بنفهم بعض من النظرة من حركة صباع الايد بنتخانق كتير بس بنتصالح تاني حتي لو الخناقة كبيرة... زين بجد هو احلي حاجة حصلت ف حياتي بحبه اوي بجد.
"لااااااااناااااااااااا" أخويا بينده عليا وانا علي ترابيزة الأكل.
انا: اييييييييه ياحيوان انت... انت بتنده عليا من الشارع التاني منا قدامك أهو.
استن: بقالنا ساعة بنكلم ف أمك مش معانا خالص روحتي فين.
انا: لا كنت سرحانة بس عندي امتحان بكرة ومش عارفة اعمل ايه مذكرتش خالص المادة ديه من أول السنة.
زين: انا مش ورايا حاجة النهاردة تحبي اذاكرهالك؟!
انا: ماشي مكنتش اعرف انك دحيح كدة يازين xD
زين: لا انا اعجبك اوي xD
استن: طب كويس لاقيتي حد يسليكي النهاردة أصلي مش هبقي موجود النهاردة خالص في البيت.
انا: ليه وراك حاجة؟
استن: لاء بس هنخرج انا وكارلي حبيبتي هنقديه كله برا واحتمال ارجع الصبح.
انا: اوكيه بس ابقي طمني عليك ماشي.
استن: ماشي يالا ياكارلي عشان منتأخرش.
زين: متتأخروش علي ايه بظبط يا استن
استن: ملكش دعوة يارخم -_-
زين: ماشي ياعم ماشي .
استن خرج هو وكارلي وانا زين لوحدنا ف البيت *اوووووبس*
قومت شلت الأكل من علي الترابيزة وزين كان بيساعدني فقولت اقطع الصمت ده وقولت" ايه بقي الموضوع المهم الي كنت عايزني فيه"
زين وقف سند ضهره علي الحيطة وابتسم ابتسامته الي بتخليني يغمي عليا دي وقال " مستعدة للمفجأه"
انا قلقت جدا وخوفت يكون الي ف بالي انه يقولي بحبك... لفيتله عشان يبقي وشي لوشه وقولت بأبتسامة كلها توتر "اه مستعدة" قرب مني ومسك أيدي وقالي "انا عارف انك هتفرحي من الخبر ده اوي" وبصلي ف عيني ف قلبي دق جامد لدرجة اني حسيت انه هيخرج من صدري فقولتله "أخلص يازين مش ناقصة توتر" راح ضاحك وقالي "ماشي ياستي انا........."
_______________________________________
خلص البارت طبعا انتوا هتموتوا تعرفوا هيقولها ايه هل هيقولها بحبك زي ماهي بتتمني ولا هيقولها حاجة تانية هتعرفوا ف البارت الجاي
علقوا بليز آند فووووت
Love u all
أنت تقرأ
Don't Let Me Go
Fanfictionأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
