Zayn's POV:
انا: هتسيبيني عشانه؟
لانا: للأسف يازين حبك ليا جيه متأخر اوي.
قالت وهي بتعيط ومشيت ورا هاري وسابتني.
حسيت أن كلامها الأخير ده وقع صدمة عليا وكأن حد ضربني ب سكينة ف قلبي.
انا غلط اني مقولتهاش من زمان بس كنت خايف من رد فعلها والي خايف منه حصل.
رفضتني وراحت ل حد غيري.
اصلا ميهمنيش هي اختارت هاري هي حرة بس أعتقد أننا مش هنتعامل تاني مع بعض.
لأني مش هقدر اشوفها مع هاري اكتر من كدة.
طب ما حاول تاني معاها يمكن تحبني!!
لاء لاء انا كدة هبان اني ضعيف قدامها.
طب منا لو حولت تاني اكيد مش هخسر حاجة انا مش هضحي بحبي ليها طول السنين عشان رفضتني ف وقت غضبها.
لاء بقي كدة غلط هي اصلا فاكرة نفسها مين.
انا: بس بقي بطل تفكر فيهااااا *صوتي عالي*
تريشا: زين حبيبي انت كويس؟
انتبهت ل صوت أمي...هي واقفة هنا من أمتي!!
انا: ها؟ ماما انتي جيتي امتي؟
تريشا: من شوية...امال فين لانا؟ وكنت بتزعق ليه كدة وانت لوحدك ف الاوضة؟
انا: مفيش حاجة ياماما...يالا نمشي.
تريشا: طيب هكلم لانا عشان توص......
انا: لاء ياماما هناخد تاكسي.
تريشا: في ايه يازين انتوا اتخنقتوا؟
انا: يوووه ياماما مش كل حاجة لازم تعرفيها بقي خلينا نمشي من المستشفي الملعونة دي. *اتعصبت*
خدت أمي ونزلنا من المستشفي وخدنا تاكسي وأول ما قعدت غرقت في أفكاري تاني.
ليه دايما لازم أفكر ليه عندي عقل أساسا عشان أفكر.
عايز انسي الي حصل من شوية ده...كتر التفكير فيها بيتعبني.
ساعدني يارب.
أعتقد أن ربنا استجاب لدعوتي وموبيل ماما رن قطع تفكيري.
هي: هاللو.
لاء احنا خدنا تاكسي يالانا.
لما اروح هبقي اكلمك ماشي.
ماما قفلت الخط وانا كان فضولي عايز اسألها هي مع هاري ولا لاء طب اتصالحوا ولا لاء.
بس سكت وبصيت علي الشارع.
هي: مش عايز تقول حاجة؟
كأنها بتسمع أفكاري.. اه ياماما في حاجات كتير عايز ازيحها عن صدري.
انا: لاء *كدبت*
هي: ماشي يازين براحتك.
حسيت من نبرتها أنها مش مصدقاني بس انا مبحبش أبين لحد اني ضعيف.
بعد دقايق وصلنا البيت ودخلنا...انا روحت علي التلاجة شربت ماية وماما اتكلمت.
هي: الصيانة كلموني النهاردة وقالوا كلها أسبوعين وعربيتك تكون جاهزة...روحت شفتها قبل ما جيلك كأنها لسة جديدة.
انا: بفكر أجيب واحدة جديدة اصلا.
هي: والله براحتك دي قراراتك وانت حر فيها.
أنت تقرأ
Don't Let Me Go
Fanfictionأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
