بصيت ل هاري وهو بصلي مصدومين من الي قالته لانا دلوقتي!!
فكرة أن لانا مريضة مش قادر اصدقها.
انا: لانا لو انتي بتقولي كدة عشان تنهي الخناق ما بينا انا وهاري ف دي فكرة مش حلوة..انتي مش مريضة صح!!
توقعت منا أنها ترد بس محصلش ده واكتفت بأنها تعيط.
بصيت ل هاري الي نظراته مترجية منها أنها تقول أنه مجرد كلام وأنها مش مريضة بس هي برده مردتش.
انا: لانا احنا بنكلمك هنا!!
صوتي كان عالي بسبب غضبي لأنها مش عايزة تدينا إجابة أو حتي تفسير.
لانا: بس بقي كفاية...ابعدوا عني أنتوا الاتنين مش عايزة حد معايا انا تعبت من الحياه دى ويمكن ربنا كان عارف شعوري ده عشان كدة خلاني هموت بعد أيام أو أشهر معرفش!!
هاري اطلع برا دلوقتي اركب عربيتك وامشي وإياك ترجع تاني.
وانت يازين!! *سكتت شوية* اخرج برا قول لأهلي واهلك وصحابنا وكلهم انك مش هتتحمل تعيش معايا لأي سبب تقوله.
واوعدكوا انكوا مش هتشوفوني تاني هي أصلا خلاص خلصت.
قامت وقفت فتحت الباب الزجاجي وخرجت للحديقة وانا فضلت مكاني بحاول استوعب الكلام الي قلته ده.
هي بجد عيانة!!
ومن أمتي وهي كدة!! من أمتي وهي عايزاني أبعد عنها.
دايما لو في أي مشاكل بنحلها سوا..ايه إلي اتغير!!
انا عارف أن أي حد مكانها بيبقي مش قادر يصدق انه ....انه هيموت ...وفي أي لحظة!!
عشان كدة هي كارهه كل حياتها وبذات أن الموضوع ده هيفرقنا عن بعض وعن كل الناس إلي بتحبهم.
بس انا مش هسمح لأي حاجة أنها تبعدها عني حتي ولو كان الموت.
انا وهي روح واحدة ولازم أحافظ علي الروح دي.
تريشا: زين في إيه؟! إيه الي حصل هنا؟ وليه بتعيط وليه لانا طلعت بتجري وهي بتعيط برده من شوية وهاري كان بيجري وراها!!
كلامها خلاني ألاحظ أن هاري مشي من الغرفة الي إحنا فيها من غير ما أخد بالي.
ووجود بعض اثار الدموع علي خدي الي نزلوه من غير ما أحس.
صدمتي من كلامها وتفكيري فيه خلاني مبقاش مركز مع الي حواليا.
وقفت واتجهت ناحيتها.
انا: ماما هي مشيت في أنهي إتجاه!؟
تريشا: خرجت علي الشارع خدت تاكسي وأظن أن هاري مشي وراها بعربيته.
فهمني إيه الي بي .......
انا: ماما مش وقته هفهمك بعدين.
تريشا: طب هعمل إيه في الناس إلي برا؟!
انا: قوللهم أي حاجة وخلاص.
خرجت خدت عربيتي الي كانت مليانة بالزهور ودورتها ومشيت.
اتصلت ب هاري وكويس انه رد عليا بعد إلي عملناه في بعض.
انا: لسة ماشي وراها؟!
هاري: اه.
انا: طيب قولي أنتوا فين بالظبط علي الطريق.
أنت تقرأ
Don't Let Me Go
Fanficأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
