*يوم حفل الزفاف*
خلاص ناقص ساعتين بس ولانا تكون معايا للأبد.
عمري ما هخليها زعلانة ابدا طول ما هتبقي معايا هخليها سعيدة.
قصة حبنا دي لو اتحكت لأي حد هيفتكرها فيلم مش حقيقة بس هي فعلا حقيقة *.*
بس عندي إحساس أن لانا مش مظبوطة من امبارح رافضة أي حد يدخلها حتي أنا بحجة أنها بتحضر نفسها لحفل الزفاف بس انا متأكد أنها مخبية حاجة عني!!
لبست البدلة وبصيت لنفسي للمرة المليون في المراية بعدها بصيت من النافذة علي الحفل الي تحت والناس الكتير الي بدأت تملأ الكراسي.
الشمس علي وشك الغروب.
سمعت صوت الباب بيخبط سمحت بالدخول فدخل ليام ونايل وقالوا بصوت عالي.
"العررررريييييس"
انا: اخرسووووا -_-
هزرت معاهم فهجموا عليا وقعوني علي السرير وزغزغوني كنت حاسس إني هموت من الضحك لحد ما خلصوا فضلنا نتكلم عن ذكرياتنا مع بعض ونضحك كتير لغيت ما جيه معاد اني لازم أنزل تحت.
نزلت معاهم لاقيت الناس كلها بتبصلي وصقفوا اول ما اتجهت ناحية القسيس ووقفت جنبه.
مستني لانا تنزل وتيجي ناحيتي.
وفعلا حصل ده خرجت لانا بفستان ابيض زي الملايكة وحواليها ستيف واشلي واستن ماسك ايديها وجايين ناحيتنا.
إبتسامة صغيرة ارتسمت علي وشي بمجرد أن شوفت ابتسامتها وهي بتقرب مني.
الناس كلها صقفت لما استن سلمني لانا وقرب مني وهمس.
"أقسم انك لو زعلت لانا في يوم هقتلك"
بعد عني فبصتله بأستغراب لأنه كان بيقولها بنبرة شريرة.
ضحك لما شاف تعابير وشي وقال.
"بهزر بهزر انا عارف انك بتحبها وهتسعدها علي طول"
ابتسم وخد ستيف واشلي معاه وقعدوا جنب ليام ونايل.
بصيت ل لانا وقبلتها من خدها.
انا: كل يوم بتبقي احلي من الي قبله.
قبلت أيديها فأبتسمت من الخجل قطع مشهدنا الرومانسي ده صوت القسيس: احم احم.
وقفنا ثابتين زي ما كنا في الأول وكاتمين ضحكتنا...المكان بقي هادي بمجرد أن القسيس بدأ الكلام وهو قدامه كتاب.
Lana's POV:
القسيس: كلنا نعلم أن الزواج يوجد به المشاكل التي تؤدي إلي كراهية الطرفين لبعض ولكن دائما تكون المشاكل لها حلول اذا تعاون الزوجين معا وتخلصوا منها بحب وهدوء وصبر.
والآن أسألك لانا هل تقبلين الزواج من زين مالك وتعيشين معه في السراء والضراء والغني والفقر والصحة والمرض؟!
انا: نعم أقبل.
قلت بكل ثقة وحب وبصيت لزين وابتسمت من قلبي وصقف الجميع لحد ما ابتدى القسيس بالكلام مرة تانية.
القسيس: زين مالك هل تقبل الزواج من لانا؟
زين: اكيد أقبل ده يبقي شرف ليا ❤
أنت تقرأ
Don't Let Me Go
Fanfictionأحبه ولكني لم أعترف له حتي ولا أعلم إن كان يكن لي بعض المشاعر أم لا. كما يقول الناس 'الحب يكمل حياه الإنسان' ولكن في حالتي فهو ينقص من حياتي. هل الماضي وحب الطفولة سوف يسمح لنا بالذهاب بعيدا في المستقبل!! أم سنظل مع بعضنا للأبد!! Cast Lana : Demi L...
