Poison Love 1

Chapter 12

Agad kong pinaghanda si JK ng maaari niyang makain at ang mga gamot na iinumin niya. Pinuntahan ko siya sa kwarto niya. At nakita ko siya sa kama na balot na balot ang sarili. Mukha siyang lumpia. Tapos ang pula pula talaga ng ilong at pisngi niya. Ganitong ganito talaga siya pag may sakit. Parang siyang bata na walang pakealam sa sarili basta maging komportable lang siya.

Tiningnan ko naman yung aircon. Patay naman. Pero mukhang lamig na lamig pa rin siya. Nilapitan ko siya at hinipo yung noo niya. yung leeg niya at hinawakan ko yung leeg ko, ang init nga niya. tiningnan ko yung kwarto niya. hindi naman siya ganon kagulo. Pero yung mga damit niya tambak. Kinuha ko ito at dinala sa labahan. Naisip ko na ring maglinis ng buong bahay.

Mamaya maya may kumatok.

“Sino po sila—“ nabigla ako na makita si London. “l-Lindon?” kinaway niya ang kamay niya at ngumiti sakin.

Agad din niyang nilagay sa bulsa ng pantalon niya ang mga kamay niya at dire-diretso siyang pumasok ng bahay. Napansin ko ang oras, 8:15 pa lang.

“Dumaan ako sa restaurant, wala ka.” Tiningnan niya ako. “You’re doing household chores?” tumango naman ako.

“Really!? Then can I help?” bigla ko namang naalala si JK.

“Sandali lang Lindon a.” agad kong hinubad yung apron na soot ko, yung gloves pati na rin yung nasa ulo ko at dali dali akong pumunta ng kusina at sa kwarto ni JK.

“Hey, what’s going on?” hindi ko na napansin si London.

Pumasok naman ako sa kwarto at nakita kong nag-iba na ang posisyon ni JK. Hindi na siya balot na balot ng kumot tapos nakasando na lang din siya. Hinubad niya ata yung jacket niya. Mukhang pinagpapawisan na siya at nagsisimula na siyang hindi maging comfortable, sinarado ko kasi lahat ng bintana, medyo konti lang yung hangin talaga na napasok.

“j-JK?” nakakunot yung mga kilay niya. At napansin ko pa yung katawan niya. sobrang puti pala talaga ni JK.

“Inom k-ka na ng gamot..” napakamot siya ng ulo. Inalalayan ko naman siya at inabot sa kanya yung gamot. Nakakunot pa rin yung mga kilay niya. Hindi niya minumulat yung mata niya pero uminom siya ng gamot.

“Ahh kumain ka na muna—“ bigla niyang hinigit ang kamay ko at niyakap ang bisig ko. “j-JK?”

“Ang lamig..” narinig kong sabi niya.

“Hah?” sinubukan ko namang hanapin yung jacket niya pero mukhang nasa kabilang side. Yakap yakap pa rin niya ang kamay ko. Ramdam ko tuloy yung init ng katawan niya. Kaya yung kumot na lang ang pinambalot ko sa kanya—

“Mainit pag yan..” parang naiinis ata siya sa nararamdaman niya. Mukhang hindi talaga siya okay.

“JK? Ano bang nararamdaman mo? may masakit ba? Saan ka hindi komportable?” nilapit ko ang mukha ko sa kanya para marinig niya ang boses ko.

Hindi siya agad sumagot. Pero ramdam ko pa rin ang mga kamay niya sa bisig ko. Unti-unti niyang minulat ang mga mata niya. At nung magtama ang mga tingin namin parang biglang nag-init ang mukha ko. Nahawaan niya ata ako ng init niya. Pero kasi..